കേരളത്തിലെ ആദ്യ എൽ.എൻ.ജി ബസ്​ ഓടിത്തുടങ്ങി; ബസിന്‍റെ സമയക്രമം അറിയാം

തിരുവനന്തപുരം: ഹരിത ഇന്ധനം ഉപയോഗിച്ച്​ പരീക്ഷണാടിസ്ഥാനത്തിൽ നടത്തുന്ന സർവിസുകൾ വിജയകരമായാൽ ഘട്ടംഘട്ടമായി കെ.എസ്.ആർ.ടി.സി ബസുകൾ എൽ.എൻ.ജിയിലേക്കും സി.എൻ.ജിയിലേക്കും മാറ്റ​ുമെന്ന്​ മന്ത്രി ആൻറണി രാജു. 400 ബസുകൾ എൽ.എൻ.ജിയിലേക്കും 1000 ബസുകൾ സി.എൻ.ജിയിലേക്കും മാറ്റാനാണ് ഉദ്ദേശിക്കുന്നത്​. ഇന്ധനവില കുതിച്ചുയരുമ്പോൾ ​െചലവ് കുറക്കാനാണ് ഇത്തരമൊരു ചുവടുമാറ്റമെന്നും മന്ത്രി വ്യക്തമാക്കി. കെ.എസ്​.ആർ.ടി.സിക്ക്​ കീഴിലെ ആദ്യ എൽ.എൻ.ജി ബസി​െൻറ ഫ്ലാഗ്​ ഒാഫ്​ തമ്പാനൂർ സെൻട്രൽ ഡിപ്പോയിൽ ഫ്ലാഗ്​ഒാഫ്​ ചെയ്​ത്​ സംസാരിക്കുകയായിരുന്നു അദ്ദേഹം.

ബസുകൾ എൽ.എൻ.ജിയിലേക്ക് മാറ്റുന്നതിന് മുന്നോടിയായി സർവിസുകളുടെ നിലവാരം പരിശോധിച്ചുവരുകയാ​ണെന്ന്​ ചടങ്ങിൽ അധ്യക്ഷത വഹിച്ച സി.എം.ഡി ബിജുപ്രഭാകർ പറഞ്ഞു. മൂന്ന്​ മാസത്തെ താൽക്കാലിക പെർമിറ്റ് എടുത്താണ്​ പെട്രോമെറ്റി​െൻറ രണ്ട് എൽ.എൻ.ജി ബസുകൾ പരീക്ഷണാടിസ്ഥാനത്തിൽ സർവിസ്​ നടത്തുന്നത്​. ഒരുമാസത്തിന് ശേഷം മൂന്നാർ പോലെയുള്ള മലയോര റൂട്ടുകളിൽ ആറ് ടൺ വഹിച്ചുള്ള സർവിസും പരിശോധിക്കും. ഇതിന് ശേഷം പെട്രോനെറ്റി​െലയും കെ.എസ്.ആർ.ടി.സിയി​െലയും എൻജിനീയർമാരുടെ പരിശോധനക്കുശേഷം തീരുമാനം കൈക്കൊള്ളും. ഇന്ത്യയിൽ ആദ്യമായാണ് ഇത്തരം ഒരു സംരംഭമെന്നും സി.എം.ഡി കൂട്ടിച്ചേർത്തു.

ചടങ്ങിൽ പെട്രോനെറ്റ് വൈസ് പ്രസിഡൻറ്​ യോ​ഗാനന്ദ റെഡ്ഢിയും സി.എം.ഡി ബിജുപ്രഭാകറും ചേർന്ന് ധാരണപത്രത്തിൽ ഒപ്പുവെച്ചു.

സമയക്രമം ഇങ്ങനെ: (സ്ഥലം, എത്തിച്ചേരൽ/ പുറപ്പെടൽ)
തിരുവനന്തപുരം^എറണാകുളം സർവിസ്​
തിരുവനന്തപുരം ഉച്ചക്ക്​ 2.00 (പുറപ്പെടൽ)
കൊല്ലം വൈകീട്ട്​ 4.00/ ​ ​വൈകീട്ട്​ 4.20
ആലപ്പുഴ വൈകീട്ട്​ 6.30/ വൈകീട്ട്​ 6.40
എറണാകുളം രാത്രി 8.15
എറണാകുളം^തിരുവനന്തപുരം സർവിസ്​:
എറണാകുളം രാവിലെ 5.00 (പുറപ്പെടൽ)
ആലപ്പുഴ രാവിലെ 6.35/ രാവിലെ 6.45
കൊല്ലം രാവിലെ 9.15/ രാവിലെ 9.20
തിരുവനന്തപുരം രാവിലെ 11.15
എറണാകുളം^കോഴിക്കോട്​ സർവിസ്​:
എറണാകുളം രാവിലെ 6.30 (പുറപ്പെടൽ)
തൃ​​ശൂർ രാവിലെ^8.35/ രാവിലെ 9.00
കോഴിക്കോട്​ ഉച്ചക്ക്​ 12.20
കോഴിക്കോട്​^എറണാകുളം സർവിസ്​:
കോഴിക്കോട് ഉച്ചക്ക്​ 2.30 (പുറപ്പെടൽ)
ത​ൃശൂർ വൈകീട്ട്​ 5.50/ വൈകീട്ട്​ 6.15
എറണാകുളം രാത്രി 8.20