കേരളത്തിലെ ആദ്യ ജി.ബി.എസ് മരണം വാഴക്കുളത്ത്

മൂവാറ്റുപുഴ: കേരളത്തിലെ ആദ്യ ജി.ബി.എസ് (ഗില്ലൻബാരി സിൻഡ്രോം) മരണം വാഴക്കുളത്ത്. കാവന തടത്തിൽ ജോയ് ഐപ് (58) ആണ് മരിച്ചത്.

കോട്ടയം മെഡിക്കൽ കോളജിലെ തീവ്രപരിചരണ വിഭാഗത്തിൽ ചികിത്സയിലായിരുന്നു. ഇന്നലെയായിരുന്നു മരണം.

ശരീരത്തിന്‍റെ രോഗ പ്രതിരോധശേഷിയെ താളം തെറ്റിക്കുക‍യാണ് ഗില്ലൻ ബാരി സിൻഡ്രോം ചെയ്യുന്നത്. ശ്വാസകോശത്തിലോ ദഹനനാളത്തിലോ അണുബാധയോടെയാണ് രോഗത്തിന്‍റെ ആരംഭം.

പേശീ ബലഹീനത, പനി, വയറിളക്കം, വയറുവേദന, ക്ഷീണം, മരവിപ്പ് എന്നീ ലക്ഷണങ്ങളെല്ലാം കണ്ടേക്കാം. ഗുരുതരമായവരിൽ പക്ഷാഘാതം വരെ സംഭവിക്കാൻ സാധ്യതയുണ്ട്.