മൃഗശാലയിലേത്​ രാജവെമ്പാല കടിച്ചുള്ള കേരളത്തിലെ ആദ്യ മരണം

തിരുവനന്തപുരം: തിരുവനന്തപുരം മൃഗശാലയിലേത്​ കേരളത്തിൽ റിപ്പോർട്ട്​ ചെയ്​ത, രാജവെമ്പാലയുടെ കടിയേറ്റുള്ള ആദ്യ മരണം. ഇത്തരത്തിൽ വിരലിലെണ്ണാവുന്ന മരണങ്ങളാണ് രാജ്യത്തുതന്നെ​ റിപ്പോർട്ട്​ ചെയ്തിട്ടുള്ളത്. രാജവെമ്പാലയുടെ ആവാസ വ്യവസ്​ഥ ഉൾവനത്തിലായതിനാൽ മനുഷ്യരുമായി സമ്പർക്കത്തിൽ വരാറില്ല.

തിരുവനന്തപുരം മൃഗശാലയിലെ കീപ്പർ കാട്ടാക്കട അമ്പൂരി സ്വദേശി ഹർഷാദാണ്​ (45) രാജവെമ്പാലയുടെ കടിയേറ്റ്​ മരിച്ചത്. വ്യാഴാഴ്​ച ഉച്ചക്ക്​ രാജവെമ്പാലക്ക്​ തീറ്റകൊടുക്കുന്നതിനിടെയായിരുന്നു അപകടം.

Also Read:രാജവെമ്പാലയുടെ കടിയേറ്റ് മൃഗശാല ജീവനക്കാരൻ മരിച്ചു

രാജവെമ്പാലയുടെ വിഷത്തിന്​ വീര്യംകുറവാണെങ്കിലും ഒരു കടിയിലൂടെ പുറന്തള്ളുന്ന വിഷത്തിെൻറ അളവ്​ കൂടുതലാണ്​. ഒരു കടിയിൽ 20 ആളുകളെയോ ഒരു ആനയെയോ കൊല്ലാനുള്ള വിഷം രാജവെമ്പാലക്ക്​ വമിപ്പിക്കാനാകും. കടിയേറ്റാൽ 15 മിനിറ്റിനുള്ളിൽ മരണം സംഭവിക്കാം. രാജവെമ്പാലക്ക്​ ശരാശരി 10^18 അടി നീളമുണ്ടാകും. 20 വർഷമാണ്​ ആയുർദൈർഘ്യം.

രാജവെമ്പാല വിഷത്തിനെതിരെ ആൻറി സ്നേക് വെനമാണ്​ നൽകുന്നത്​. മൂർഖൻ, വെള്ളിക്കെട്ടൻ അഥവ ശംഖുവരയൻ, അണലി, ചുരുട്ട മണ്ഡലി എന്നീ ഇനങ്ങളിലെ വിഷപ്പാമ്പുകളാണ്​ ഇന്ത്യയിൽ സാധാരണ കാണാറ്​. വിഷപ്പാമ്പുകളിൽ കൂടുതൽ വീര്യമുള്ള വിഷം വെള്ളിക്കെട്ടനാണ്. ഈ നാല് പാമ്പുകളുടെ വിഷത്തിനെതിരായ മറുമരുന്ന് മാത്രമേ​ കേരളത്തിലടക്കം ലഭിക്കൂ. സംഭവത്തിൽ മൃഗശാല ഡയറക്​ടറോട്​ മന്ത്രി ജെ. ചിഞ്ചുറാണി റിപ്പോർട്ട്​ ആവശ്യപ്പെട്ടു.