യു.ജി.സി കരട്​ ചട്ടങ്ങൾക്കെതി​രെ യോജിച്ച പ്രതിരോധത്തിന്​ കേരളം മുൻകൈയെടുക്കും -മുഖ്യമ​ന്ത്രി

തി​രു​വ​ന​ന്ത​പു​രം: യു.​ജി.​സി ക​ര​ട്​ ച​ട്ട​ങ്ങ​ളെ ബി.​​ജെ.​പി ഇ​ത​ര പാ​ർ​ട്ടി​ക​ൾ ഭ​രി​ക്കു​ന്ന സം​സ്ഥാ​ന​ങ്ങ​ളു​ടെ സ​ഹ​ക​ര​ണ​ത്തോ​ടെ പ്ര​തി​രോ​ധി​ക്കാ​ൻ കേ​ര​ളം മു​ൻ​കൈ​യെ​ടു​ക്കു​മെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സം​സ്ഥാ​ന​ങ്ങ​ളു​ടെ ഭ​ര​ണ​ഘ​ട​ന അ​വ​കാ​ശ​ങ്ങ​ള്‍ ലം​ഘി​ക്കു​ന്ന ക​ര​ട് ച​ട്ട​ങ്ങ​ള്‍ പു​നഃ​പ​രി​ശോ​ധി​ക്ക​ണ​മെ​ന്ന് കേ​ന്ദ്ര വി​ദ്യാ​ഭ്യാ​സ മ​ന്ത്രി ധ​ര്‍മേ​ന്ദ്ര പ്ര​ധാ​ന് ക​ത്തെ​ഴു​തി​യി​ട്ടു​ണ്ട്. ഇ​തേ വി​ഷ​യ​ത്തി​ല്‍ ബി.​ജെ.​പി ഇ​ത​ര മു​ഖ്യ​മ​ന്ത്രി​മാ​ര്‍ക്കും ക​ത്തെ​ഴു​തി.

ഈ ​വി​ഷ​യ​ത്തി​ല്‍ കൂ​ട്ടാ​യ പ​രി​ശ്ര​മ​ങ്ങ​ള്‍ക്കാ​ണ് കേ​ര​ളം മു​ന്‍കൈ​യെ​ടു​ക്കു​ന്ന​ത്. വി.​സി നി​യ​മ​ന​ത്തി​നു​ള്ള സെ​ര്‍ച്ച് കം ​സെ​ല​ക്ഷ​ന്‍ ക​മ്മി​റ്റി​യു​ടെ രൂ​പ​വ​ത്​​ക​ര​ണം​പോ​ലും ചാ​ന്‍സ​ല​റു​ടെ മാ​ത്രം അ​ധി​കാ​ര​മാ​ക്കി​മാ​റ്റു​ക​യാ​ണ്. സം​സ്ഥാ​ന സ​ർ​വ​ക​ലാ​ശാ​ല​ക​ളി​ലെ വൈ​സ് ചാ​ന്‍സ​ല​ര്‍മാ​രെ ഫ​ല​ത്തി​ല്‍ കേ​ന്ദ്രം ഭ​രി​ക്കു​ന്ന പാ​ർ​ട്ടി തീ​രു​മാ​നി​ക്കു​ന്ന നി​ല​യാ​ണ് പു​തി​യ യു.​ജി.​സി നി​ർ​ദേ​ശ​ത്തി​ലു​ള്ള​ത്. വി.​സി നി​യ​മ​ന​ത്തി​നു​ള്ള സെ​ര്‍ച്ച് കം ​സെ​ല​ക്ഷ​ന്‍ ക​മ്മി​റ്റി​യി​ല്‍ സം​സ്ഥാ​ന സ​ര്‍ക്കാ​റി​ന് നാ​മ​നി​ർ​ദേ​ശം ന​ല്‍കാ​നു​ള്ള അ​വ​കാ​ശം ഇ​ല്ലാ​താ​ക്കു​ന്ന ത​ര​ത്തി​ല്‍ ച​ട്ട​ങ്ങ​ള്‍ നി​ർ​മി​ക്കാ​ന്‍ ശ്ര​മി​ക്കു​ന്ന​ത്​ സ​ർ​വ​ക​ലാ​ശാ​ല​ക​ളി​ല്‍ ഇ​നി കേ​ന്ദ്രം ഭ​ര​ണം ന​ട​ത്തി​ക്കോ​ളു​മെ​ന്ന്​ പ​റ​യു​ന്ന രാ​ഷ്ട്രീ​യ ധാ​ര്‍ഷ്ട്യ​മാ​ണെ​ന്നും മു​ഖ്യ​മ​ന്ത്രി കു​റ്റ​പ്പെ​ടു​ത്തി.

വി.​സി പ​ദ​വി​യി​ൽ അ​ക്കാ​ദ​മി​ക പ​രി​ച​യ​മി​ല്ലാ​ത്ത​വ​രെ​യും നി​യോ​ഗി​ക്കാ​മെ​ന്ന നി​ർ​ദേ​ശ​ത്തി​ലൂ​ടെ ത​ങ്ങ​ള്‍ക്ക് വേ​ണ്ട​പ്പെ​ട്ട​വ​രെ കൊ​ണ്ടി​രു​ത്താ​നു​ള്ള വ​ള​ഞ്ഞ വ​ഴി​യാ​ണ് കേ​ന്ദ്രം പ​യ​റ്റു​ന്ന​ത്. രാ​ജ്യ​ത്തി​ന്‍റെ ഫെ​ഡ​റ​ല്‍ ത​ത്വ​ങ്ങ​ളെ അ​ട്ടി​മ​റി​ച്ച്, സം​സ്ഥാ​ന സ​ര്‍വ​ക​ലാ​ശാ​ല​ക​ളു​മാ​യി ബ​ന്ധ​പ്പെ​ട്ട സം​സ്ഥാ​ന​ങ്ങ​ളു​ടെ അ​വ​കാ​ശ​ങ്ങ​ൾ പൂ​ര്‍ണ​മാ​യും ഇ​ല്ലാ​താ​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​ണ് ക​ര​ട് ച​ട്ട​ങ്ങ​ള്‍.

ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ നി​ല​വാ​രം ഏ​കീ​ക​രി​ക്കു​ക​യും നി​ശ്ച​യി​ക്കു​ക​യും ചെ​യ്യു​ക എ​ന്ന പ​രി​മി​ത​മാ​യ ദൗ​ത്യം മാ​ത്ര​മേ സം​സ്ഥാ​ന സ​ർ​വ​ക​ലാ​ശാ​ല​ക​ളി​ല്‍ കേ​ന്ദ്ര​ത്തി​നു​ള്ളൂ. 1956ലെ ​യു.​ജി.​സി നി​യ​മ​പ്ര​കാ​രം നി​ർ​മി​ച്ച ച​ട്ട​ങ്ങ​ള്‍ സം​സ്ഥാ​ന നി​യ​മ​ങ്ങ​ള്‍ ഒ​ഴി​വാ​ക്കി സ​ര്‍വ​ക​ലാ​ശാ​ല​ക​ളെ നി​യ​ന്ത്രി​ക്കാ​നു​ള്ള പ​ദ്ധ​തി​യ​ല്ലെ​ന്ന്​ ഡോ. ​ബി.​ആ​ര്‍. അം​ബേ​ദ്ക​ര്‍ ഭ​ര​ണ​ഘ​ട​ന അ​സം​ബ്ലി​യി​ല്‍ പ​റ​ഞ്ഞ​തും മു​ഖ്യ​മ​ന്ത്രി ചൂ​ണ്ടി​ക്കാ​ട്ടി.