കേരള സർവകലാശാലയിൽ 45 ബിരുദ സർട്ടിഫിക്കറ്റുകൾ കാണാതായി

തിരുവനന്തപുരം: കേരള സർവകലാശാലയിൽ 45 ബി.ടെക്​​ വിദ്യാർഥികളുടെ ബിരുദ സർട്ടിഫിക്കറ്റ്​ ദുരൂഹസാഹചര്യത്തിൽ കാണാത ായി. സർട്ടിഫിക്കറ്റുകൾ കണ്ടുകിട്ടുന്നവർ തിരികെ ഏൽപിക്കണമെന്നാവശ്യപ്പെട്ട്​ പരീക്ഷ കൺട്രോളർ ഇ​േൻറണൽ സർക്കു ലറുമിറക്കി. കോഴ്​സ്​ പൂർത്തിയാക്കിയ വിദ്യാർഥികളുടെ അപേക്ഷയിൽ തയാറാക്കിയ ബിരുദ സർട്ടിഫിക്കറ്റ്​ അന്തിമ അംഗ ീകാരത്തിനായി പരീക്ഷ കൺട്രോളറുടെയും വൈസ്​ചാൻസലറുടെയും ഒാഫിസിലേക്ക്​ കൈമാറിയതായിരുന്നു. പരീക്ഷ കൺട്രോളറുട െ ഒാഫിസിൽ എത്തിയതായി രേഖയുണ്ട്​. പിന്നീട്​ ​എങ്ങോട്ടു​പോയെന്നതിന്​ രേഖയില്ല.

29 സർട്ടിഫിക്കറ്റുകളടങ ്ങിയ ഒരു കെട്ട്​ ​കഴിഞ്ഞ മേയ്​ മൂന്നിനാണ്​ പരീക്ഷ കൺട്രോളറുടെ ഒാഫിസിലേക്ക്​ കൈമാറിയത്​. മേയ്​ നാലിന്​ 16 സർട്ടിഫിക്കറ്റുകളടങ്ങിയ മറ്റൊരു കെട്ടും നൽകി​. പരീക്ഷ കൺട്രോളറുടെ അംഗീകാരത്തിനു​ശേഷമാണ്​ ബിരുദ സർട്ടിഫിക്കറ്റുകൾ ഒപ്പുവെക്കാനായി വൈസ്​ചാൻസലറുടെ ഒാഫിസിലേക്ക്​ കൈമാറേണ്ടത്​. സർട്ടിഫിക്കറ്റുകൾ ഒപ്പിട്ട്​ തിരികെ എത്താതിരുന്നതോടെ ബന്ധപ്പെട്ട സെക്​ഷനിലുള്ളവർ നടത്തിയ അന്വേഷണത്തിലാണ്​ നഷ്​ടപ്പെട്ടതായി വ്യക്തമായത്​. സർട്ടിഫിക്കറ്റ്​ കാണാതായെന്ന്​ വ്യക്തമായ പരീക്ഷ കൺട്രോളർ പ്രത്യേക ഇ​േൻറണൽ സർക്കുലർ പുറപ്പെടുവിച്ചു.

വൈസ്​ചാൻസലർക്ക്​ സമർപ്പിച്ച ബിരുദ സർട്ടിഫിക്കറ്റുകൾ അടങ്ങിയ ഫയൽ നഷ്​ടപ്പെട്ടിട്ടുണ്ടെന്നും കണ്ടുകിട്ടുന്നവർ ജൂലൈ എട്ടിനകം തിരികെ ഏൽപിക്കാൻ നിർദേശിച്ചുള്ള സർക്കുലർ ജൂലൈ ഒന്നിനാണ്​ പുറത്തിറക്കിയത്​. ​ഇതിനിടെ നേരത്തേ തയാറാക്കിയ സർട്ടിഫിക്കറ്റുകൾ​ റദ്ദാക്കി പുതിയ ബിരുദ സർട്ടിഫിക്കറ്റുകൾ അനുവദിക്കുന്നതിനായുള്ള നീക്കവും നടന്നു. സംഭവമറിഞ്ഞ വൈസ്​ചാൻസലർ പരീക്ഷ കൺട്രോളറുടെ സർക്കുലർ റദ്ദാക്കാനും പൊലീസ്​ അന്വേഷണത്തിന്​ കൈമാറാനും നിർദേശിച്ചു. ഒ​േട്ടറെ വിദ്യാർഥികൾ സർട്ടിഫിക്കറ്റ്​ ലഭിക്കാതെ സർവകലാശാലയെ സമീപിച്ചുതുടങ്ങിയതോടെയാണ്​ തയാറാക്കിയവ നഷ്​ടപ്പെട്ട വിവരം പുറത്തറിയുന്നത്​.
പരീക്ഷ ഭവനിലെ ബന്ധപ്പെട്ട സെക്​ഷനിൽ തയാറാക്കിയാണ്​ സർട്ടിഫിക്കറ്റുകൾ പരീക്ഷ കൺ​േട്രാളറു​ടെ അംഗീകാരത്തിനായി സമർപ്പിക്കുന്നത്​. വൈസ്​ചാൻസലർക്ക്​ സമർപ്പിച്ച സർട്ടിഫിക്കറ്റുകൾ കാണാതായെന്ന ​രീതിയിൽ പരീക്ഷ കൺട്രോളർ സർക്കുലർ പുറപ്പെടുവിച്ചതും വിമർശന വിധേയമായി. പരീക്ഷ കൺട്രോളറുടെ ഒാഫിസിൽ ഫയലുകളുടെ കൈമാറ്റരേഖകൾ നേരാംവണ്ണം സൂക്ഷിക്കുന്നില്ലെന്ന പരാതി നേരത്തേ തന്നെ ഉയർന്നിരുന്നു.

അന്വേഷണത്തിന്​ നിർദേശം നൽകി -വി.സി
തിരുവനന്തപുരം: സർട്ടിഫിക്കറ്റുകൾ നഷ്​ടപ്പെട്ടത്​ സ്​ഥിരീകരിച്ച്​ വൈസ്​ചാൻസലർ ഡോ.വി.പി. മഹാദേവൻപിള്ള. സർട്ടിഫിക്കറ്റുകൾ വീണ്ടെടുക്കാനുള്ള ​​ശ്രമം പുരോഗമിക്കുകയാണ്​. ബുധനാഴ്​ചയാണ്​ സംഭവം ത​​െൻറ ശ്രദ്ധയിൽപെട്ടതെന്നും ഇതുസംബന്ധിച്ച്​ അന്വേഷണം നടത്താൻ നിർദേശിച്ചതായും വി.സി ‘മാധ്യമ’ത്തോട്​ പറഞ്ഞു.