അവധിയിൽ പോക്ക്, ചുമതല നൽകൽ, സസ്പെൻഷൻ, വിശദീകരണം...; കേരളയിൽ നാടകീയ നീക്കങ്ങൾ, തുറന്ന പോര്

തിരുവനന്തപുരം: വി.സിയും സിൻഡിക്കറ്റും തമ്മിൽ പോര് തുടരുന്ന കേരള സർവകലാശാലയിൽ രജിസ്ട്രാറുടെ ചുമതലയിൽ തിരിച്ചുവന്നെന്ന് ഡോ. ​കെ.​എ​സ്.​ അ​നി​ൽ​കു​മാ​ർ. എന്നാൽ, ഇത് അംഗീകരിക്കാതെ മറ്റൊരാൾക്ക് രജിസ്ട്രാറുടെ ചുമതല നൽകിയിരിക്കുകയാണ് താൽക്കാലിക വി.സി ഡോ. സിസ തോമസ്. ഇതോടെ, വി.സിയും സിൻഡിക്കറ്റും തമ്മിലുള്ള തർക്കം മുറുകിയിരിക്കുകയാണ്.

രജിസ്ട്രാറെ താൻ സസ്പെൻഡ് ചെയ്തത് റദ്ദാക്കിയ സിൻഡിക്കേറ്റിന്‍റെ തീരുമാനം അം​ഗീകരിക്കില്ലെന്ന നിലപാടിൽ ഉറച്ചുനിൽക്കുകയാണ് വി.സി സിസാ തോമസ്. സിൻഡിക്കറ്റിന്‍റെ തീരുമാനം പ്രകാരം ഇന്ന് രജിസ്ട്രാറായി കെ.​എ​സ്.​ അനിൽകുമാർ വീണ്ടും ചുമതലയേറ്റെടുത്തിരുന്നു. എന്നാൽ, ഇതിന് പിന്നാലെ മറ്റൊരാൾക്ക് രജിസ്ട്രാറുടെ ചുമതല നൽകിയിരിക്കുകയാണ് സിസാ തോമസ്. മിനി കാപ്പനാണ് ചുമതല നൽകിയത്.

ഇന്നലെ പ്ര​ത്യേ​ക സി​ൻ​ഡി​ക്കേ​റ്റ്​ യോ​ഗ​ത്തി​ൽ ര​ജി​സ്​​ട്രാ​റു​ടെ സ​സ്​​പെ​ൻ​ഷ​ൻ പി​ൻ​വ​ലി​ക്ക​ണ​മെ​ന്ന പ്ര​മേ​യ​ത്തി​ന്​ വി.​സി​യു​ടെ ചു​മ​ത​ല​യു​ള്ള ഡോ. ​സി​സ തോ​മ​സ്​ അ​നു​മ​തി നി​ഷേ​ധി​ച്ചി​രു​ന്നു. ഇ​ത്​ ത​ള്ളി സി​ൻ​​ഡി​ക്കേ​റ്റം​ഗ​ങ്ങ​ൾ പ്ര​മേ​യം അ​വ​ത​രി​പ്പി​ച്ച​തോ​ടെ, യോ​ഗം പി​രി​ച്ചു​വി​ടു​ന്നെ​ന്ന്​ പ്ര​ഖ്യാ​പി​ച്ച്​ വി.​സി ഇ​റ​ങ്ങി​പ്പോ​യി. ഇതിന് പിന്നാലെയാണ് രജിസ്ട്രാറുടെ സസ്പെൻഷൻ പിൻവലിച്ച് സി​ൻ​ഡി​ക്കേ​റ്റ്​ യോ​ഗം തീരുമാനമെടുത്തത്. സി​ൻ​ഡി​ക്കേ​റ്റ്​ നി​ല​പാ​ടി​ന്​ ബ​ലം പ​ക​രാ​ൻ ഇ​ന്ന​ലെ വൈ​കീ​ട്ട്​ ത​ന്നെ ര​ജി​സ്​​ട്രാ​ർ ഡോ. ​കെ.​എ​സ്.​ അ​നി​ൽ​കു​മാ​റി​നെ സ​ർ​വ​ക​ലാ​ശാ​ല ഓ​ഫി​സി​ലെ​ത്തി​ച്ച്​ ജോ​യി​ൻ ചെ​യ്യി​ക്കു​ക​യും ചെ​യ്തു.

വി.​സി യോ​ഗ​ത്തി​ൽ നി​ന്ന്​ ഇ​റ​ങ്ങി​പ്പോ​യെ​ങ്കി​ലും ര​ജി​സ്​​ട്രാ​റു​ടെ ചു​മ​ത​ല​യുണ്ടായിരുന്ന ജോ​യ​ന്‍റ്​ ര​ജി​സ്​​ട്രാ​ർ പി. ഹ​രി​കു​മാ​ർ ഇന്നലെ സി​ൻ​ഡി​ക്കേ​റ്റം​ഗ​ങ്ങ​ൾ തു​ട​ർ​ന്ന്​ ന​ട​ത്തി​യ യോ​ഗ​ത്തി​ലും പ​​ങ്കെ​ടു​ത്തിരുന്നു. ഇതിൽ ഇന്ന് വി.സി സിസ തോമസ് വിശദീകരണം തേടി. ഇതിന് പിന്നാലെ ഹരികുമാർ അവധിയിൽ പോയിരിക്കുകയാണ്. ഉടൻ തന്നെ ഹരികുമാറിനെ വി.സി ചുമതലകളിൽ നിന്ന് മാറ്റി. വി.സിയുടെ അനുമതിയില്ലാതെ പി. ഹരികുമാർ സസ്പെൻഷനിലായിരുന്ന രജിസ്ട്രാർക്ക് ചാർജ് കൈമാറിയെന്ന് കാണിച്ചാണ് നടപടി.

കാ​വി​ക്കൊ​ടി​യേ​ന്തി​യ ഭാ​ര​താം​ബ ചി​ത്രം സ്ഥാ​പി​ച്ച​ പരിപാടിയെ തുടർന്നാണ് കേരളയിൽ നിലവിലെ സംഭവവികാസങ്ങൾക്ക് തുടക്കമായത്. ഭാ​ര​താം​ബ ചി​ത്രം സ്ഥാ​പി​ച്ചതി​നെ തു​ട​ര്‍ന്ന് സെ​ന​റ്റ് ഹാ​ളി​ല്‍ ന​ട​ത്താ​നി​രു​ന്ന ഗ​വ​ർ​ണ​ർ പ​ങ്കെ​ടു​ക്കു​ന്ന പ​രി​പാ​ടി ര​ജി​സ്ട്രാ​ർ കെ.​എ​സ്. അ​നി​ല്‍കു​മാർ റ​ദ്ദാ​ക്കി​യിരുന്നു. എന്നാൽ, ഈ നടപടിയെ തുടർന്ന് സി​ൻ​ഡി​ക്കേ​റ്റി​ന്‍റെ അ​ധി​കാ​ര​മു​പ​യോ​ഗി​ച്ച്​ വി.​സി മോ​ഹ​ന​ൻ കു​ന്നു​മ്മ​ൽ ര​ജി​സ്ട്രാ​ർ കെ.​എ​സ്. അ​നി​ല്‍കു​മാറിനെ സ​സ്പെ​ൻ​ഡ് ചെ​യ്തു. പി​ന്നാ​ലെ, വി.​സി മോ​ഹ​ന​ൻ കു​ന്നു​മ്മ​ൽ വി​ദേ​ശ സ​ന്ദ​ർ​ശ​ന​ത്തി​ന്​ പോ​കു​ക​യും പ​ക​രം ചു​മ​ത​ല ഡി​ജി​റ്റ​ൽ യൂ​നി​വേ​ഴ്സി​റ്റി വി.​സി ഡോ. ​സി​സ തോ​മ​സി​ന്​ ന​ൽ​കു​ക​യു​​മാ​യി​രു​ന്നു.

അതിനിടെ, കേരള സർവകലാശാലയിലെ നാടകീയ രംഗങ്ങൾക്ക് പിന്നാലെ അടിയന്തര റിപ്പോർട്ട് ആവശ്യപ്പെട്ടിരിക്കുകയാണ് ഗവർണർ രാജേന്ദ്ര ആർലേക്കർ. ഇന്നലെ നടന്ന സിൻഡിക്കേറ്റ് യോഗവുമായി ബന്ധപ്പെട്ട റിപ്പോർട്ടാണ് താൽക്കാലിക വി.സി സിസാ തോമസിനോട് ആവശ്യപ്പെട്ടത്. ഉടൻ തന്നെ റിപ്പോർട്ട് നൽകണമെന്ന് നിർദേശമുണ്ട്.