Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകേ​ര​ളം ചു​വ​ന്നു,...

കേ​ര​ളം ചു​വ​ന്നു, ഗൗ​രി തി​ള​ങ്ങി

text_fields
bookmark_border
കേ​ര​ളം ചു​വ​ന്നു, ഗൗ​രി തി​ള​ങ്ങി
cancel

കേ​​ര​​ള​​ത്തി​െ​ൻ​റ രാ​​ഷ്​​​ട്രീ​​യ^​​സാ​​മൂ​​ഹി​​ക കാ​ലാ​​വ​​സ്​​​ഥ​ തി​രു​ത്തി​യ തെ​​ര​​ഞ്ഞെ​​ടു​​പ്പ്​ വി​പ്ല​വ​ത്തി​ൽ വി​ട​ർ​ന്ന മ​ന്ത്രി​സ​ഭ​യി​ലെ വ​നി​താ നാ​യി​ക. ച​രി​ത്രം കു​റി​ച്ച ഇ.​എം.​എ​സ്​ മ​ന്ത്രി​സ​ഭ​യി​ൽ അ​ദ്ദേ​ഹ​ത്തോ​ള​മോ ചി​ല​പ്പോ​ഴെ​ല്ലാം അ​ദ്ദേ​ഹ​ത്തെ​ക്കാ​ളേ​റെ​യോ കെ.​ആ​ർ. ഗൗ​രി​യെ​ന്ന നേ​താ​വും മ​ന്ത്രി​യും ച​ർ​ച്ച​ചെ​യ്യ​പ്പെ​ട്ടി​രു​ന്നു. ലോ​ക​ത്ത്​ ബാ​ല​റ്റി​ലൂ​ടെ തെ​ര​ഞ്ഞെ​ടു​ക്ക​പ്പെ​ട്ട ആ​ദ്യ ക​മ്യൂ​ണി​സ്​​റ്റ്​ സ​ർ​ക്കാ​റി​​നെ​ക്കു​റി​ച്ചും വി​ജ​യ​ത്തി​ലേ​ക്ക്​​ എ​ത്തി​ച്ച തെ​ര​ഞ്ഞെ​ടു​പ്പി​നെ​പ്പ​റ്റി​യും എ​ന്നും ആ​വേ​ശ​ത്തോ​ടെ മാ​ത്ര​മേ ഗൗ​രി​യ​മ്മ ഓ​ർ​ക്കാ​റു​ണ്ടാ​യി​രു​ന്നു​ള്ളൂ.

ചേ​ർ​ത്ത​ല​യി​ൽ​നി​ന്ന്​ ചെ​ന്താ​മ​ര

1957ലെ ​തെ​ര​ഞ്ഞെ​ടു​പ്പി​ൽ ചേ​​ർ​​ത്ത​​ല​​യി​​ൽ​​നി​​ന്നാ​​ണ്​ ഗൗ​രി​യ​മ്മ ആദ്യമായി തെ​ര​ഞ്ഞെ​ടു​ക്ക​പ്പെ​ട്ട​ത്. ആ​​റു​ ഘ​​ട്ട​​മാ​​യി​ ന​ട​ന്ന അ​ന്ന​ത്തെ തെ​ര​ഞ്ഞെ​ടു​പ്പി​െ​ൻ​റ ഫ​ലം മാ​​ർ​​ച്ച്​ അ​​വ​​സാ​​നം പു​റ​ത്തു​വ​ന്നു. 1957 ഏ​​​പ്രി​​ൽ അ​​ഞ്ചി​​ന്​​ ക​​മ്യൂ​​ണി​​സ്​​​റ്റ് മ​​ന്ത്രി​​സ​​ഭ അ​​ധി​​കാ​​​ര​​മേ​​റ്റു. '59 ജൂ​​ലൈ 31വ​​രെ മാ​​ത്ര​മേ ഇ​​തി​​ന്​ ആ​​യു​​സ്സു​​ണ്ടാ​​യി​​രു​​ന്നു​​ള്ളൂ.

ഇ.​​എം.​​എ​​സ​ി​െ​ൻ​റ നേ​​തൃ​​ത്വ​​ത്തി​​ൽ സി. ​​അ​​ച്യു​​ത​മേ​​നോ​​ൻ, ടി.​​വി. തോ​​മ​​സ്, കെ.​​സി. ജോ​​ർ​​ജ്, കെ.​​പി. ഗോ​​പാ​​ല​​ൻ, ടി.​​എ. മ​​ജീ​​ദ്, പി.​​കെ. ചാ​​ത്ത​​ൻ, ജോ​​സ​​ഫ്​ മു​​ണ്ട​​ശ്ശേ​​രി, വി.​​ആ​​ർ. കൃ​​ഷ്​​​ണ​​യ്യ​​ർ, ഡോ.​ ​എ.​​ആ​​ർ. മേ​​നോ​​ൻ തു​ട​ങ്ങി​യ​​വ​​ർ​ക്കൊ​പ്പം 37ാം വ​യ​സ്സി​ൽ കെ.​ആ​ർ. ഗൗ​രി​യും മ​ന്ത്രി​മാ​രാ​യി. ടി.​​വി​​യു​​മാ​​യു​​ള്ള ഗൗ​രി​യു​ടെ സ്​​​നേ​​ഹ​​ബ​​ന്ധം അ​പ്പോ​ഴേ​ക്കും എ​​ല്ലാ​​വ​​ർ​​ക്കും അ​​റി​​യാ​​മാ​​യി​​രു​​ന്നു. അ​​തു​കൊ​ണ്ടു​ത​ന്നെ ര​​ണ്ടു​​പേ​​രും പ്ര​​ഥ​​മ മ​​ന്ത്രി​​സ​​ഭ​​യി​​ൽ അം​​ഗ​​ങ്ങ​​ളാ​​യ​​ത്​ വ​ൻ വാ​ർ​ത്ത​യാ​യി. ടി.​​വി​​ക്ക്​ ഗ​​താ​​ഗ​​ത​​വും തൊ​​ഴി​​ലും ഗൗ​രി​ക്ക്​ റ​​വ​​ന്യൂ, ലാ​​ൻ​​ഡ്​ വ​​കു​​പ്പു​​ക​​ളു​​മാ​​യി​​രു​​ന്നു ല​ഭി​ച്ച​ത്.

ആ​യി​രം ചൂ​ട്ടു​വെ​ളി​ച്ച​ത്തി​ൽ

സ​ത്യ​പ്ര​തി​ജ്ഞ ചെ​യ്​​ത​ശേ​ഷം നാ​ട്ടി​ൽ തി​രി​ച്ചെ​ത്തി​യ​പ്പോ​ൾ, ഓ​ല​മ​ട​ലിെ​ൻ​റ ആ​യി​രം തു​ഞ്ചാ​ണി​ക​ൾ കൂ​ട്ടി കൊ​ളു​ത്തി​യ തീ​വെ​ട്ട​ത്തി​ലെ സ്വീ​ക​ര​ണം ഗൗ​രി​യു​ടെ മ​ന​സ്സി​ലെ എ​ക്കാ​ല​ത്തെ​യും ജ്വ​ലി​ക്കു​ന്ന ഓ​ർ​മ​യാ​യി​രു​ന്നു.

''മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്​​ത​ശേ​ഷം ആ​ദ്യ​മാ​യി നാ​ട്ടി​ലെ​ത്തി​യ​പ്പോ​ൾ സ്വീ​ക​ര​ണ പ​രി​പാ​ടി ഇ​ഷ്​​ട​പ്പെ​ടാ​ത്ത പ​ല​രു​മു​ണ്ടാ​യി​രു​ന്നു. ചേ​ർ​ത്ത​ല​യി​ലെ കോ​ച്ച​യെ​ന്ന ജ​ന്മി​യാ​യി​രു​ന്നു അ​വി​ട​ങ്ങ​ളി​ൽ പെ​ട്രോ​മാ​ക്സു​ക​ൾ വാ​ട​ക​ക്ക് ന​ൽ​കി​യി​രു​ന്ന​ത്. അ​യാ​ൾ വി​സ​മ്മ​തി​ച്ച​പ്പോ​ൾ നാ​ട്ടു​കാ​ർ വെ​ളി​ച്ചം പ​ക​രാ​ൻ ഒ​രു വ​ഴി ക​ണ്ടെ​ത്തി. ആ​യി​ര​ത്തോ​ളം ഓ​ല​ച്ചൂ​ട്ടു​ക​ൾ കെ​ട്ടി​യു​ണ്ടാ​ക്കി ക​ത്തി​ച്ച്​ അ​വ​ർ കൈ​ക​ളി​ൽ ഏ​ന്തി. ആ ​പൊ​ൻ​വെ​ളി​ച്ച​ത്തി​ൽ അ​വ​ർ എെ​ൻ​റ ക​ഴു​ത്തി​ൽ ചു​വ​പ്പു​മാ​ല​ക​ള​ണി​ഞ്ഞു'' ^ആ​ദ്യ സ്വീ​ക​ര​ണ​ത്തെ​ക്കു​റി​ച്ചു​ള്ള ഗൗ​രി​യ​മ്മ​യു​ടെ ഓ​ർ​മ​ക​ളാ​ണി​ത്. ചേ​ർ​ത്ത​ല​ക്കാ​ര​നാ​യ ക​യ​ർ ഫാ​ക്ട​റി ഉ​ട​മ​സ്​​ഥ​ൻ അ​ബ്​​ദു​ൽ ഖാ​ദ​ർ വി​ട്ടു​ത​ന്ന കാ​റി​ലാ​ണ് ഗൗ​രി ആ​ദ്യ​മാ​യി നി​യ​മ​സ​ഭ​യി​ലേ​ക്ക് പോ​യ​ത്.

പ​ല​യി​ട​ത്തും സ്വീ​ക​ര​ണം കി​ട്ടി​യി​ട്ടു​ണ്ടെ​ങ്കി​ലും മ​ല​ബാ​റി​ലെ സ്വീ​ക​ര​ണം താ​നൊ​രി​ക്ക​ലും മ​റ​ക്കി​െ​ല്ല​ന്ന്​ അ​വ​ർ പ​റ​യാ​റു​ണ്ടാ​യി​രു​ന്നു. കോ​ൺ​ഗ്ര​സു​കാ​രും ലീ​ഗു​കാ​രും ക​രി​ങ്കൊ​ടി കാ​ണി​ക്കാ​ൻ നി​ര​ന്നു​നി​ന്നു. പ​ക്ഷേ, അ​വ​രെ​യൊ​ന്നും വ​ക​വെ​ക്കാ​തെ അ​വി​ട​ത്തെ ആ​യി​ര​ക്ക​ണ​ക്കി​നു സ്​​ത്രീ​ക​ൾ ത​ന്നെ സ്വീ​ക​രി​ക്കാ​നെ​ത്തി​യ​തും ഗൗ​രി​യ​മ്മ​യു​ടെ ഓ​ർ​മ​യി​ലു​ണ്ട്.

എ.​കെ.​ജി​യു​ടെ വി​വാ​ഹാ​ഭ്യ​ർ​ഥ​ന

എ.​കെ.​ജി ത​ന്നോ​ട് വി​വാ​ഹാ​ഭ്യ​ർ​ഥ​ന ന​ട​ത്തി​യ​താ​യി ഒ​രി​ക്ക​ൽ ഗൗ​രി​യ​മ്മ വെ​ളി​പ്പെ​ടു​ത്തു​ക​യു​ണ്ടാ​യി. വ​യ​ലാ​റി​ൽ വെ​ടി​െ​വ​പ്പ്​ ന​ട​ന്ന പ്ര​ദേ​ശം കാ​ണാ​ൻ അ​ദ്ദേ​ഹം വ​ന്ന​പ്പോ​ൾ ഗൗ​രി​യ​മ്മ​യും കൂ​ടെ​പ്പോ​യി​രു​ന്നു. തി​രി​ച്ചു വ​രു​മ്പോ​ഴാ​ണ്, വി​വാ​ഹം ക​ഴി​ച്ചാ​ൽ കൊ​ള്ളാ​മെ​ന്ന്​ എ.​കെ.​ജി ആ​ഗ്ര​ഹം പ​റ​ഞ്ഞ​ത്. ചേ​ർ​ത്ത​ല​യി​ൽ പ്രാ​ക്ടി​സ് ചെ​യ്യാ​ൻ താ​ൻ വാ​ട​ക​ക്കെ​ടു​ത്ത വീ​ട്ടി​ൽ​െ​വ​ച്ചാ​യി​രു​ന്നു അ​തെ​ന്ന്​ ഗൗ​രി​യ​മ്മ ഓ​ർ​ക്കു​ന്നു. അ​ദ്ദേ​ഹ​ത്തി​നു പാ​ർ​ട്ടി​പ്ര​വ​ർ​ത്ത​ന​ത്തി​ലും മ​റ്റും അ​തേ മ​ന​സ്സു​ള്ള ഒ​രാ​ളെ ഒ​പ്പം വേ​ണ​മാ​യി​രി​ക്കും. പ​ക്ഷേ, ഞാ​ൻ സ​മ്മ​ത​മ​ല്ലെ​ന്നു പ​റ​ഞ്ഞു. എ.കെ.ജി നല്ല മനുഷ്യനായിരുന്നു. പ്രസ്ഥാനത്തിനുവേണ്ടി ജീവിച്ചയാളാണ്. സാധാരണക്കാർക്കുവേണ്ടി പ്രവർത്തിച്ച ജനങ്ങളുടെ നേതാവായിരുന്നു.

''മു​ഖ്യ​മ​ന്ത്രി​ ആകാ​ഞ്ഞ​ത്​ ഇ.​എം.​എ​സി​െ​ൻ​റ കു​ശു​മ്പു​മൂ​ലം''

1987ലെ ​തെ​ര​ഞ്ഞെ​ടു​പ്പി​ൽ ത​​ന്നെ മു​ന്നി​ൽ​നി​​ര്‍ത്തി പ്ര​​ചാ​​ര​​ണം ന​​ട​​ത്തി അ​​ധി​​കാ​​ര​​ത്തി​​ലെ​​ത്തി​​യ​​പ്പോ​​ൾ ഇ.​​എം.​​എ​​സ്​ ത​​ന്നെ മു​​ഖ്യ​​മ​​ന്ത്രി​​യാ​​ക്കാ​​തി​​രു​​ന്ന​​ത്​ പി​​ന്നാ​​ക്ക​ ജാ​​തി​​ക്കാ​​രി​യാ​​യ​​തു​​കൊ​​ണ്ടാ​െ​​ണ​​ന്ന ഗൗ​ര​വ​ത​ര​മാ​യ ആ​രോ​പ​ണ​വും ഒ​രി​ക്ക​ൽ​ ഗൗ​​രി​​യ​​മ്മ ഉ​ന്ന​യി​ച്ചി​രു​ന്നു. വീ​​ട്ടി​​ല്‍ ഉ​​റ​​ങ്ങി​​ക്കി​​ട​​ന്ന നാ​​യ​​നാ​​രെ ഇ.​​എം.​​എ​​സ് വി​​ളി​​ച്ചു​​വ​​രു​​ത്തി മു​​ഖ്യ​​മ​​ന്ത്രി​​യാ​​ക്കി​യ​തി​ന്​​ ഇ.​​എം.​​എ​​സി​െ​ൻ​റ ഉ​​ള്ളി​​ലെ ജാ​​തി​​ക്കു​​ശു​​മ്പാ​​യി​​രു​​ന്നു കാ​​ര​​ണ​മെ​ന്നും അ​വ​ർ പ​റ​യു​ക​യു​ണ്ടാ​യി.

''ഞാ​​ന്‍ ഒ​​രു​ ചോ​​വ​​ത്തി ആ​​യ​​തി​​നാ​​ല്‍ എ​​നി​​ക്ക് മു​​ഖ്യ​​മ​​ന്ത്രി​​യാ​​കാ​​ന്‍ ക​​ഴി​​ഞ്ഞി​​ല്ല'' ^99ാം പി​​റ​​ന്നാ​​ൾ​ദി​ന​ത്തി​ൽ മാ​ധ്യ​മ​ങ്ങ​ളോ​ടു സം​സാ​രി​ക്ക​വെ ഗൗ​രി​യ​മ്മ പ​റ​യു​ക​യു​ണ്ടാ​യി.

ക​ര​ച്ചി​ലോ​ടെ ക​ന്നി​മ​ത്സ​രം

ചേ​ർ​ത്ത​ല​യി​ൽ മ​ത്സ​രി​ക്ക​ണ​മെ​ന്ന്​ 1948ൽ ​പി. കൃ​ഷ്ണ​പി​ള്ള ആ​വ​ശ്യ​പ്പെ​ട്ട​പ്പോ​ൾ ഗൗ​രി​യ​മ്മ ആ​ദ്യം ഞെ​ട്ടി, പി​ന്നെ പൊ​ട്ടി​ക്ക​ര​ഞ്ഞു. ചേ​ർ​ത്ത​ല കോ​ട​തി​യി​ൽ വ​ക്കീ​ലാ​യ ഗൗ​രി​യ​മ്മ​യു​ടെ വ​രു​മാ​ന​മാ​ർ​ഗം അ​താ​യി​രു​ന്നു. മ​ത്സ​രി​ച്ചു ജ​യി​ച്ചാ​ൽ പ​ണ​ത്തി​നു മ​റ്റു​ള്ള​വ​രെ ആ​ശ്ര​യി​ക്കേ​ണ്ടി​വ​രു​മെ​ന്നാ​യി​രു​ന്നു സ​ങ്ക​ടം. മാ​ത്ര​മ​ല്ല, മ​ക​ൾ വ​ക്കീ​ലാ​ക​ണ​മെ​ന്ന് ആ​ഗ്ര​ഹി​ച്ചി​രു​ന്ന അ​ച്ഛ​നു താ​ൻ ജോ​ലി നി​ർ​ത്തു​ന്ന​തു വി​ഷ​മ​മാ​കു​മെ​ന്നും അ​റി​യാം. മ​ത്സ​രി​ക്കാ​ൻ നേ​ര​േ​ത്ത നി​ശ്ച​യി​ച്ചി​രു​ന്ന, വ​യ​ലാ​ർ സ്​​റ്റാ​ലി​ൻ എ​ന്ന​റി​യ​പ്പെ​ട്ടി​രു​ന്ന കു​മാ​ര​പ്പ​ണി​ക്ക​ർ ഒ​ളി​വി​ലാ​യ​തി​നാ​ൽ അ​ദ്ദേ​ഹ​ത്തി​െ​ൻ​റ ഡ​മ്മി​യാ​യി നാ​മ​നി​ർ​ദേ​ശം സ​മ​ർ​പ്പി​ച്ചാ​ൽ മ​തി​യെ​ന്നു പി. ​കൃ​ഷ്ണ​പി​ള്ള ആ​ശ്വ​സി​പ്പി​ച്ചു. പ​ക്ഷേ, കു​മാ​ര​പ്പ​ണി​ക്ക​ർ​ക്കു മ​ട​ങ്ങി​വ​രാ​ൻ ക​ഴി​യാ​ത്ത​തി​നാ​ൽ ഗൗ​രി​യ​മ്മ​ക്കു​ത​ന്നെ മ​ത്സ​രി​ക്കേ​ണ്ടി​വ​ന്നു. പി​ന്നീ​ടു​ള്ള​തെ​ല്ലാം രാ​ഷ്​​ട്രീ​യ ച​രി​ത്രം.

Show Full Article
TAGS:kr gouri amma 
News Summary - Kerala turned red and Gowri shined
Next Story