മഅ്ദനിയുടെ സുരക്ഷ ചെലവ് 1,18,000 രൂപയാക്കി കുറച്ചു

ന്യൂഡൽഹി: സുപ്രീംകോടതിയുടെ ഇടപെടലിനെതുടർന്ന്​ പി.ഡി.പി ചെയർമാൻ അബ്​ദുന്നാസിർ മഅ്​ദനിയെ കേരളത്തിലേക്ക്​ കൊണ്ടുപോകാനുള്ള ചെലവ്​ കർണാടകസർക്കാർ 14.8 ലക്ഷത്തിൽ നിന്ന്​ കേവലം ഒരു ലക്ഷം രൂപയാക്കി വെട്ടിച്ചുരുക്കി. മഅ്​ദനിയുടെ അഭിഭാഷകർ ഇൗ ചെലവ്​ അംഗീകരിച്ചത്​ രേഖപ്പെടുത്തിയ സുപ്രീംകോടതി ചെലവിനെചൊല്ലിയുള്ള തർക്കത്തിൽ മഅ്​ദനിക്ക്​ നഷ്​ടപ്പെട്ട ദിവസങ്ങൾ വകവെച്ചുനൽകാന​ും ഉത്തരവിട്ടു. മഅ്​ദനിയിൽ നിന്ന്​ ചെലവ്​ ഇൗടാക്കിയ ഇൗ ഉത്തരവ്​ ഭാവിയിൽ കീഴ്​വഴക്കമാക്കരുതെന്ന അഡ്വ. പ്രശാന്ത്​ ഭൂഷണി​​െൻറ ആവശ്യവും ജസ്​റ്റിസ്​ എസ്​.എ. ബോബ്​ഡെ അധ്യക്ഷനായ ബെഞ്ച്​ അംഗീകരിച്ചു.  

വെള്ളിയാഴ്​ച കേസ്​ പരിഗണിക്കുന്നതിന്​ തൊട്ടുമുമ്പാണ്​ കർണാടകസർക്കാർ അഭിഭാഷകൻ അഡ്വ. അരിസ്​റ്റോട്ടിൽ ചെലവ്​ വെട്ടിച്ചുരുക്കിയ പുതിയ കണക്ക്​ മഅ്​ദനിയുടെ അഭിഭാഷകൻ അഡ്വ. ഹാരിസ്​ ബീരാന്​ സമർപ്പിച്ചത്​. സുപ്രീംകോടതി തിരിച്ചയച്ച ബില്ലിൽ ​െപാലീസ്​ അകമ്പടിക്കുള്ള ചെലവായി 12.54 ലക്ഷം രൂപയും അതി​​െൻറ 18 ശതമാനം ചരക്കുസേവനനികുതിയും കൂട്ടി 14.8 ലക്ഷമായിരുന്നു കാണിച്ചിരുന്നത്​. എന്നാൽ, കോടതി എടുത്തുകുടഞ്ഞതിനെതുടർന്ന്​ ആ തുക കുത്തനെ കുറച്ച്​  1,00,250 രൂപയാക്കിയ കർണാടകസർക്കാർ 18 ശതമാനം ചരക്കുസേവനനികുതിയായി 18,045 രൂപ കൂടി ചേർത്ത് 1,18,295 രൂപ മഅ്​ദനി നൽകണമെന്നാണ്​ പ​ുതിയ ബില്ലിലൂടെ ആവശ്യപ്പെട്ടത്​.

അകമ്പടി വര​ുന്ന അസി.​ ​െപാലീസ്​ കമീഷണർക്ക്​ പ്രതിദിനം നേര​േത്ത കണക്കാക്കിയ 8400 രൂപക്ക്​ പകരം 600 രൂപ ദിനബത്ത മതിയെന്നും ആകെ രണ്ടേകാൽ ലക്ഷം രൂപക്ക്​ പകരം കേവലം 6000 മതിയെന്നും ബില്ലിലുണ്ട്​. വാഹനചെലവ്​ കി. മീറ്ററിന്​ ​ 10 രൂപ നിരക്കിൽ  2000 കി. മീറ്ററിന്​ 20,000 രൂപയായും​ കണക്കാക്കി. ജസ്​റ്റിസുമാരായ​ എസ്​.എ. ബോബ്​ഡെയും എൽ. നാഗേശ്വര റാവുവും അടങ്ങുന്ന ബെഞ്ച്​ മുമ്പാകെ മഅ്​ദനിക്ക്​ വേണ്ടി ഹാജരായ അഡ്വ. പ്രശാന്ത്​ ഭൂഷൺ ഇൗ ചെലവ്​ വഹിക്കാമെന്ന്​ ബോധിപ്പിച്ചു. 

മകളുടെ വിവാഹത്തിന്​ വന്നപ്പോൾ നാല്​ ​െപാലീസ​ുകാരെയാണ്​ അകമ്പടിയായി വിട്ടിരുന്നതെന്നും ഇപ്പോൾ 19 പേരാണെന്നും ഇത്രയും െപാലീസുകാരുടെ ആവശ്യമില്ലെന്നും പ്രശാന്ത്​ ഭൂഷൺ വാദിച്ചെങ്കിലും വിഷയം സുരക്ഷയുമായി ബന്ധപ്പെട്ടതായതിനാൽ ഭരണകൂടം എടുത്ത തീരുമാനത്തിൽ ഇടപെടുന്നി​ല്ലെന്ന്​ ജസ്​റ്റിസ്​ ബോബ്​ഡെ വ്യക്​തമാക്കി.

അതേസമയം, ചെലവിനെചൊല്ലിയുള്ള തർക്കം മൂലം നഷ്​ടപ്പെട്ട ദിവസങ്ങൾ വകവെച്ചുതരണമെന്ന അഭിഭാഷക​​െൻറ ആവശ്യം കോടതി അംഗീകരിച്ചു. അതനുസരിച്ച്​ മഅ്​ദനിയുടെ കേരളസന്ദർശനം ആഗസ്​റ്റ്​ ആറുമുതൽ 19 വരെയാക്കി പുനഃക്രമീകരിച്ച്​ കോടതി ഉത്തരവിറക്കി.  ചെലവ്​ മഅ്​ദനി വഹിക്കണമെന്ന ഉത്തരവ്​ ഭാവിയിൽ മാത​ൃകയാക്കുന്ന തരത്തിൽ ഒരു കീഴ്​വഴക്കമാക്കരുതെന്ന്​ ഉത്തരവിൽ രേഖപ്പെടുത്തണമെന്ന ആവശ്യവും സുപ്രീംകോടതി അംഗീകരിച്ചു. നിലവിൽ കോടതി മുമ്പാകെ ഉന്നയിച്ച വസ്​തുതകളും സാഹചര്യങ്ങളും മാത്രം അടിസ്​ഥാനമാക്കിയാണ്​ ചെലവ്​ നൽകാനുള്ള ഉത്തരവെന്ന്​ ജസ്​റ്റിസ്​ ബോബ്​ഡെ വിധിപ്രസ്​താവത്തിൽ കൂട്ടിച്ചേർത്തു.