കേരള അഡ്മിനിസ്ട്രേറ്റീവ് ട്രൈബ്യൂണൽ: കേന്ദ്ര നടപടി അറിയിക്കണമെന്ന് ഹൈകോടതി

കൊച്ചി: മുൻ ഡി.ജി.പി ടി.പി സെൻകുമാറടക്കം രണ്ട് പേരെ കേരള അഡ്മിനിസ്ട്രേറ്റീവ് ട്രൈബ്യൂണൽ അംഗങ്ങളായി നിയമിക്കുന്നത് സംബന്ധിച്ച സെലക്ഷൻ കമ്മിറ്റി ശിപാർശയിൻമേൽ കേന്ദ്ര സർക്കാർ സ്വീകരിച്ച നടപടി അറിയിക്കണമെന്ന് ഹൈകോടതി. സെലക്ഷൻ കമ്മിറ്റി ശിപാർശ കേന്ദ്ര സർക്കാറിന് കൈമാറിയതായി സംസ്ഥാന സർക്കാർ അറിയിച്ച സാഹചര്യത്തിലാണ് നിർദേശം. ശിപാർശ കേന്ദ്ര സർക്കാറിന് ലഭിച്ചിട്ടുണ്ടെങ്കിൽ അതിൻമേൽ സ്വീകരിച്ചിട്ടുള്ള നടപടിയും നിലപാടും അറിയിക്കാനാണ് അസി. സോളിസിറ്റർ ജനറലിന് നിർദേശം നൽകിയത്