Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഗുരുതര കുറ്റങ്ങള്‍...

ഗുരുതര കുറ്റങ്ങള്‍ ചെയ്താൽ പെന്‍ഷന്‍ തടയുന്നതടക്കം വ്യവസ്ഥകൾ; സ​ര്‍വി​സ് ച​ട്ടത്തിൽ മാറ്റങ്ങൾ

text_fields
bookmark_border
nri pension
cancel

തി​രു​വ​ന​ന്ത​പു​രം: സ​ർ​ക്കാ​ർ പെ​ന്‍ഷ​ന്‍കാ​ര്‍ ഗു​രു​ത​ര പെ​രു​മാ​റ്റ​ദൂ​ഷ്യ​ത്തി​ന്​ കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യാ​ല്‍ പെ​ന്‍ഷ​ന്‍ ത​ട​ഞ്ഞു​വെ​ക്കു​ക​യോ പി​ന്‍വ​ലി​ക്കു​ക​യോ ചെ​യ്യു​ന്ന​ത​ട​ക്കം വ്യ​വ​സ്ഥ​ക​ള്‍ ഉ​ള്‍പ്പെ​ടു​ത്തി കേ​ര​ള സ​ര്‍വി​സ് ച​ട്ടം ദേ​ദ​ഗ​തി ചെ​യ്തു.

കെ.​എ​സ്.​ആ​ര്‍ മൂ​ന്നാം ഭാ​ഗ​ത്തി​ല്‍ 2,3,59 ച​ട്ട​ങ്ങ​ളാ​ണ് ധ​ന വ​കു​പ്പ് ക​ഴി​ഞ്ഞ​മാ​സം പു​റ​പ്പെ​ടു​വി​ച്ച ഉ​ത്ത​ര​വി​ലൂ​ടെ ഭേ​ദ​ഗ​തി ചെ​യ്ത​ത്. സ​ര്‍വി​സ്​ കാ​ല​ത്ത് വ​രു​ത്തി​യ സാ​മ്പ​ത്തി​ക​ന​ഷ്ടം കാ​ര​ണ​ക്കാ​രാ​യ​വ​രു​ടെ പെ​ന്‍ഷ​നി​ല്‍നി​ന്ന് ഈ​ടാ​ക്കു​ന്ന​തി​നു​ള്ള വ്യ​വ​സ്ഥ​ക​ളും ഉ​ത്ത​ര​വി​ലൂ​ടെ ക്ര​മ​പ്പെ​ടു​ത്തി​യി​ട്ടു​ണ്ട്.

സാ​ധാ​ര​ണ​യാ​യി ജീ​വ​ന​ക്കാ​രു​ടെ ഗ്രാ​റ്റ്വി​റ്റി​യി​ല്‍ നി​ന്നാ​ണ് ഇ​ത്ത​രം സാ​മ്പ​ത്തി​ക​ന​ഷ്ടം സ​ര്‍ക്കാ​ര്‍ ഈ​ടാ​ക്കി​യി​രു​ന്ന​ത്. പെ​ന്‍ഷ​നി​ല്‍നി​ന്ന് ന​ഷ്ടം ഈ​ടാ​ക്കാ​ന്‍ ശ്ര​മി​ച്ച ഘ​ട്ട​ങ്ങ​ളി​ല്‍ കു​റ്റാ​രോ​പി​ത​ര്‍ കോ​ട​തി​യെ സ​മീ​പി​ച്ച് ഇ​ത്​ ത​ട​ഞ്ഞി​രു​ന്നു. അ​തി​നാ​ണ്​ ഇ​പ്പോ​ൾ മാ​റ്റം കൊ​ണ്ടു​വ​ന്ന​ത്. ഭാ​വി​യി​ലു​ള്ള ന​ല്ല പെ​രു​മാ​റ്റം ഉ​റ​പ്പാ​ക്ക​ണ​മെ​ന്ന വ്യ​വ​സ്ഥ​ക്ക്​ വി​ധേ​യ​മാ​യാ​ണ് പെ​ന്‍ഷ​ന്‍ ന​ല്‍കു​ന്ന​തെ​ന്നും പെ​ന്‍ഷ​ന്‍കാ​ര്‍ക്കെ​തി​രേ ഗു​രു​ത​ര പെ​രു​മാ​റ്റ​ദൂ​ഷ്യം സ്ഥാ​പി​ക്ക​പ്പെ​ടു​മ്പോ​ള്‍ സ​ര്‍ക്കാ​റി​ന് പെ​ന്‍ഷ​നോ അ​ല്ലെ​ങ്കി​ല്‍ അ​തി​ന്റെ ഒ​രു ഭാ​ഗ​മോ ത​ട​ഞ്ഞു​വെ​ക്കു​ക​യോ പി​ന്‍വ​ലി​ക്കു​ക​യോ ചെ​യ്യാ​വു​ന്ന​താ​ണെ​ന്നും ഉ​ത്ത​ര​വി​ല്‍ വ്യ​ക്ത​മാ​ക്കു​ന്നു. പെ​ന്‍ഷ​നാ​യ ശേ​ഷ​മു​ള്ള പെ​രു​മാ​റ്റ​മാ​ണ് ക​ണ​ക്കി​ലെ​ടു​ക്കു​ന്ന​ത്. സ​ര്‍വി​സി​ലി​രി​ക്കു​മ്പോ​ൾ ന​ട​ന്ന സം​ഭ​വ​ത്തി​ന്മേ​ൽ ഈ ​ച​ട്ടം ബാ​ധ​ക​മ​ല്ലെ​ന്നും ഉ​ത്ത​ര​വി​ല്‍ പ​റ​യു​ന്നു​ണ്ട്.

പെ​ന്‍ഷ​ൻ വാ​ങ്ങു​ന്ന ആ​ൾ​ക്കെ​തി​രെ ശി​ക്ഷ സ്വീ​ക​രി​ക്കേ​ണ്ട ന​ട​പ​ടി​ക്ര​മ​ങ്ങ​ളെ​ക്കു​റി​ച്ചും ഉ​ത്ത​ര​വി​ല്‍ പ്ര​തി​പാ​ദി​ക്കു​ന്നു​ണ്ട്. കോ​ട​തി ശി​ക്ഷി​ക്കു​ക​യോ ഗു​രു​ത​ര കു​റ്റ​കൃ​ത്യ​ത്തി​ന് 30 ദി​വ​സ​ത്തി​ല്‍ ജു​ഡീ​ഷ്യ​ല്‍ ക​സ്റ്റ​ഡി​യി​ല്‍ വി​ടു​ക​യോ ചെ​യ്താ​ൽ ആ ​വി​വ​രം ജ​യി​ല്‍ സൂ​പ്ര​ണ്ട്​/​സ്റ്റേ​ഷ​ന്‍ ഹൗ​സ് ഓ​ഫി​സ​ര്‍/​ജി​ല്ല ത​ല നി​യ​മ ഓ​ഫി​സ​ര്‍ എ​ന്നി​വ​ര്‍ ട്ര​ഷ​റി ഡ​യ​റ​ക്ട​റെ അ​റി​യി​ക്ക​ണം. വി​ധി ന്യാ​യ​ത്തി​ന്റെ പ​ക​ര്‍പ്പ്, പെ​ന്‍ഷ​ന​റു​ടെ വി​ശ​ദ​വി​വ​രം കേ​സി​ന്റെ മ​റ്റ്​ വി​വ​ര​ങ്ങ​ള്‍ എ​ന്നി​വ സ​ഹി​തം വി​ശ​ദ​മാ​യ റി​പ്പോ​ര്‍ട്ട് ട്ര​ഷ​റി ഡ​യ​റ​ക്ട​ര്‍ ധ​ന​കാ​ര്യ വ​കു​പ്പി​നെ അ​റി​യി​ക്ക​ണം. ധ​ന വ​കു​പ്പ് കാ​ര​ണം കാ​ണി​ക്ക​ല്‍ നോ​ട്ടീ​സ് ന​ല്‍കി പെ​ൻ​ഷ​ൻ വാ​ങ്ങു​ന്ന വ്യ​ക്തി​യു​ടെ വി​ശ​ദീ​ക​ര​ണം പ​രി​ഗ​ണി​ച്ച​ശേ​ഷം പ​ബ്ലി​ക് സ​ര്‍വി​സ് ക​മീ​ഷ​നു​മാ​യി കൂ​ടി​യാ​ലോ​ചി​ച്ച് ശി​ക്ഷ കാ​ല​യ​ള​വി​ലും പെ​ന്‍ഷ​ന്‍ ന​ല്‍കു​ന്ന വി​ഷ​യ​ത്തി​ലും ഉ​ത്ത​ര​വ് പു​റ​പ്പെ​ടു​വി​ക്ക​ണം.

വി​ര​മി​ച്ച​ശേ​ഷ​വും ന​ട​പ​ടി​ക​ൾ തു​ട​രാം

ഒ​രു ജീ​വ​ന​ക്കാ​ര​നെ​തി​രെ സ​ർ​വിസി​ലി​രി​ക്കു​മ്പോ​ള്‍ ആ​രം​ഭി​ച്ച വ​കു​പ്പു​ത​ല ന​ട​പ​ടി​ക​ള്‍ വി​ര​മി​ക്കു​ന്ന ഘ​ട്ട​ത്തി​ലും തീ​ര്‍പ്പാ​ക്കി​യി​ട്ടി​ല്ലെ​ങ്കി​ല്‍, വി​ര​മി​ച്ച ശേ​ഷ​വും തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​നാ​കും. സ​ര്‍വി​സി​ലി​രി​ക്കു​മ്പോ​ള്‍ അ​ച്ച​ട​ക്ക​ന​ട​പ​ടി ആ​രം​ഭി​ച്ച അ​തേ അ​ധി​കാ​ര​സ്ഥാ​ന​ത്തി​ന്​ ത​ന്നെ ന​ട​പ​ടി തു​ട​രാ​നാ​കും.

എ​ന്നാ​ല്‍ പെ​ന്‍ഷ​നി​ല്‍നി​ന്ന് തു​ക കു​റ​വ് ചെ​യ്യു​ന്ന​തി​നു​ള്ള അ​ധി​കാ​രം സ​ര്‍ക്കാ​റി​നാ​യി​രി​ക്കും. ശി​ക്ഷ​യു​ടെ ഭാ​ഗ​മാ​യി പെ​ന്‍ഷ​ന്‍ ഭാ​ഗി​ക​മാ​യോ പൂ​ര്‍ണ​മാ​യോ താ​ൽ​ക്കാ​ലി​ക​മാ​യോ സ്ഥി​ര​മാ​യോ പി​ന്‍വ​ലി​ക്കാം. ജീ​വ​ന​ക്കാ​ര​ന്‍ വി​ര​മി​ച്ച് ഒ​രു​വ​ര്‍ഷ​ത്തി​നു​ള്ളി​ല്‍ അ​ച്ച​ട​ക്ക ന​ട​പ​ടി​ക​ള്‍ പൂ​ര്‍ത്തി​യാ​ക്ക​ണം. ഒ​ന്നി​ല​ധി​കം വ​കു​പ്പു​ത​ല ന​ട​പ​ടി​ക​ള്‍ നേ​രി​ടു​ന്ന ജീ​വ​ന​ക്കാ​ര​ന്‍ വി​ര​മി​ച്ച​ശേ​ഷം എ​ല്ലാ​ന​ട​പ​ടി​ക​ളും ഒ​രു​മി​ച്ച് പ​രി​ഗ​ണി​ച്ച് തീ​ര്‍പ്പാ​ക്ക​ണം.

നാ​ല്​ വ​ര്‍ഷ​ത്തി​നകം ന​ട​പ​ടി തു​ട​ങ്ങ​ണം

വി​ര​മി​ച്ച ശേ​ഷ​മാ​ണ് ഉ​ദ്യോ​ഗ​സ്ഥ​നെ​തി​രെ സ​ർ​വി​സ്​ കാ​ല​ത്ത് വ​രു​ത്തി​യ കു​റ്റ​കൃ​ത്യം ക​ണ്ടെ​ത്തു​ന്ന​തെ​ങ്കി​ൽ സം​ഭ​വം ന​ട​ന്ന് നാ​ല്​ വ​ര്‍ഷ​ത്തി​നു​ള്ളി​ല്‍ ന​ട​പ​ടി തു​ട​ങ്ങ​ണം. നാ​ലു​വ​ര്‍ഷം ക​ഴി​യു​ന്ന കേ​സു​ക​ളി​ല്‍ നീ​തി​ന്യാ​യ ന​ട​പ​ടി ആ​രം​ഭി​ക്കാ​ന്‍ സ​ര്‍ക്കാ​റി​ന്റെ മു​ന്‍കൂ​ര്‍ അ​നു​മ​തി തേ​ട​ണം.

അ​ന​ധി​കൃ​ത ഹാ​ജ​രി​ല്ലാ​യ്മ​യി​ല്‍ തു​ട​രു​ന്ന ജീ​വ​ന​ക്കാ​ര​നെ​തി​രെ അ​ച്ച​ട​ക്ക ന​ട​പ​ടി സ്വീ​ക​രി​ച്ച് സ​ര്‍വി​സി​ല്‍നി​ന്ന് നീ​ക്കം ചെ​യ്യ​ണം. യ​ഥാ​സ​മ​യം അ​ച്ച​ട​ക്ക​ന​ട​പ​ടി​ക്ക് വി​ധേ​യ​മാ​കാ​തെ പെ​ന്‍ഷ​ന്‍ ആ​നു​കൂ​ല്യം ന​ല്‍കേ​ണ്ടി വ​രു​ന്നു​ണ്ടെ​ങ്കി​ല്‍ സ​ര്‍ക്കാ​റി​നു​ണ്ടാ​കു​ന്ന ബാ​ധ്യ​ത ഉ​ത്ത​ര​വാ​ദി​ക​ളാ​യ മേ​ലു​ദ്യോ​ഗ​സ്ഥ​രി​ല്‍ നി​ന്ന് ഈ​ടാ​ക്കാ​നും വ്യ​വ​സ്ഥ ചെ​യ്യു​ന്നു.


Show Full Article
TAGS:Kerala Service Rules pension 
News Summary - Kerala Service rules has been revised
Next Story