സിനാനെ നീയാണ്​ ഞങ്ങളെ ഇവിടെയെത്തിച്ചത്

കൊ​ല്ലം: ‘സി​നാ​നെ നി​ന്‍റെ സ്വ​പ്നം​പോ​ലെ സം​സ്ഥാ​ന ക​ലോ​ത്സ​വ​ത്തി​ന്​ ന​മ്മ​ളെ​ത്തീ​ട്ടോ, നീ​യാ​ണ്​ ഞ​ങ്ങ​ളെ ഇ​വി​ടെ എ​ത്തി​ച്ച​ത്. സ​ന്തോ​ഷി​ക്കു​വ​ല്ലേ നീ...’ ​ക​ണ്ണീ​ർ ന​ന​വി​ലും പു​ഞ്ചി​രി​ച്ച്​​ കൂ​ട്ടു​കാ​ര​നോ​ട്​ ചോ​ദി​ക്കു​ക​യാ​ണ​വ​ർ. അ​വ​രു​ടെ ചോ​ദ്യം കേ​ട്ട്​ അ​ങ്ങ​നെ​യൊ​ന്നും ചി​രി​ക്കാ​ത്ത മു​ഖ​ത്ത്​ നി​റ​പു​ഞ്ചി​രി​വ​ന്നി​ട്ടു​ണ്ടാ​കും. പ​ക്ഷേ, ആ ​പു​ഞ്ചി​രി ഒ​ന്നു​ കാ​ണാ​ൻ ഈ ​കൂ​ട്ടു​കാ​ർ​ക്ക്​ പ​റ്റു​ന്നി​ല്ല.

അ​ങ്ങ്​ പ​റു​ദീ​സ​യി​ലി​രി​ക്കു​ന്ന​വ​ന്‍റെ ചി​രി എ​ങ്ങ​നെ കാ​ണാ​നാ​ണ്...​കൊ​ല്ല​ത്ത്​ എ​ത്തി​യ​പ്പോ​ഴും ത​ങ്ങ​ളെ ചേ​ർ​ത്തു​നി​ർ​ത്തു​ന്ന സ്​​നേ​ഹ​ശ​ക്തി​യാ​യി ഇ​ട​തു​നി​ര​യി​ൽ പി.​എ​ൻ. മു​ഹ​മ്മ​ദ്​ സി​നാ​ൻ ഇ​പ്പോ​ഴു​മു​ണ്ടെ​ന്ന്​​ വ​യ​നാ​ട്​ പ​ന​മ​രം ജി.​എ​ച്ച്.​എ​സ്.​എ​സി​ന്‍റെ വ​ട്ട​പ്പാ​ട്ട്​ സം​ഘ​ത്തി​ന്​ ഉ​റ​പ്പാ​ണ്. കാ​ര​ണം ‘ന​മു​ക്ക് ഈ ​വ​ർ​ഷം​ വ​ട്ട​പ്പാ​ട്ട്​ ക​ളി​ക്കാ​മെ​ടാ’ എ​ന്ന ആ​വേ​ശ​ത്തോ​ടെ ടീ​മി​നെ ത​യാ​റാ​ക്കി​യ​ത്​ അ​വ​നാ​യി​രു​ന്നു. പ​രി​ശീ​ല​നം ഉ​ഴ​പ്പാ​ൻ ഒ​രാ​ളെ​പ്പോ​ലും അ​നു​വ​ദി​ച്ചു​മി​ല്ല. സം​സ്ഥാ​ന ക​ലോ​ത്സ​വ വേ​ദി കൂ​ട്ടു​കാ​രു​മൊ​ത്ത്​ കീ​ഴ​ട​ക്കു​ന്ന​ത്​ സ്വ​പ്നം ക​ണ്ട​തും അ​വ​നാ​യി​രു​ന്നു.

ഒ​ടു​വി​ൽ ആ ​സ്വ​പ്ന​ത്തി​ലേ​ക്കു​ള്ള ആ​ദ്യ പ​ട​വി​ന്​ ര​ണ്ടു​ദി​നം മു​മ്പ്​ അ​വ​ൻ പോ​യി. ക​ല​യും പ​ഠ​ന​വും സ്​​പോ​ർ​ട്​​സും ഒ​രു​പോ​ലെ ഇ​ഷ്ട​പ്പെ​ട്ട ആ ​പ്ല​സ്​​ടു​ക്കാ​ര​ൻ ന​വം​ബ​ർ 14ന്​ ​സ്കൂ​ളി​ലെ നെ​റ്റ്​​ബാ​ൾ പ​രി​ശീ​ല​ന​ത്തി​നി​ടെ കു​ഴ​ഞ്ഞു​വീ​ണു. ആ​ശു​പ​ത്രി​യി​ലെ​ത്തി​ച്ചി​ട്ടും സൈ​ല​ന്‍റ്​ അ​റ്റാ​ക്കി​നെ ത​ടു​ക്കാ​നാ​യി​ല്ല. അ​വ​ന്‍റെ പേ​രി​ൽ പാ​ർ​ട്ടി​സി​പ്പ​ന്‍റ്​ കാ​ർ​ഡ്​ അ​ടി​ച്ച ഉ​പ​ജി​ല്ല മ​ത്സ​ര​ത്തി​ന്​ ര​ണ്ടു​നാ​ളാ​യി​രു​ന്നു ബാ​ക്കി. കൂ​ട്ടു​കാ​ർ ത​ക​ർ​ന്നു​പോ​യി, അ​വ​നി​ല്ലാ​ത്ത ക​ളി​ക്കി​​ല്ലെ​ന്ന്​ ഉ​റ​പ്പി​ച്ചു. എ​ന്നാ​ൽ, അ​ധി​കം ചി​രി​ക്കാ​ത്ത നീ ​വ​ട്ട​പ്പാ​ട്ടി​ൽ ചി​രി​ക്കു​ന്ന​ത്​ കാ​ണാ​ൻ വ​രു​മെ​ന്ന് പ​റ​ഞ്ഞ്​ സി​നാ​നെ ക​ളി​യാ​ക്കി കാ​ത്തി​രു​ന്ന ഉ​മ്മ​യു​ടെ​യും ഉ​പ്പ​യു​ടെ​യും സ​ങ്ക​ടം അ​വ​രെ ​പൊ​തി​ഞ്ഞു​നി​ർ​ത്തി. ‘അ​വ​ന്‍റെ ചി​രി നി​ങ്ങ​ളി​ലൂ​ടെ കാ​ണ​ണം’ എ​ന്ന മാ​താ​പി​താ​ക്ക​ളു​ടെ വാ​ക്ക്​​ ഊ​ർ​ജ​മാ​യി. കു​ട്ടി​ക​ളെ അ​ധ്യാ​പ​ക​ർ ആ​ശ്ലേ​ഷി​ച്ചു പ​റ​ഞ്ഞു, സി​നാ​നു​വേ​ണ്ടി സം​സ്ഥാ​ന​ത്ത്​ ക​ളി​ക്ക​ണം. പൂ​ർ​വ വി​ദ്യാ​ർ​ഥി​ക​ൾ കൂ​ടി​യാ​യ പ​രി​ശീ​ല​ക​ർ സാ​ലി​ഹി​നും അ​ദ്​​നാ​നും ച​ങ്ക്​ ത​ക​ർ​ന്നി​ട്ടും ഒ​പ്പം​നി​ന്നു.

സി​നാ​ന്​​ പ​ക​ര​ക്കാ​ര​ൻ വ​ന്നി​ട്ടും ആ​ദ്യം പ​രി​ശീ​ലി​ക്കാ​ൻ ക​ഴി​ഞ്ഞി​ല്ല. ഒ​രു ദി​വ​സം​കൊ​ണ്ട്​ പ​രി​ശീ​ലി​ച്ച്, സി​നാ​ന്‍റെ ഇ​ക്ക​യെ സാ​ക്ഷി​യാ​ക്കി ഉ​പ​ജി​ല്ല​യി​ൽ ഒ​ന്നാ​മ​താ​യ​പ്പോ​ൾ പൊ​ട്ടി​ക്ക​ര​ച്ചി​ലാ​യി​രു​ന്നു ആ​ഘോ​ഷം. ജി​ല്ല​യി​ലും ഒ​ന്നാ​മ​താ​യി സം​സ്ഥാ​ന വേ​ദി​യി​ൽ അ​വ​ന്‍റെ സ്വ​പ്നം യാ​ഥാ​ർ​ഥ്യ​മാ​ക്കി​യ​പ്പോ​ഴും ന​ദീ​മും ഫ​സ​ലും മി​ഥി​ലാ​ജും ഡാ​നി​ഷും മി​ൻ​ഹാ​ജും നി​ജാ​ദും അ​നു​ഷും അ​മാ​ൻ അ​ബ്​​ദു​ല്ല​യും അ​മ​ൽ റ​സ്മി​ലും അ​മി​ൻ റ​സ​യും അ​ട​ങ്ങു​ന്ന സം​ഘ​ത്തി​ന്‍റെ ക​ണ്ണു​ക​ൾ തോ​ർ​ന്നി​ല്ല. ഒ​രു​നി​മി​ഷം പോ​ലും മാ​യാ​തെ മ​ന​സ്സി​ലു​ണ്ട്​ അ​വ​ൻ, ക​രു​ത്താ​യി ആ ​ഉ​പ്പ​യു​ടെ​യും ഉ​മ്മ​യു​ടെ​യും പ്രാ​ർ​ഥ​ന​യും.