പി.എസ്​.സി റാങ്ക്​ ലിസ്​റ്റ്​ കാലാവധി മൂന്നുമാസത്തേക്ക്​ നീട്ടി

തിരുവനന്തപ​ുരം: കോവിഡ്​ ബാധയുടെ പശ്ചാത്തലത്തിൽ കേരള പി.എസ്​.സി റാങ്ക്​ പട്ടികകളുടെ കാലാവധി നീട്ടി. മാർച്ച്​ 20നും ജൂൺ 18 നും ഇടയിൽ കാലാവധി അവസാനിക്കുന്ന റാങ്ക്​ പട്ടികകളുടെ കാലാവധിയാണ്​ മൂന്നു മാസത്തേക്ക്​ നീട്ടിയത്​.

കാലാവധി നീട്ടണമെന്ന ആവശ്യം സർക്കാർ നേരത്തേ പി.എസ്​.സിയെ അറിയിച്ചിരുന്നു.

നേരത്തേ പി.എസ്​.സി നടത്താൻ നിശ്ചയിച്ചിരുന്ന പരീക്ഷകളും അഭിമുഖങ്ങളും സർട്ടിഫിക്കറ്റ്​ പരിശോധനകളും മാറ്റിവെച്ചിരുന്നു.