ഇനി വിഡിയോ റിയാക്​ട്​ ​ചെയ്യാൻ പി.സി കുട്ടൻ പിള്ളയും

അർജുൻ സുന്ദരേശനിലൂടെ സമുഹ മാധ്യമത്തിലെ പുതുതരംഗമായ വിഡിയോ റിയാക്ഷനിലേക്ക്​ കേരള​ പൊലീസും കടക്കുന്നു. ‘പി.സി കുട്ടൻപിള്ള സ്​പീക്കിങ്’​ എന്ന പേരിലാണ്​ പൊലീസ്​ വിഡിയോ റിയാക്ഷൻ തുടങ്ങുന്നത്​. ഔദ്യോഗിക ഫേസ്​ബുക്ക്​ പേജിലൂടെയാണ്​ കേരള പൊലീസ്​ പു​തിയ ഉദ്യമത്തെ കുറിച്ച്​ അറിയിച്ചത്​. 

കേരള പൊലീസിൻെറ ഫേസ്​ബുക്ക്​ പോസ്​റ്റ്​:

റോസ്റ്റാൻ അറിയില്ല. അറിയാവുന്ന റെസിപ്പികളുമായി ഇനി മുതൽ PC കുട്ടൻപിള്ളയും നിങ്ങൾക്കൊപ്പം. PC കുട്ടൻ പിള്ള സ്പീക്കിങ്. സോഷ്യൽ മീഡിയയിലെ പുതു തരംഗമായ വീഡിയോ റിയാക്ഷൻസ് രംഗത്തേക്ക് ഞങ്ങളും വരുന്നു . തുറന്നുപിടിച്ച കണ്ണുകളുമായി കാതോർത്ത് സദാസമയം സോഷ്യൽ മീഡിയ പട്രോളിംഗ് നടത്തുന്ന ഞങ്ങളുടെ ടീമിന് മുന്നിലേക്കെത്തുന്ന നിങ്ങളുടെ പോസ്റ്റുകളെ ഞങ്ങളും വിലയിരുത്താം .. പ്രോത്സാഹിപ്പിക്കേണ്ടവയെ പ്രോത്സാഹിപ്പിക്കാം.. തിരുത്തേണ്ടത് തിരുത്താം 

കേരള പോലീസിൻറെ ഔദ്യോഗിക ഫേസ്ബുക് അക്കൗണ്ട് https://www.facebook.com/keralapolice/ യു ട്യൂബ് ചാനൽ https://www.youtube.com/channel/UCeSbNelNeZjcmee_UfxOraQ… എന്നിവയിലൂടെ കുട്ടൻ പിള്ള ഒന്നാം ഭാഗവുമായി ഉടൻ നിങ്ങളുടെ മുന്നിലേക്കെത്തുകയാണ്... 

സോഷ്യൽ മീഡിയയിൽ ഞങ്ങളുടെ പിൻബലമായ നിങ്ങളോരോരുത്തരുടേയും സ്നേഹവും സഹകരണവും പ്രതീക്ഷിക്കുന്നു കുട്ടൻപിള്ളയുടെ അഭിപ്രായം വേണമെന്ന് നിങ്ങൾക്ക് തോന്നുന്ന വിഡിയോകൾ, പോസ്റ്റുകൾ എന്നിവ 9497900440 എന്ന നമ്പറിലേക്ക് #kuttanpilla ഹാഷ് ടാഗോടുകൂടി വാട്സ് ആപ്പ് ചെയ്യുക.