പ്രസവ വാർഡിൽ പർദ ധരി​െച്ചത്തിയ പൊലീസുകാരന്​ സസ്​പെൻഷൻ

തൊ​ടു​പു​ഴ: പ്ര​സ​വ വാ​ർ​ഡി​ൽ പ​ർ​ദ ധ​രി​ച്ചു ക​യ​റി​യ പൊ​ലീ​സു​കാ​ര​ന്​ സ​സ്​​പെ​ൻ​ഷ​ൻ. കു​ള​മാ​വ് പൊ​ലീ​സ്​ സ്‌​റ്റേ​ഷ​നി​ലെ സി​വി​ൽ പൊ​ലീ​സ്​ ഒാ​ഫി​സ​ർ നൂ​ർ സ​മീ​റി​നെ​യാ​ണ്​ ഇ​ടു​ക്കി ജി​ല്ല​ പൊ​ലീ​സ്​ മേ​ധാ​വി കെ.​ബി. വേ​ണു​ഗോ​പാ​ൽ സ​സ്​​പെ​ൻ​ഡ്​ ചെ​യ്​​ത​ത്​. തൊ​ടു​പു​ഴ​ക്ക്​ സ​മീ​പം പെ​രു​മ്പി​ള്ളി​ച്ചി​റ​യി​ലെ സ്വ​കാ​ര്യ ആ​ശു​പ​ത്രി​യി​ൽ വെ​ള്ളി​യാ​ഴ്​​ച രാ​ത്രിയായി​രു​ന്നു സം​ഭ​വം. പി​ക്അ​പ് ഓ​ട്ടോ​യി​യി​ലാ​ണ്​ ഇയാൾ ആ​ശു​പ​ത്രി​യി​ലെ​ത്തി​യ​തെ​ന്ന്​ തൊ​ടു​പു​ഴ എ​സ്.​െ​എ വി​ഷ്​​ണു​കു​മാ​ർ പ​റ​ഞ്ഞു.

പ​ർ​ദ ധ​രി​ച്ച്​ ഒ​രാ​ൾ പ്ര​സ​വ​വാ​ർ​ഡി​ലേ​ക്ക് ക​യ​റി​യ​ത് കൂ​ട്ടി​രി​പ്പു​കാ​രി​ലൊ​രാ​ളാ​ണ്​ ക​ണ്ട​ത്. ഇ​വ​ർ ബ​ഹ​ളം​വെ​ച്ച​തി​െ​ന തു​ട​ർ​ന്ന്​ ഇ​റ​ങ്ങി​യോ​ടി​യ ഇ​യാ​ളെ സെ​ക്യൂ​രി​റ്റി ത​ട​ഞ്ഞു​നി​ർ​ത്തി. മു​ഖ​ത്തെ തു​ണി മാ​റ്റി​യ​പ്പോ​ൾ താ​ൻ പൊ​ലീ​സു​കാ​ര​നാ​ണെ​ന്ന്​ പ​റ​ഞ്ഞ്​ കു​ത​റി​യോ​ടി. സെ​ക്യൂ​രി​റ്റി​യു​ടെ​യും വാ​ർ​ഡി​ലു​ള്ള​വ​രു​ടെ​യും മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് നൂ​ർ സ​മീ​റി​നെ​തി​രെ കേ​സെ​ടു​ത്ത​ത്.

പൊ​ലീ​സു​കാ​ര​ൻ ആ​ശു​പ​​ത്രി​യി​ൽ വേ​ഷം മാ​റി എ​ത്തി​യെ​ന്ന വി​വ​രം സ്​​പെ​ഷ​ൽ ബ്രാ​ഞ്ചും സ്​​ഥി​രീ​ക​രി​ച്ച​താ​യി തൊ​ടു​പു​ഴ ഡി​വൈ.​എ​സ്.​പി ജി​ല്ല പൊ​ലീ​സ്​ മേ​ധാ​വി​ക്ക്​ റി​പ്പോ​ർ​ട്ട്​ ന​ൽ​കി​. ഒ​ന്ന​ര വ​ർ​ഷം മു​മ്പ്​ പാ​ല​ക്കാ​ട് പൊ​ലീ​സ് പി​ടി​കൂ​ടി​യ ക​ഞ്ചാ​വ് കേ​സി​ലെ പ്ര​തി​യെ ഭീ​ഷ​ണി​പ്പെ​ടു​ത്തി പ​ണം ത​ട്ടി​യ കേ​സി​ൽ നൂ​ർ സ​മീ​റ​ട​ക്കം മൂ​ന്ന്​ ​പൊ​ലീ​സു​കാ​രെ അ​റ​സ്​​റ്റ്​ ചെ​യ്തി​രു​ന്നു. സ​സ്‌​പെ​ൻ​ഷ​ൻ ക​ഴി​ഞ്ഞ്​ ഏ​താ​നും മാ​സം മു​മ്പാ​ണ് ജോ​ലി​യി​ൽ തി​രി​ച്ചു ക​യ​റി​യ​ത്. പൊ​ലീ​സു​കാ​ര​ൻ ഒ​ളി​വി​ലാ​ണെ​ന്നും ആ​ൾ​മാ​റാ​ട്ട​ത്തി​നാ​ണ്​ കേ​സെ​ടു​ത്ത​തെ​ന്നും തൊ​ടു​പു​ഴ എ​സ്.​െ​എ വി​ഷ്​​ണു​കു​​മാ​ർ പ​റ​ഞ്ഞു. തൊ​ടു​പു​ഴ ഡി​വൈ.​എ​സ്.​പി കെ.​പി. ജോ​സി​നാ​ണ്​ അ​ന്വേ​ഷ​ണ​ച്ചു​മ​ത​ല. ​