Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightഡി.ജി.പിയുടെ ഭാര്യ...

ഡി.ജി.പിയുടെ ഭാര്യ ഗതാഗതക്കുരുക്കിൽപെട്ടു; പൊലീസുകാർക്ക് നിൽപ് ശിക്ഷയും ശകാരവും

text_fields
bookmark_border
ഡി.ജി.പിയുടെ ഭാര്യ ഗതാഗതക്കുരുക്കിൽപെട്ടു; പൊലീസുകാർക്ക് നിൽപ് ശിക്ഷയും ശകാരവും
cancel

തിരുവനന്തപുരം: ഡി.ജി.പിയുടെ ഭാര്യ ഗതാഗതക്കുരുക്കിൽപെട്ടതിന്​ നാല്​ അസി. കമീഷണർമാർക്കും രണ്ട്​ സി.​െഎമാർക്കു ം അർധരാത്രി വരെ നിൽപ് ശിക്ഷയും ശകാരവും. വകുപ്പുതല നടപടിക്കും ശിപാർശ നൽകിയതായാണ്​ വിവരം.

കഴക്കൂട്ടം ടെക് ‌നോപാർക്കിലെ ഒരു സ്ഥാപനത്തിൽ എച്ച്.ആര്‍ വിഭാഗം മേധാവിയാണ് ഡി.ജി.പി ലോക്​നാഥ്‌ ബെഹ്റയുടെ ഭാര്യ. കഴിഞ്ഞദിവസം ഗവർ ണറുടെ വാഹനം ആഭ്യന്തര വിമാനത്താവളത്തിലേക്ക് കടന്നുപോകാനായി ബൈപാസിലും പേട്ട-ചാക്ക റോഡിലും പത്തുമിനിറ്റോളം വാഹനങ്ങള്‍ പൊലീസ് തടഞ്ഞിരുന്നു. ഈ സമയം ഓഫിസില്‍നിന്ന് കാറിൽ വരികയായിരുന്ന ഡി.ജി.പിയുടെ ഭാര്യയും കുരുക്കിൽപെട്ടു.

ഇതിന്​ പിന്നാലെ ട്രാഫിക്​ നോർത്ത്, സൗത്ത്​ സോൺ അസി. കമീഷണർമാർ, സിറ്റി പൊലീസിലെ മറ്റ്​ രണ്ട്​ അസി.​ കമീഷണർമാർ, രണ്ട്​ സർക്കിൾ ഇൻസ്പെക്ടർമാർ എന്നിവരോട് പൊലീസ് ആസ്ഥാന​െത്തത്താൻ നിർദേശം വന്നു. ആസ്​ഥാന​െത്തത്തിയ ഉദ്യോഗസ്​ഥരെ ഡി.ജി.പി കടുത്തഭാഷയിൽ ശാസിക്കുകയായിരുന്നത്രെ. പൊലീസ് തന്നെ ഗതാഗത കുരുക്കുണ്ടാക്കുന്നത്​ എന്തിനാണെന്ന്​ ചോദിച്ച അദ്ദേഹം, ഗതാഗതക്കുരുക്കിന്​ പരിഹാരം കാണാനാകുന്നില്ലെങ്കിൽ ജോലി നിര്‍ത്തി പോകാൻ ശാസി​െച്ചന്നും പറയപ്പെടുന്നു.

പ്രോട്ടോകോൾ പ്രകാരമാണ്​ വാഹനങ്ങൾ നിയന്ത്രിച്ച്​ ഗവർണർക്ക്​ വഴിയൊരുക്കിയതെന്ന്​ ഉദ്യോഗസ്ഥർ വിശദീകരിച്ചെങ്കിലും അർധരാത്രി വരെ ആറ്​ ഉദ്യോഗസ്ഥർക്കും നിൽപ് ശിക്ഷ നൽകുകയായിരുന്നത്രേ. രാത്രി എട്ട്​ മുതൽ 11 വരെയായിരുന്നു ശിക്ഷ. സംഭവം അറിഞ്ഞ പൊലീസ് ഓഫിസർമാരുടെ സംഘടന നേതാക്കളും മറ്റും ഇടപെട്ടതിനെ തുടർന്നാണ്​ ആറുപേർക്കും ശിക്ഷയിൽ ഇളവ് ലഭിച്ചതും. ഡി.ജി.പിയുടെ നടപടിയിൽ സേനാംഗങ്ങൾക്കിടയിൽ അമർഷം ശക്​തമായിട്ടുണ്ട്​. എന്നാൽ ഇക്കാര്യങ്ങളെല്ലാം പൊലീസ്​ ആസ്​ഥാനം നിഷേധിച്ചു.

Show Full Article
TAGS:loknath behera traffic kerala police 
Next Story