Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഇതര സംസ്ഥാനങ്ങളിൽ...

ഇതര സംസ്ഥാനങ്ങളിൽ നിന്നുള്ള മലയാളികളുടെ ആദ്യ സംഘമെത്തി

text_fields
bookmark_border
VALAYAR-KERALA-TEAM.jpg
cancel

വാളയാർ: ഇതര സംസ്ഥാനങ്ങളിൽ നിന്നുള്ള മലയാളികളുടെ ആദ്യ സംഘം കേരളത്തിലെത്തി. വാളയാർ ചെക്​പോസ്​റ്റിലാണ്​ വാഹനങ്ങളെത്തിയത്​. രാവിലെ എട്ട്​ മണിയോടെയാണ് വാളയാർ ചെക്​പോസ്​റ്റിലേക്ക്​ ആളുകൾ എത്തിത്തുടങ്ങിയത്​. നോർക്ക വഴി രജിസ്​റ്റർ ചെയ്​തവർക്ക്​ പാസ്​ അനുവദിച്ചിരുന്നു. ഈ പാസ്​ ലഭിച്ചവർക്കാണ്​ പ്രവേശനം. 

ചെക്​പോസ്​റ്റിലെ കർശനമായ പരിശോധനക്ക്​ ശേഷമാണ്​ വാഹനം കടത്തി വിടുന്നത്​.14 കൗണ്ടറുകളാണ്​ കേരളത്തിലേക്കുള്ള വാഹനങ്ങളുടെ പരിശോധിക്കാനായി ഒരുക്കിയത്​. കേരളത്തിൽ നിന്ന്​ മറ്റ്​ സംസ്ഥാനങ്ങളിലേക്ക്​ പോകുന്നവർക്കായി രണ്ട്​ കൗണ്ടറുകളാണുള്ളത്​​​. ആരോഗ്യ പ്രവർത്തകരും പൊലീസും ക്ലർക്കുമാരും റവന്യു ഉദ്യോഗസ്ഥരും ചെക്​പോസ്​റ്റിലുണ്ട്​.​

തെർമൽ സ്​കാനറുപയോഗിച്ച്​ ശരീരോഷ്​മാവ്​ പരിശോധിക്കുകയും രോഗ ലക്ഷണങ്ങൾ ഇല്ലാത്തവരെ കടത്തി വിടുകയുമാണ്​ ചെയ്യുന്നത്​. പാസുകൾ ക്യു.ആർ കോഡ്​ ഉപയോഗിച്ച്​ സ്​കാൻ ചെയ്യുകയും പോകാൻ തടസമില്ലാത്തവർക്ക്​ വാഹന പാസ്​ നൽകി യാത്രയാക്കുകയും ചെയ്യും. ഇവർ ക്വാറൻറീൻ ലംഘിക്കുന്നുണ്ടോ എന്ന്​ അറിയാനായി അവരുടെ ഫോണിൽ ​കോവിഡ്​ ട്രാക്കിങ്​ ആപ്ലിക്കേഷനായ ആരോഗ്യ സേതു ആപ്​ നിർബന്ധമായി ഡൗൺലോഡ്​ ചെയ്​തിരിക്കണമെന്നും നിഷ്​കർഷിച്ചിട്ടുണ്ട്​.

കോവിഡ്​ രോഗലക്ഷണങ്ങളുള്ളവരെ ഡോക്​ടർമാർ പരിശോധിച്ച ശേഷം 108 ആംബുലൻസിൽ ജില്ല ആശുപത്രിയിലെ ​നിരീക്ഷണ വാർഡിലേക്ക്​ മാറ്റും. ആവശ്യമെങ്കിൽ അവരുടെ സ്രവം പരിശോധനക്കയച്ച്​ കൊറോണ കേസ്​ സ​​െൻററിലേക്ക്​ വിടാനാണ്​ ഉദ്ദേശിക്കുന്നതെന്ന്​ അധികൃതർ വ്യക്തമാക്കി.

കാസർകോട്​ തലപ്പാടി ചെക്​പോസ്​റ്റ്​ വഴിയും ഇഞ്ചിവിള ചെക്ക്പോസ്റ്റ് വഴിയും ആളുകൾ സംസ്ഥാനത്തേക്ക്​  എത്തിക്കൊണ്ടിരിക്കുന്നുണ്ട്​. ആളുകളെ കടത്തിവിടുന്നതുമായി ബന്ധപ്പെട്ടുണ്ടായ പ്രതിസന്ധി പരിഹരിച്ച ശേഷമാണ്​ ഇഞ്ചിവിളയിലൂടെ ആളുകളെ കടത്തി വിടുന്നത്​. ഇഞ്ചിവിള വഴി വരുന്നവരെ എങ്ങോട്ട് മാറ്റണമെന്നതില്‍ ആശയക്കുഴപ്പം നില നിന്നിരുന്നതിനാൽ വിവിധ സംസ്ഥാനങ്ങളില്‍ നിന്നെത്തിയവര്‍ രാവിലെ ഏഴ് മണി മുതല്‍ ഏറെ നേരം ചെക്ക്പോസ്റ്റില്‍ കാത്തിരിക്കുകയായിരന്നു. തുടർന്ന്​ ജില്ലകലക്ടറുടെ നേതൃത്വത്തില്‍ യോഗം ചേർന്ന ശേഷം പ്രശ്​നം പരിഹരിക്കുകയായിരുന്നു. 
 

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsValayarmalayalam newslock downkerala peoole
News Summary - kerala people from various states reached -kerala news
Next Story