പൊള്ളയായ നയപ്രഖ്യാപനം; ഇത്​ ജനങ്ങളെ കബളിപ്പിക്കൽ -പ്രതിപക്ഷം

ആരോപണവിധേയരായ മുഖ്യമന്ത്രി രാജിവെക്കുക, സ്​പീക്കർ സ്​ഥാനമൊഴിയുക എന്നീ ആവശ്യങ്ങളുന്നയിച്ചാണ്​ പ്രതിപക്ഷം സമാധാനപരമായി സഭ ബഹിഷ്​കരിചതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. കേരളത്തിലെ ജനങ്ങളുടെ പ്രതീക്ഷകൾ നശിപ്പിച്ച സർക്കാറിനെതിരായ പ്രതിഷേധമാണ്​ പ്രതിപക്ഷം പ്രകടിപ്പിക്കുന്നതെന്ന്​ അദ്ദേഹം പറഞ്ഞു. സഭ ബഹിഷ്​കരിച്ച്​ പ്രതിഷേധിച്ച ​േശഷം മാധ്യമങ്ങളോട്​ സംസാരിക്കുകയായിരുന്നു പ്രതിപക്ഷ നേതാക്കൾ.

പ്രതിപക്ഷത്തെ കേൾക്കാൻ പോലും സർക്കാർ തയാറാകുന്നില്ലെന്ന്​ മുൻ മുഖ്യമന്ത്രി ഉമ്മർചാണ്ടി പറഞ്ഞു. വാളയാർ കേസ്​ അട്ടിമറിച്ചതിൽ പൊലീസിന്‍റെ ഇടപെടൽ ​െഞട്ടിക്കുന്നതായിരുന്നു. വാളയാറിലെ പെൺകുട്ടികളുടെ മാതാപിതാക്കളുടെ ദു:ഖം കേരളത്തിന്‍റെ ദു:ഖമാണ്​. അവരെ കേൾക്കാൻ മുഖ്യമ​ന്ത്രി തയാറായില്ല. ഇനിയെങ്കിലും ആ കുട്ടികളുടെ കുടുംബത്തിന്​ നീതി കിട്ടണമെന്നും അദ്ദേഹം പറഞ്ഞു.

ജനാധിപത്യത്തിന്‍റെ ശ്രീകോവിലിനെ കള്ളക്കടത്തിന്​ മറയാക്കിയ സ്​പീക്കർ സഭാ സമ്മേളനത്തിന്​ നേതൃത്വം കൊടുക്കുന്നത്​ അംഗീകരിക്കാനാകില്ലെന്ന്​ പ്രതിപക്ഷ ഉപനേതാവ്​ എം.കെ മുനീർ പറഞ്ഞു.

നയപ്രഖ്യാപന പ്രസംഗം പ്രഹസനമായെന്ന്​ പി.ജെ. ജോസഫ്​ എം.എൽ.എ പഹറഞ്ഞു. സർക്കാറിനെതിരെ ശക്​തമായ ആരോപണങ്ങളാണ്​ നിലനിൽക്കുന്നതെന്നും അദ്ദേഹം പറഞ്ഞു. സ്​പീക്കർ ആരോപണവിധേയനായതിനാൽ അദ്ദേഹം വിട്ടു നിൽക്കണമായിരുന്നുവെന്നും അദ്ദേഹം പറഞ്ഞു.