കരിഞ്ചോല ദുരന്തം: കേരള മുസ്​ലിം ജമാഅത്തി​‍െൻറ 10 വീടുകൾ മുഖ്യമന്ത്രി കൈമാറി

പൂനൂര്‍: കരിഞ്ചോല പുനരധിവാസ പദ്ധതിയുടെ ഭാഗമായി കേരള മുസ്​ലിം ജമാഅത്ത് നിർമിച്ചുനൽകിയ 10 ഭവനങ്ങൾ മുഖ്യമന്ത്രി പിണറായി വിജയൻ ഓണ്‍ലൈനായി കുടുംബങ്ങള്‍ക്ക് കൈമാറി.ഡോ. അബ്​ദുസ്വബൂർ അവേലത്ത് അധ്യക്ഷത വഹിച്ചു. ഭവനങ്ങളുടെ രേഖ കാന്തപുരം എ.പി. അബൂബക്കർ മുസ്​ലിയാർ കാരാട്ട് റസാഖ് എം.എല്‍.എക്ക് കൈമാറി. മന്ത്രി ഡോ. കെ.ടി. ജലീൽ പരിപാടിയുടെ ഉദ്ഘാടനം നിർവഹിച്ചു.

പി.ടി.എ. റഹീം എം.എല്‍.എ, ഹജ്ജ് കമ്മിറ്റി ചെയർമാൻ സി. മുഹമ്മദ് ഫൈസി, എ.പി. അബ്​ദുൽ ഹക്കീം അസ്ഹരി, അബ്​ദുൽ ഫത്താഹ് അവേലം, കട്ടിപ്പാറ ഗ്രാമപഞ്ചായത്ത്‌ പ്രസിഡൻറ്​ മുഹമ്മദ് മോയത്ത്, കെ.കെ. അഹമ്മദ് കുട്ടി മുസ്​ലിയാർ കട്ടിപ്പാറ, ഉണ്ണികുളം ഗ്രാമപഞ്ചായത്ത്‌ വൈസ് പ്രസിഡൻറ്​ നിജില്‍ രാജ്, നിധീഷ് കല്ലുള്ളതോട്, പ്രേംജി ജയിംസ്, താര അബ്​ദുറഹ്മാൻ ഹാജി, വാര്‍ഡ്‌ മെംബര്‍ സി.പി. കരീം, എ.കെ. ഗോപാലന്‍ തുടങ്ങിയവര്‍ സംബന്ധിച്ചു. നാസര്‍ സഖാഫി പൂനൂര്‍ സ്വാഗതവും ബി.സി. ലുഖ്മാന്‍ ഹാജി നന്ദിയും പറഞ്ഞു.