ഹൈവോൾട്ടേജിലേക്ക്​ ഏറ്റുമുട്ടൽ രാഷ്ട്രീയം

തി​രു​വ​ന​ന്ത​പു​രം: ആ​രോ​ഗ്യ​മ​​​ന്ത്രി​ക്കെ​തി​രെ പ്ര​തി​പ​ക്ഷം പോ​രാ​ട്ടം ക​ടു​പ്പി​ച്ച​തി​ന്​ പി​ന്നാ​ലെ മ​ന്ത്രി​ക്ക്​ പ്ര​തി​രോ​ധം തീ​ർ​ക്കാ​ൻ രം​ഗ​​ത്തി​റ​ങ്ങു​മെ​ന്ന ഇ​ട​ത്​ യു​ജ​വ​ന സം​ഘ​ട​ന​ക​ളു​ടെ പ്ര​ഖ്യാ​പ​ന​ത്തോ​ടെ ഇ​ട​വേ​ള​ക്കു​ശേ​ഷം കേ​ര​ളം വീ​ണ്ടും ചൂ​ടേ​റി​യ ഏ​റ്റു​മു​ട്ട​ൽ രാ​ഷ്ട്രീ​യ​ത്തി​ലേ​ക്ക്.

മ​ന്ത്രി​യു​ടെ രാ​ജി ആ​വ​ശ്യം ശ​ക്തി​പ്പെ​ടു​ത്തി സ​ർ​ക്കാ​റി​നെ സ​മ്മ​ർ​ദ​ത്തി​ലാ​ക്കാ​നാ​ണ്​ യു.​ഡി.​എ​ഫ്​ ശ്ര​മം. നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പ്​ ന​ൽ​കി​യ ആ​ത്മ​വി​ശ്വ​സം ഇ​ന്ധ​ന​മാ​ക്കി​യാ​ണ്​ തെ​ര​ഞ്ഞെ​ടു​പ്പ്​ വ​ർ​ഷ​ത്തി​ൽ സ​ർ​ക്കാ​റി​നെ​തി​രെ​യു​ള്ള ക​ട​ന്നാ​ക്ര​മ​ണ​ത്തി​ന്​ പ്ര​തി​പ​ക്ഷം മൂ​ന​കൂ​ർ​പ്പി​ക്കു​ന്ന​ത്.

അ​തേ​സ​മ​യം യു.​ഡി.​എ​ഫ്​ സ​മ​ര​ങ്ങ​​ളോ​ട്​ അ​തേ നാ​ണ​യ​ത്തി​ൽ തി​രി​ച്ച​ടി​ക്കാ​നാ​ണ്​ ഇ​ട​തു​യു​വ​ജ​ന സം​ഘ​ട​ന​ക​ളു​ടെ​യും ​ശ്ര​മം. ഡി.​വൈ.​എ​ഫ്.​ഐ നേ​താ​ക്ക​ളു​ടെ വാ​ർ​ത്ത​സ​മ്മേ​ള​ന​ത്തി​ലെ പ​രാ​മ​ർ​ശ​ങ്ങ​ൾ ഈ ​നി​ല​യ്​​ക്കു​ള്ള വ്യ​ക്ത​മാ​യ സൂ​ച​ന​ക​ളു​മാ​ണ്. ജ​ന​കീ​യ പ്ര​ശ്ന​മെ​ന്ന നി​ല​യി​ൽ സി​ൽ​വ​ർ ലൈ​ൻ സ​ർ​വേ​യു​മാ​യി ​ബ​ന്ധ​പ്പെ​ട്ടാ​ണ്​ ഇ​തി​ന്​ മു​മ്പ്​​ പ്ര​തി​പ​ക്ഷ​വും ഭ​ര​ണ​പ​ക്ഷ​വും നേ​ർ​ക്കു​നേ​ർ ഏ​റ്റു​മു​ട്ടി​യ​ത്. സ​ർ​വേ​ക്കാ​യി സ്ഥാ​പി​ച്ച ക​ല്ല്​ എ​ടു​ത്തു​മാ​റ്റി​യ​വ​ർ​ക്ക്​ നേ​രെ കൈ​യേ​റ്റ ശ്ര​മ​ങ്ങ​ളു​മു​ണ്ടാ​യി​രു​ന്നു. ‘തൂ​ണൊ​ക്കെ പ​റി​ച്ചാ​ൽ ഇ​നി​യും അ​ടി കി​ട്ടു’​മെ​ന്നാ​യി​രു​ന്നു അ​ന്ന്​ നി​യ​മ​സ​ഭ​യി​ൽ ഒ​രു സി.​പി.​എം അം​ഗം പ്ര​സം​ഗി​ച്ച​ത്.

തൃ​ക്കാ​ക്ക​ര ഉ​പ​തെ​ര​ഞ്ഞെ​ടു​പ്പി​ലെ ക​ന​ത്ത തി​രി​ച്ച​ടി​തോ​ടെ സി​ൽ​വ​ർ ലൈ​ൻ ന​ട​പ​ടി​ക​ളെ​ല്ലാം സ​ർ​ക്കാ​ർ വെ​ച്ചു​കെ​ട്ടി. തീ​ക്ഷ്​​ണ​മാ​യ ജ​ന​കീ​യ പ്ര​ശ്​​ന​മെ​ന്ന നി​ല​വി​ൽ സി​ൽ​വ​ർ ലൈ​ൻ സ​മ​ര​ത്തി​നൊ​പ്പം നി​ല​കൊ​ണ്ട​ത്​ രാ​ഷ്​​​ട്രീ​യ​മാ​യി ഏ​റെ ഗു​ണം ചെ​യ്​​തു​വെ​ന്നാ​ണ്​​ കോ​ൺ​ഗ്ര​സ്​ പി​ന്നീ​ട്​ വി​ല​യി​രു​ത്തി​യ​ത്. സി​ൽ​വ​ർ ലൈ​നി​നെ അ​പേ​ക്ഷി​ച്ച്​ അ​ടി​സ്ഥാ​ന ജ​ന​വി​ഭാ​ഗ​ങ്ങ​ളെ ഏ​റെ ബാ​ധി​ക്കു​ന്ന​താ​ണ്​ സ​ർ​ക്കാ​ർ ആ​തു​രാ​ല​യ​ങ്ങ​ളു​ടെ ദ​യ​നീ​യാ​വ​സ്​​ഥ.

സാ​ധാ​ര​ണ​ക്കാ​ർ നേ​ർ​ക്കു​നേ​ർ അ​നു​ഭ​വി​ക്കു​ന്ന നീ​റു​ന്ന പ്ര​ശ്​​ന​മെ​ന്ന നി​ല​യി​ൽ ഇ​തി​ന്​ പ്ര​ഹ​ര​ശേ​ഷി​യു​മേ​റെ​യാ​ണ്. ഈ ​വി​ഷ​യം മു​ൻ​നി​ർ​ത്തി​യു​ള്ള​ ​പ്ര​ക്ഷോ​ഭ​ങ്ങ​ൾ​ക്ക്​ കൂ​ടു​ത​ൽ ജ​ന​പി​ന്തു​ണ ല​ഭി​ക്കു​മെ​ന്നും പ്ര​തി​പ​ക്ഷം ക​ണ​ക്ക്​ കൂ​ട്ടു​ന്നു. ഒ​മ്പ​ത്​ വ​ർ​ഷം ഭ​രി​ച്ചി​ട്ടും ‘സി​സ്റ്റ​ത്തി​ന്‍റെ പ്ര​ശ്ന​മു​ണ്ടെ’​ന്ന ആ​രോ​ഗ്യ​മ​ന്ത്രി​യു​ടെ പ​രാ​മ​ർ​ശം കു​റ്റ​സ​മ്മ​ത​മാ​യി ഉ​യ​ർ​ത്തി​ക്കാ​ട്ടാ​ണ്​ കോ​ൺ​​ഗ്ര​സ്​ ശ്ര​മം.

ന​വ​കേ​ര​ള സ​ദ​സ്സു​മാ​യി ബ​ന്ധ​പ്പെ​ട്ട്​ മു​ഖ്യ​മ​ന്ത്രി പി​ണ​റാ​യി വി​ജ​യ​ന്​ ക​രി​​​ങ്കൊ​ടി കാ​ണി​ക്കാ​നു​ള്ള കോ​ൺ​​​ഗ്ര​സ്​ നീ​ക്ക​വും അ​തി​നെ സി.​പി.​എം പ്ര​വ​ർ​ത്ത​ക​രും പൊ​ലീ​സും നേ​രി​ട്ട​തും ഏ​റ്റു​മു​ട്ട​ലു​ക​ൾ​ക്ക്​ ഇ​ട​യാ​ക്കി​യി​രു​ന്നു. പ്ര​തി​ഷേ​ധ​ത്തെ അ​ടി​ച്ചൊ​തു​ക്കി​യ​തി​നെ മു​ഖ്യ​മ​ന്ത്രി ‘ര​ക്ഷാ​പ്ര​വ​ർ​ത്ത​ന’​മെ​ന്ന്​ വി​ശേ​ഷി​പ്പി​ച്ച​തും അ​ന്ന്​ വി​വാ​ദ​മാ​യി.