ലാലിയുടെ ഹൃദയമിനി ലീനയിൽ മിടിക്കും...

കൊ​ച്ചി: തി​രു​വ​ന​ന്ത​പു​ര​ത്ത് മ​സ്തി​ഷ്ക മ​ര​ണം സം​ഭ​വി​ച്ച അ​ധ്യാ​പി​ക ലാ​ലി​യു​ടെ ഹൃ​ദ​യം ഇ​നി മി​ടി​ക്കു​ക എ​റ​ണാ​കു​ളം കോ​ത​മം​ഗ​ലം സ്വ​ദേ​ശി ലീ​ന​യി​ൽ. ലോ​ക്ഡൗ​ണി​നി​ടെ ന​ട​ന്ന അ​ത്യ​പൂ​ർ​വ ഹെ​ലി​കോ​പ്ട​ർ ദൗ​ത്യ​ത്തി​ലൂ​ടെ​യാ​ണ് ത​ല​സ്ഥാ​ന​ത്തു​നി​ന്ന് കൊ​ച്ചി​യി​ലെ ലി​സി ആ​ശു​പ​ത്രി​യി​ലേ​ക്ക് ഹൃ​ദ​യം കൊ​ണ്ടു​വ​ന്ന​തും ഉ​ട​ൻ ശ​സ്ത്ര​ക്രി​യ ന​ട​ത്തി​യ​തും.

സം​സ്ഥാ​ന സ​ർ​ക്കാ​ർ മാ​സ​ങ്ങ​ൾ​ക്കു മു​മ്പ്​ വാ​ട​ക​ക്കെ​ടു​ത്ത ഹെ​ലി​കോ​പ്​​ട​ർ ആ​ദ്യ ദൗ​ത്യ​മെ​ന്ന നി​ല​ക്കാ​ണ് ശ​നി​യാ​ഴ്ച എ​യ​ർ ആം​ബു​ല​ൻ​സാ​യി പ​റ​ന്നെ​ത്തി​യ​ത്. തി​രു​വ​ന​ന്ത​പു​രം കിം​സ് ആ​ശു​പ​ത്രി​യി​ൽ വെ​ള്ളി​യാ​ഴ്ച മ​സ്തി​ഷ്ക മ​ര​ണം സം​ഭ​വി​ച്ച അ​ധ്യാ​പി​ക ലാ​ലി ഗോ​പ​കു​മാ​റി​​​െൻറ ഹൃ​ദ​യം ദാ​നം ചെ​യ്യാ​ൻ വീ​ട്ടു​കാ​ർ തീ​രു​മാ​നി​ച്ച​തി​​നെ​തു​ട​ർ​ന്ന്, സ​ർ​ക്കാ​റി​​​െൻറ അ​വ​യ​വ​ദാ​ന പ​ദ്ധ​തി​യി​ൽ ര​ജി​സ്​​റ്റ​ർ ചെ​യ്ത് കാ​ത്തി​രി​ക്കു​ന്ന ലീ​ന​ക്ക് ന​ൽ​കാ​ൻ ന​ട​പ​ടി തു​ട​ങ്ങു​ക​യാ​യി​രു​ന്നു. 

ഹൃ​ദ​യം ക്ര​മാ​തീ​ത​മാ​യി വി​ക​സി​ക്കു​ന്ന (ഇ​സ്കീ​മീ​ക് കാ​ർ​ഡി​യോ മ​യോ​പ​തി) രോ​ഗ​മു​ള്ള ലീ​ന ലി​സി ആ​ശു​പ​ത്രി​യി​ലെ ഹൃ​ദ​യ ശ​സ്ത്ര​ക്രി​യ വി​ദ​ഗ്ധ​ൻ ഡോ.​ജോ​സ് ചാ​ക്കോ പെ​രി​യ​പ്പു​റ​ത്തെ ഒ.​പി​യി​ൽ ക​ണ്ടു​കൊ​ണ്ടി​രി​ക്കെ​യാ​ണ് തി​രു​വ​ന​ന്ത​പു​ര​ത്തു​നി​ന്ന് വി​ളി​യെ​ത്തി​യ​ത്. ഉ​ട​ൻ ശ​സ്ത്ര​ക്രി​യ െച​യ്യാ​മെ​ന്ന്​ തീ​രു​മാ​ന​മെ​ടു​ത്തു. തു​ട​ർ​ന്ന്, ആ​ശു​പ​ത്രി ഡ​യ​റ​ക്ട​ർ ഫാ.​പോ​ൾ ക​രേ​ട​ൻ, മു​ൻ എം.​പി പി.​രാ​ജീ​വ് വ​ഴി മു​ഖ്യ​മ​ന്ത്രി പി​ണ​റാ​യി വി​ജ​യ​നെ ബ​ന്ധ​പ്പെ​ട്ടു. മു​ഖ്യ​മ​ന്ത്രി ഡി.​ജി.​പി​ക്ക് നി​ർ​ദേ​ശം ന​ൽ​കി​യ​തി​​​െൻറ അ​ടി​സ്ഥാ​ന​ത്തി​ലാ​ണ് കാ​ര്യ​ങ്ങ​ൾ​ക്ക് വേ​ഗം കൈ​വ​രി​ച്ച​ത്. ഡോ.​ജോ​സ് ചാ​ക്കോ​യും സം​ഘ​വും തി​രു​വ​ന​ന്ത​പു​ര​ത്തെ​ത്തി, ശ​സ്ത്ര​ക്രി​യ​യി​ലൂ​ടെ ഹൃ​ദ​യം പു​റ​ത്തെ​ടു​ത്ത് വൈ​കാ​തെ തി​രി​ച്ചു പ​റ​ന്നു. 

40 മി​നി​റ്റ് പ​റ​ന്ന് കൊ​ച്ചി ഗ്രാ​ൻ​ഡ് ഹ​യാ​ത്തി​​​െൻറ ഹെ​ലി​പ്പാ​ഡി​ൽ 3.50ഓ​ടെ എ​ത്തി​ച്ച ഹൃ​ദ​യം എ.​സി.​പി കെ.​ലാ​ൽ​ജി​യു​ടെ നേ​തൃ​ത്വ​ത്തി​ൽ സി​റ്റി പൊ​ലീ​സൊ​രു​ക്കി​യ ഗ്രീ​ൻ കോ​റി​ഡോ​റി​ലൂ​ടെ  പ​ത്തു മി​നി​റ്റി​ന​കം ആ​ശു​പ​ത്രി​യി​ലെ​ത്തി. നാ​ലിന്​ തു​ട​ങ്ങി​യ ശ​സ്ത്ര​ക്രി​യ ആ​റു​മ​ണി​ക്കൂ​ർ നീ​ണ്ടു. 

ഹൃ​ദ​യം ലീ​ന​യി​ൽ മി​ടി​ച്ചു തു​ട​ങ്ങി​യെ​ന്നും ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.ര​ണ്ടു​മാ​സ​മാ​യി ര​ജി​സ്​​റ്റ​ർ ചെ​യ്ത് കാ​ത്തി​രി​ക്കു​ന്ന ത​ങ്ങ​ൾ​ക്ക് ഇ​ത്ര​പെ​ട്ടെ​ന്ന് യോ​ജി​ച്ച ഹൃ​ദ​യം കി​ട്ടു​മെ​ന്ന് പ്ര​തീ​ക്ഷി​ച്ചി​ല്ലെ​ന്നും ദുഃ​ഖ​ക​ര​മാ​യ വേ​ള​യി​ൽ പോ​ലും ലാ​ലി​യു​ടെ കു​ടും​ബം ഇ​ത്ര വ​ലി​യൊ​രു പു​ണ്യം ചെ​യ്ത​തി​ൽ ഏ​റെ ന​ന്ദി​യു​ണ്ടെ​ന്നും ലീ​ന​യു​ടെ കു​ടും​ബാം​ഗ​ങ്ങ​ൾ പ​റ​ഞ്ഞു.