ലോക്ഡൗൺ ഇളവുകൾ കേരളം പൂർണമായി നടപ്പാക്കില്ല
text_fieldsതിരുവനന്തപുരം: കേന്ദ്രസര്ക്കാര് കൂടുതല് ഇളവുകള് പ്രഖ്യാപിച്ചെങ്കിലും കേരളം അതേപടി നടപ്പാക്കാന് സാധ്യതയില്ലെന്ന് സൂചന. രോഗികളുടെ എണ്ണം ഓരോ ദിവസവും കൂടി വരുന്ന പശ്ചാത്തലത്തില് പൂര്ണ്ണമായി തുറന്ന് കൊടുക്കുന്നത് തിരിച്ചടിയുണ്ടാകുമെന്നാണ് സര്ക്കാര് വിലയിരുത്തല്. സംസ്ഥാനത്ത് ഏതൊക്കെ മേഖലകളില് ഇളവുകള് നല്കണമെന്ന കാര്യത്തില് തിങ്കളാഴ്ച തീരുമാനമുണ്ടായേക്കും.
ജൂണ് എട്ടിന് ശേഷം അടഞ്ഞ് കിടക്കുന്ന പല മേഖലകളും തുറന്ന് കൊടുക്കാമെന്നാണ് കേന്ദ്രസര്ക്കാരിന്റെ നിലപാട്. കോവിഡ് രോഗികൾ കൂടിവരുന്ന പശ്ചാത്തലത്തില് കേന്ദ്രത്തിന്റെ ഇളവുകള് സംസ്ഥാനം നടപ്പാക്കാനുള്ള സാധ്യതയും വിരളമാണ്.
മിക്ക ജില്ലകളിലും ഹോട്ട്സ്പോടുകള് ഉള്ളതിനാല് പൊതുഗതാഗതം ജില്ലകള്ക്ക് പുറത്തേക്ക് ഉടന് അനുവദിക്കില്ല. അന്തർസംസ്ഥാന യാത്രക്ക് പാസ് വേണ്ടെന്നാണ് കേന്ദ്രനിർദേശം എങ്കിലും സംസ്ഥാനങ്ങൾക്ക് നിയന്ത്രണം ഏർപ്പെടുത്താനുള്ള അവകാശം കേരളം വിനിയോഗിക്കും.
തിങ്കളാഴ്ച രാവിലെ ഉന്നതലയോഗം ചേര്ന്നായിരിക്കും ഏതൊക്കെ മേഖലകളില് ഇളവുകള് നല്കണമെന്ന കാര്യത്തില് അന്തിമ തീരുമാനമെടുക്കുന്നത്. വിദ്യാഭ്യാസ സ്ഥാപനങ്ങള്, തീയറ്റര്, മാളുകള് എന്നിവയില് നിയന്ത്രണം തുടരാനാണ് സാധ്യത. ആരാധനാലയങ്ങൾ തുറക്കണമെന്ന് ആവശ്യം ഉയർന്നിട്ടുണ്ടെങ്കിലും നിയന്ത്രണങ്ങൾ ഏർപ്പെടുത്താനാണ് സാധ്യത.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.