ആണവനിലയ സാധ്യത തേടി വീണ്ടും കേരളം

തി​രു​വ​ന​ന്ത​പു​രം: വ​ർ​ധി​ക്കു​ന്ന വൈ​ദ്യു​തി ആ​വ​ശ്യം നി​റ​വേ​റ്റാ​ൻ ആ​ണ​വ​നി​ല​യ​ത്തി​നു​ള്ള സാ​ധ്യ​ത​ക​ൾ ഊ​ർ​ജി​ത​മാ​ക്കി കെ.​എ​സ്.​ഇ.​ബി. തോ​റി​യം അ​ധി​ഷ്ഠി​ത ആ​ണ​വ നി​ല​യ​ത്തി​ന്​ സ്ഥ​ലം ക​​ണ്ടെ​ത്തി ന​ൽ​കി​യാ​ൽ അ​നു​മ​തി പ​രി​ശോ​ധി​ക്കാ​മെ​ന്ന്​ ക​ഴി​ഞ്ഞ ദി​വ​സം കേ​ന്ദ്ര ഊ​ർ​ജ-​ന​ഗ​ര​കാ​ര്യ മ​ന്ത്രി ന​ൽ​കി​യ ഉ​റ​പ്പി​നെ​ത്തു​ട​ർ​ന്നാ​ണ് ആ​ണ​വ ച​ർ​ച്ച വീ​ണ്ടും സ​ജീ​വ​മാ​യ​ത്.

കേ​ര​ള​ത്തി​ന്‍റെ വ​ർ​ധി​ക്കു​ന്ന ഊ​ർ​ജ ആ​വ​ശ്യ​ക​ത​ക്ക്​ പ​രി​ഹാ​രം ആ​ണ​വ​നി​ല​യ​മാ​ണെ​ന്ന അ​ഭി​പ്രാ​യ​വും കേ​ന്ദ്ര​മ​ന്ത്രി പ്ര​ക​ടി​പ്പി​ച്ചി​രു​ന്നു. ഇ​താ​ണ്​ തു​ട​ർ​പ്ര​വ​ർ​ത്ത​ന​ങ്ങ​ളി​ലേ​ക്ക്​ ക​ട​ക്കാ​ൻ കെ.​എ​സ്.​ഇ.​ബി​യെ പ്രേ​രി​പ്പി​ക്കു​ന്ന​ത്.

ആ​ഭ്യ​ന്ത​ര ഉ​ൽ​പാ​ദ​നം നി​ല​വി​ലെ ഉ​പ​ഭോ​ഗ​ത്തി​ന്​ അ​നു​സൃ​ത​മാ​യി വ​ർ​ധി​പ്പി​ക്ക​ണ​മെ​ങ്കി​ൽ ജ​ല​വൈ​ദ്യു​തി പ​ദ്ധ​തി​ക​ള​ട​ക്കം നി​ല​വി​ലെ സം​വി​ധാ​ന​ങ്ങ​ൾ വ​ഴി ക​ഴി​യി​ല്ലെ​ന്ന വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ൽ ആ​ണ​വ നി​ല​യ​ത്തെ​ക്കു​റി​ച്ച ​ആ​ലോ​ച​ന നേ​ര​ത്തേ ത​ന്നെ കെ.​എ​സ്.​ഇ.​ബി ത​ല​പ്പ​ത്ത്​ ന​ട​ന്നി​രു​ന്നു.

സി.​എം.​ഡി​യു​ടെ നേ​തൃ​ത്വ​ത്തി​ൽ ഈ ​രം​ഗ​ത്തെ സ്ഥാ​പ​ന​ങ്ങ​ളു​​മാ​യി കൂ​ടി​ക്കാ​ഴ്ച​ക​ളും ന​ട​ന്നു. എ​ന്നാ​ൽ, സ​ർ​ക്കാ​ർ അ​നു​മ​തി ന​ൽ​കു​മോ​യെ​ന്ന ആ​ശ​ങ്ക​യി​ൽ തു​ട​ർ​ച​ർ​ച്ച മു​ന്നോ​ട്ടു​പോ​യി​ല്ല. പ്ര​തി​ഷേ​ധ​ങ്ങ​ൾ​ക്ക്​ സാ​ധ്യ​ത​യു​ള്ള​തി​നാ​ൽ സ​ർ​ക്കാ​റി​ന്‍റെ ന​യ​പ​ര​മാ​യ തീ​രു​മാ​നം ഇ​ക്കാ​ര്യ​ത്തി​ൽ ആ​വ​ശ്യ​മാ​യി​രു​ന്നു. ​

ആ​തി​ര​പ്പി​ള്ളി, ചീ​​മേ​നി എ​ന്നി​വി​ട​ങ്ങ​ളി​ൽ പ​ദ്ധ​തി​ക്കു​ള്ള പ്രാ​ഥ​മി​ക സാ​ധ്യ​ത​ക​ളും ഇ​തി​നി​ടെ, പ​രി​ശോ​ധി​ച്ചു. എ​ന്നാ​ൽ, സ​ർ​ക്കാ​ർ നി​ല​പാ​ട്​ വ്യ​ക്ത​മാ​ക്കാ​ൻ ത​യാ​റാ​യി​ല്ല. നി​ല​വി​ലെ 30 ശ​ത​മാ​ന​ത്തി​ൽ​നി​ന്ന്​ വൈ​ദ്യു​തി ഉ​ൽ​പാ​നം ഇ​ര​ട്ടി​യെ​ങ്കി​ലു​മാ​ക്ക​ണ​മെ​ങ്കി​ൽ നി​ല​വി​ലെ ഊ​ർ​​ജ​സ്രോ​ത​സ്സു​ക​ൾ പോ​രെ​ന്ന വി​ല​യി​രു​ത്ത​ലി​ലാ​ണ്​ കെ.​എ​സ്.​ഇ.​ബി.

വ​രും​വ​ർ​ഷ​ങ്ങ​ളി​ൽ പ​മ്പ്​​ഡ്​ സ്​​റ്റോ​റേ​ജ്​ പ​ദ്ധ​തി​ക​ൾ (പി.​എ​സ്.​പി), ബാ​റ്റ​റി എ​ന​ർ​ജി സ്​​റ്റോ​റേ​ജ്​ (ബെ​സ്) തു​ട​ങ്ങി​യ​വ​യി​ലൂ​​ടെ പ്ര​തി​സ​ന്ധി നേ​രി​ടാ​ൻ ശ്ര​മി​ക്കു​ന്നു​​ണ്ടെ​ങ്കി​ലും ക​രാ​റു​ക​ൾ വ​ഴി ഉ​യ​ർ​ന്ന വി​ല​ക്ക്​​ വൈ​ദ്യു​തി വാ​ങ്ങു​ന്ന സ്ഥി​തി​ക്ക്​ സ​മീ​പ​കാ​ല​ത്തൊ​ന്നും മാ​റ്റം വ​രാ​നി​ട​യി​ല്ല.

കേ​ര​ള​ത്തി​ൽ നി​ല​യം സ്ഥാ​പി​ക്കാ​നാ​യി​​ല്ലെ​ങ്കി​ൽ പു​റ​ത്ത്​ എ​വി​ടെ​യെ​ങ്കി​ലും സ്ഥ​ലം ക​ണ്ടെ​ത്തി സ്ഥാ​പി​ക്കു​ക​യും അ​വി​ടേ​ക്കു​ള്ള തോ​റി​യം കേ​ര​ളം ന​ൽ​കു​ക​യും ചെ​യ്യു​ന്ന​ത​ട​ക്കം സാ​ധ്യ​ത​ക​ൾ ആ​ലോ​ച​ന​യി​ലു​ണ്ട്.