പന്തീരാങ്കാവ്​ യു.എ.പി.എ കേസ്: ത്വാഹ ഉടൻ കീഴടങ്ങും, സുപ്രീം കോടതിയെ സമീപിച്ചേക്കും

കോഴിക്കോട്: പന്തീരാങ്കാവ് യു.എ.പി.എ കേസിൽ ജാമ്യം റദ്ദാക്കിയ ത്വാഹ ഉടൻ കീഴടങ്ങും. അതുമായി ബന്ധപ്പെട്ട് കൊച്ചിയിലെ അഡ്വക്കറ്റ് ജനറലിന്‍റെ ഓഫീസിലേക്ക് താഹയെ എത്തിച്ചു. കഴിഞ്ഞ ദിവസമാണ് ത്വാഹ ഫസലിന്‍റെ ജാമ്യം ഹൈക്കോടതി റദ്ദാക്കിയത്.

കൂട്ടുപ്രതിയായ അലൻ ശുഹൈബിന്‍റെ ജാമ്യം തുടരും. ത്വാഹ ഉടൻ കോടതിയിൽ കീഴടങ്ങണമെന്ന്​ കോടതി ആവശ്യപ്പെട്ടിരുന്നു. എൻ.​ഐ.എയുടെ അപ്പീലിലാണ്​ കോടതി ജാമ്യം റദ്ദാക്കിയത്​. അതേസമയം വക്കീലുമായി ആലോചിച്ച ശേഷം നിയമപോരാട്ടം സംബന്ധിച്ച് തീരുമാനമെടുക്കുമെന്ന് ത്വാഹ പറഞ്ഞു. സുപ്രീം കോടതിയെ സമീപിക്കുമെന്നാണ് വിവരം.

2019 ന​വം​ബ​ര്‍ ഒ​ന്നി​ന്​ രാ​ത്രി​യാ​ണ്​ കോഴിക്കോട്​ പെ​രു​മ​ണ്ണ പാ​റ​മ്മ​ൽ അ​ങ്ങാ​ടി​ക്ക​ട​ു​ത്തു​ നി​ന്ന്​​ വി​ദ്യാ​ർ​ഥി​ക​ളാ​യ ഒ​ള​വ​ണ്ണ മൂ​ർ​ക്ക​നാ​ട്​ ത്വാഹ ഫ​സ​ൽ, തി​രു​വ​ണ്ണൂ​ർ പാ​ലാ​ട്ട്​ ന​ഗ​ർ അ​ല​ൻ ശു​ഹൈ​ബ് എ​ന്നി​വ​രെ പൊ​ലീ​സ്​ അ​റ​സ്​​റ്റ്​ ചെ​യ്​​ത​ത്. ഇ​വ​രി​ൽ​നി​ന്ന്​ മാ​വോ​വാ​ദി അ​നു​കൂ​ല ല​ഘു​ലേ​ഖ​ പിടിച്ചെടുത്തെന്നും വീ​ട്ടി​ൽ​നി​ന്ന് ല​ഘു​ലേ​ഖ, പു​സ്​​ത​ക​ങ്ങ​ൾ, മൊ​ബൈ​ൽ ഫോ​ൺ, ലാ​പ്​​ടോ​പ്, മെ​മ്മ​റി കാ​ർ​ഡ്​ എ​ന്നി​വ പി​ടി​​ച്ചെ​ടു​ത്തെ​ന്നും​ പ​റ​ഞ്ഞാ​ണ്​ പ​ന്തീ​രാ​ങ്കാ​വ്​ പൊ​ലീ​സ്​ യു.​എ.​പി.​എ ചു​മ​ത്തി​യ​ത്.

കേ​ന്ദ്ര ആ​ഭ്യ​ന്ത​ര വ​കു​പ്പി​െൻറ റി​പ്പോ​ർ​ട്ട്​ പ്ര​കാ​രം കേ​സ്​ പി​ന്നീ​ട്​ എ​ൻ.​െ​എ.​എ ഏ​റ്റെ​ടു​ത്തു. സി.​പി.​എം അം​ഗ​ങ്ങ​ളാ​യ​വ​ർ​ക്കെ​തി​രെ യു.​എ.​പി.​എ ചു​മ​ത്തി​യ​തി​നെ​തി​രെ പാ​ർ​ട്ടി സൗ​ത്ത്​ ഏ​രി​യ ക​മ്മി​റ്റി പ്ര​മേ​യം പാ​സാ​ക്കി​യ​തോ​ടെ കേ​സ്​ രാ​ഷ്​​ട്രീ​യ വി​വാ​ദ​മാ​യി.

ആ​ദ്യ ഘ​ട്ട​ത്തി​ൽ ജി​ല്ല നേ​തൃ​ത്വം ഇ​വ​ർ​ക്കൊ​പ്പം നി​ൽ​ക്കു​ക​യും ധ​ന​മ​ന്ത്രി ടി.​എം. തോ​മ​സ്​ ​െഎ​സ​ക്​ ഉ​ൾ​പ്പെ​ടെ നേ​താ​ക്ക​ൾ വീ​ട്ടി​​െലത്തി കു​ടും​ബ​ത്തെ ആ​ശ്വ​സി​പ്പി​ക്കു​ക​യും ചെ​യ്​​തു. പാ​ർ​ട്ടി ഭ​രി​ക്കു​േ​മ്പാ​ൾ ക​രി​നി​യ​മം സ്വ​ന്തം അം​ഗ​ങ്ങ​ൾ​ക്കെ​തി​രെ ചു​മ​ത്തി​യ​ത്​ ത​ള്ളാ​നും കൊ​ള്ളാ​നും വ​യ്യാ​ത്ത അ​വ​സ്ഥ​യു​മാ​യി.

പ​ത്തു​മാ​സ​ത്തി​നി​പ്പു​റം ക​ഴി​ഞ്ഞ സെ​പ്​​റ്റം​ബ​ര്‍ ഒ​മ്പ​തി​നാണ്​​ ഇ​രു​വ​ർ​ക്കും ജാ​മ്യം ല​ഭി​ച്ച​ത്​. അന്ന്​ എൻ.ഐ.​എ കോടതി അനുവദിച്ച ജാമ്യമാണ്​ ഇപ്പോൾ ഹൈകോടതി തിരുത്തിയിരിക്കുന്നത്. ത്വാഹയുടെ ജാമ്യം റദ്ദാക്കുകയും അലന്‍റെ ജാമ്യം തുടരാനനുവദിക്കുകയുമാണ്​ ഹൈകോടതി ചെയ്​തത്​.