ഒളിച്ചോടി വിവാഹം ചെയ്തത്​ ക്രിമിനലിനെ; പെൺകുട്ടിയെ മാതാപിതാക്കൾക്കൊപ്പം വിട്ട്​ ഹൈകോടതി

കൊ​ച്ചി: ജ്വ​ല്ല​റി കൊ​ള്ള​യ​ട​ക്കം നാ​ല്​ കേ​സി​ൽ പ്ര​തി​യാ​യ യു​വാ​വി​നൊ​പ്പം ഒ​ളി​ച്ചോ​ടി വി​വാ​ഹം ക​ഴി​ച്ച പെ​ൺ​കു​ട്ടി കോ​ട​തി​യി​ൽ വെ​ച്ച് വ​ര​ന്‍റെ ക്രി​മി​ന​ൽ പ​ശ്ചാ​ത്ത​ലം അ​റി​ഞ്ഞ​തോ​ടെ മാ​താ​പി​താ​ക്ക​ൾ​ക്കൊ​പ്പം പോ​യി. പ്രാ​യ​പൂ​ർ​ത്തി​യാ​കാ​ത്ത സ​മ​യ​ത്ത് ത​ന്നെ പീ​ഡി​പ്പി​ച്ച കേ​സി​ൽ പ്ര​തി​യാ​യ യു​വാ​വി​നൊ​പ്പ​മാ​ണ് 19കാ​രി ഒ​ളി​ച്ചോ​ടി​യ​ത്.

കു​ട്ടി അ​ന്യാ​യ ത​ട​ങ്ക​ലി​ലാ​ണെ​ന്ന് ചൂ​ണ്ടി​ക്കാ​ട്ടി കോ​ഴി​ക്കോ​ട് വെ​ളി​പ്പ​റ​മ്പ സ്വ​ദേ​ശി നി​സാ​ർ എ​ന്ന​യാ​ൾ​ക്കെ​തി​രെ പെ​ൺ​കു​ട്ടി​യു​ടെ മാ​താ​പി​താ​ക്ക​ൾ ന​ൽ​കി​യ ഹേ​ബി​യ​സ് കോ​ർ​പ​സ് ഹ​ര​ജി​യാ​ണ്​ ഹൈ​കോ​ട​തി പ​രി​ഗ​ണി​ച്ച​ത്. ആ​ദ്യ​ദി​വ​സം കേ​സ് പ​രി​ഗ​ണി​ക്ക​വേ കോ​ട​തി​യി​ൽ ഹാ​ജ​രാ​യ പെ​ൺ​കു​ട്ടി ഭ​ർ​ത്താ​വി​നൊ​പ്പം പോ​ക​ണ​മെ​ന്ന ആ​ഗ്ര​ഹം അ​റി​യി​ച്ചെ​ങ്കി​ലും പോ​ക്സോ അ​ട​ക്കം ഒ​ട്ടേ​റെ കേ​സു​ക​ളി​ൽ പ്ര​തി​യാ​ണെ​ന്ന് പ്രോ​സി​ക്യൂ​ഷ​ൻ അ​റി​യി​ച്ച​തോ​ടെ മാ​താ​പി​താ​ക്ക​ൾ​ക്കൊ​പ്പം കു​ട്ടി​യെ താ​ൽ​ക്കാ​ലി​ക​മാ​യി വി​ട്ട​യ​ച്ചു.

യു​വാ​വി​ന്‍റെ പ​ശ്ചാ​ത്ത​ലം അ​ന്വേ​ഷി​ച്ച് അ​റി​യി​ക്കാ​ൻ കോ​ട​തി നി​ർ​ദേ​ശി​ച്ചു. ക​വ​ർ​ച്ച, മോ​ഷ​ണം, പോ​ക്സോ അ​ട​ക്കം നാ​ല് ക്രി​മി​ന​ൽ കേ​സി​ൽ പ്ര​തി​യാ​ണെ​ന്ന് വ്യ​ക്ത​മാ​ക്കി സ​ർ​ക്കാ​ർ സ​ത്യ​വാ​ങ്മൂ​ലം ന​ൽ​കി. മാ​ത്ര​മ​ല്ല, ഇ​യാ​ൾ​ക്കെ​തി​രാ​യ കാ​പ്പ കേ​സി​ൽ ജാ​മ്യം അ​നു​വ​ദി​ച്ച​പ്പോ​ൾ കോ​ഴി​ക്കോ​ട്ട്​ പ്ര​വേ​ശി​ക്ക​രു​തെ​ന്ന വ്യ​വ​സ്ഥ ലം​ഘി​ച്ച​താ​യും ചൂ​ണ്ടി​ക്കാ​ട്ടി.

ഈ ​വ്യ​വ​സ്ഥ ലം​ഘി​ച്ചാ​ണ് കോ​ഴി​ക്കോ​ട് വെ​ച്ച് പെ​ൺ​കു​ട്ടി​യെ വി​വാ​ഹം ചെ​യ്ത​തെ​ന്ന് യു​വാ​വും സ​മ്മ​തി​ച്ചു.

ജാ​മ്യ​വ്യ​വ​സ്ഥ ലം​ഘി​ച്ച വ്യ​ക്തി​ക്കെ​തി​രെ ഉ​ട​ൻ ന​ട​പ​ടി​യെ​ടു​ക്കാ​തി​രു​ന്ന​തി​നെ കോ​ട​തി വി​മ​ർ​ശി​ച്ചു. യു​വാ​വി​ന്‍റെ ക്രി​മി​ന​ൽ പ​ശ്ചാ​ത്ത​ലം ബോ​ധ്യ​മാ​യ പെ​ൺ​കു​ട്ടി മാ​താ​പി​താ​ക്ക​ൾ​ക്കൊ​പ്പം പോ​കാ​നു​ള്ള താ​ൽ​പ​ര്യ​വും അ​റി​യി​ച്ചു. ഇ​ത്​ അ​നു​വ​ദി​ച്ച കോ​ട​തി പെ​ൺ​കു​ട്ടി​യെ ക​ഴി​ഞ്ഞ കാ​ര്യം ഓ​ർ​മി​പ്പി​ച്ച് വി​ഷ​മി​പ്പി​ക്ക​രു​തെ​ന്ന​ത​ട​ക്കം നി​ബ​ന്ധ​ന​ക​ളോ​ടെ​യാ​ണ് വി​ട്ട​യ​ച്ച​ത്.