സ്റ്റേ ഉണ്ടെന്ന് ക​ക്ഷി​ക​ൾ വാക്കാൽ പറഞ്ഞാൽ കോടതികൾ വ​ർ​ഷ​ങ്ങ​ളോ​ളം കേസ് നീ​ട്ടി​വെ​ക്കു​ന്നു; ഗൗ​ര​വ​​​ത്തോ​ടെ കാ​ണു​മെ​ന്ന്​ ഹൈ​കോ​ട​തി

കൊ​ച്ചി: സ്റ്റേ ​ഉ​ത്ത​ര​വു​ക​ളു​മാ​യി ബ​ന്ധ​പ്പെ​ട്ട്​ ​ഹൈ​കോ​ട​തി നി​ർ​ദേ​ശം പാ​ലി​ക്കാ​തെ കേ​സു​ക​ൾ കോ​ട​തി​ക​ൾ അ​നി​ശ്ചി​ത​മാ​യി മാ​റ്റി​​വെ​ക്കു​ന്ന​ത്​ ഗൗ​ര​വ​​​ത്തോ​ടെ കാ​ണു​മെ​ന്ന്​ ഹൈ​കോ​ട​തി. സ്റ്റേ​യു​ണ്ടെ​ന്ന് അ​റി​യി​ച്ചാ​ൽ ഉ​ത്ത​ര​വ് ഹാ​ജ​രാ​ക്കാ​നോ ഇ​ക്കാ​ര്യം വ്യ​ക്ത​മാ​ക്കി സ​ത്യ​വാ​ങ്മൂ​ലം ന​ൽ​കാ​നോ ക​ക്ഷി​ക​ൾ​ക്ക്​ നി​ർ​ദേ​ശം ന​ൽ​ക​ണ​മെ​ന്ന സെ​പ്​​റ്റം​ബ​ർ 23ലെ ​ഉ​ത്ത​ര​വ്​ പാ​ലി​ക്കാ​ത്ത​ത്​ ചൂ​ണ്ടി​ക്കാ​ട്ടി​യാ​ണ്​ ജ​സ്റ്റി​സ്​ പി.​വി. കു​ഞ്ഞി​കൃ​ഷ്ണ​ൻ കോ​ട​തി​ക​ൾ​ക്ക്​ മു​ന്ന​റി​യി​പ്പ്​ ന​ൽ​കി​യ​ത്.

സ്റ്റേ ​ഉ​ത്ത​ര​വോ സ​ത്യ​വാ​ങ്​​മൂ​ല​മോ ല​ഭി​ച്ചാ​ൽ മാ​ത്ര​മേ കേ​സു​ക​ൾ മാ​റ്റി​വെ​ക്കാ​വൂ. മു​ൻ ഉ​ത്ത​ര​വ്​ കൃ​ത്യ​മാ​യി പാ​ലി​ക്കാ​ൻ കോ​ട​തി​ക​ൾ ബാ​ധ്യ​സ്ഥ​രാ​ണെ​ന്നും സിം​ഗി​ൾ​ബെ​ഞ്ച്​ വ്യ​ക്ത​മാ​ക്കി. ഹൈ​കോ​ട​തി ഉ​ത്ത​ര​വി​ല്ലെ​ങ്കി​ലും സ്റ്റേ​യു​ണ്ടെ​ന്ന്​ ക​ക്ഷി​ക​ൾ വാ​ക്കാ​ൽ അ​റി​യി​ക്കു​മ്പോ​ൾ വി​ചാ​ര​ണ കോ​ട​തി​ക​ൾ തു​ട​ർ​ന​ട​പ​ടി​ക​ൾ വ​ർ​ഷ​ങ്ങ​ളോ​ളം നീ​ട്ടി​വെ​ക്കു​ന്ന സ്ഥി​തി വി​ല​യി​രു​ത്തി​യാ​യി​രു​ന്നു നേ​ര​ത്തേ ഹൈ​കോ​ട​തി ഉ​ത്ത​ര​വു​ണ്ടാ​യ​ത്.

ഉ​ത്ത​ര​വോ സ​ത്യ​വാ​ങ്മൂ​ല​മോ ല​ഭി​ക്കാ​തെ സ്റ്റേ​യു​ണ്ടെ​ന്ന വാ​ക്കാ​ൽ പ​രാ​മ​ർ​ശ​ത്തി​ന്‍റെ പേ​രി​ൽ കേ​സ്​ മാ​റ്റി​വെ​ച്ച ഹോ​സ്ദു​ർ​ഗ് ജു​ഡീ​ഷ്യ​ൽ ഫ​സ്റ്റ്ക്ലാ​സ് മ​ജി​സ്ട്രേ​റ്റ്​ കോ​ട​തി​യു​ടെ ന​ട​പ​ടി​യാ​ണ്​ കോ​ട​തി​യു​ടെ മു​ന്ന​റി​യി​പ്പി​ന്​ കാ​ര​ണ​മാ​യ​ത്. 2019 മാ​ർ​ച്ച് 14ന് ​ഹൈ​കോ​ട​തി 10 ദി​വ​സ​ത്തേ​ക്കു​മാ​ത്രം തു​ട​ർ​ന​ട​പ​ടി​ക​ൾ സ്റ്റേ ​ചെ​യ്ത് ഇ​ട​ക്കാ​ല ഉ​ത്ത​ര​വി​ട്ട കേ​സാ​യി​രു​ന്നു ഇ​ത്.