ഭാര്യയും ഭർത്താവും തമ്മിൽ തർക്കം; കുഞ്ഞിന് ഹൈകോടതി പേരിട്ടു

കൊച്ചി: കുഞ്ഞിന് പേരിടുന്നതിനെച്ചൊല്ലി ഭാര്യയും ഭര്‍ത്താവും തമ്മിലുള്ള തര്‍ക്കം തീര്‍ത്ത് ഹൈകോടതി. വിവാഹ മോചനത്തി​​​​െൻറ വക്കില്‍ നില്‍ക്കുന്ന ദമ്പതികള്‍ തമ്മിലെ തര്‍ക്കം മൂലം കുട്ടിയുടെ സ്‌കൂള്‍ പ്രവേശനം മുടങ്ങുമെന്ന്​ ചൂണ്ടിക്കാട്ടി ഹൈകോടതിതന്നെ കുട്ടിക്ക്​ പേരിടുകയായിരുന്നു. കുട്ടിയുടെ മാതാവ് നിശ്ചയിച്ചിരുന്ന പേരില്‍നിന്ന്​ ജൊഹാന്‍ എന്ന ഭാഗവും പിതാവ് നിശ്ചയിച്ചിരുന്ന പേരില്‍നിന്ന്് സചിന്‍ എന്ന ഭാഗവും എടുത്ത് ‘ജൊഹാന്‍ സചിൻ’ എന്നാണ് ഹൈകോടതി സിംഗിള്‍ബെഞ്ച് കുട്ടിക്ക്​ പേരിട്ടത്. ഭര്‍ത്താവ് ഹിന്ദു സമുദായ അംഗവും ഭാര്യ ക്രിസ്ത്യന്‍ സമുദായ അംഗവുമാണ്. 2010 ആഗസ്​റ്റ്​ 29നാണ് ക്രിസ്ത്യന്‍ മതാചാര പ്രകാരം വിവാഹിതരായത്. തൊട്ടടുത്ത ദിവസം ഹിന്ദുമത ആചാരപ്രകാരവും വിവാഹം രജിസ്​റ്റര്‍ ചെയ്തു.

2013 സെപ്റ്റംബര്‍ 20ന് ഇവര്‍ക്ക് രണ്ടാമത്തെ കുട്ടി ജനിച്ചു. പിന്നീട് ഇരുവരും തമ്മി​െല ബന്ധം മോശമായി. വിവാഹമോചന കേസ് കുടുംബ കോടതിയുടെ പരിഗണനയിലാണ്. കുട്ടിയുടെ അവകാശം ആര്‍ക്കെന്ന കാര്യവും കുടുംബ കോടതിയാണ് തീരുമാനിക്കുക. കുട്ടിക്ക് സ്‌കൂളില്‍ പ്രവേശനം നല്‍കുന്നതി​​​​െൻറ ഭാഗമായി ജനന സര്‍ട്ടിഫിക്കറ്റ് ആവശ്യപ്പെട്ട് ഭാര്യയും ഭര്‍ത്താവും കോട്ടയം മുനിസിപ്പാലിറ്റിയില്‍ അപേക്ഷ നല്‍കി. പ​േക്ഷ, രണ്ടുപേരും തമ്മി​െല അഭിപ്രായവ്യത്യാസം ശ്രദ്ധയിൽപെട്ട മുനിസിപ്പാലിറ്റി സര്‍ട്ടിഫിക്കറ്റ് അനുവദിച്ചില്ല. തുടര്‍ന്നാണ് ഇരുവരും ഹൈകോടതിയെ സമീപിച്ചത്.

കുട്ടിക്ക് പേരിട്ട് മാമോദീസ മുക്കിയിരുന്നതായി മാതാവ് ഹൈകോടതിയെ അറിയിച്ചു. പ​േക്ഷ പിതാവ് പറഞ്ഞത് കുട്ടിക്ക് മറ്റൊരു പേരിടാന്‍ ധാരണയായിരു​െന്നന്നും 28ാം ദിവസം നടന്ന ചടങ്ങില്‍ പേര് വിളിച്ചിരുന്നുവെന്നുമാണ്​. കുടുംബ കോടതിയില്‍ കേസ് നടക്കുന്നതിനാല്‍ കുട്ടിയുടെ അവകാശം ആര്‍ക്കാണെന്ന് അറിയില്ലെന്ന് വാദം കേട്ട ഹൈകോടതി നിരീക്ഷിച്ചു. പ​േക്ഷ, പേരുണ്ടെങ്കിലേ കുട്ടിക്ക് സ്‌കൂളില്‍ ചേരാനാവൂ. താന്‍ ഉദ്ദേശിച്ച പേരിലെ ഒരുഭാഗം വേണമെങ്കില്‍ ഒഴിവാക്കാമെന്ന് ഭാര്യ കോടതിയെ അറിയിച്ചു. പ​േക്ഷ, ഭര്‍ത്താവ് സമ്മതിച്ചില്ല. ഈ പശ്ചാത്തലത്തില്‍ നീതി നടപ്പാക്കുന്നതി​​​​െൻറ ഭാഗമായി രണ്ടു പേരുടെയും ആഗ്രഹം പരമാവധി അംഗീകരിച്ച് ‘ജൊഹാന്‍ സചിൻ’ എന്ന് പേരിടുകയാണെന്ന് കോടതി വ്യക്തമാക്കി. ഭാര്യയുടെയും ഭര്‍ത്താവി​​​​െൻറയും പേര് കുട്ടിയുടെ മാതാവി​​​​െൻറയും പിതാവി​​​​െൻറയും സ്ഥാനത്ത് യഥാക്രമം രേഖപ്പെടുത്തണമെന്നും മുനിസിപ്പാലിറ്റിക്ക് കോടതി നിര്‍ദേശം നല്‍കി.