ഭീഷണിപ്പെടുത്തുന്നുവെന്ന് ഡ്രൈവറുടെ ഹരജി; മോൻസണിനെതിരെ വിശദ അന്വേഷണം വേണമെന്ന്​ ഹൈകോടതി

കൊച്ചി: പുരാവസ്​തു തട്ടിപ്പ് കേസ്​ പ്രതി മോൻസൺ മാവുങ്കലി​നെതിരായ ആരോപണങ്ങളിൽ വിശദ അന്വേഷണം ആവശ്യമെന്ന്​ ഹൈകോടതി. തനിക്കെതിരെ ഇയാൾ നൽകിയ പരാതിയിൽ എറണാകുളം ടൗൺ നോർത്ത്​ സ്​റ്റേഷൻ ഹൗസ് ഓഫിസറും ചേർത്തല സർക്കിൾ ഇൻസ്​പെക്​ടറു​ം ഭീഷണിപ്പെടുത്തുന്നുവെന്ന് ആരോപിച്ച് മോൻസണി​െൻറ ഡ്രൈവർ ഇ.വി. അജിത് നൽകിയ ഹരജിയിലാണ്​ ജസ്​റ്റിസ്​ ദേവൻ രാമചന്ദ്ര​െൻറ പരാമർശം.

മോൻസണിനെതിരെ മുമ്പ്​ ഹൈകോടതിയിൽ നിലനിന്നിരുന്ന കേസി​െൻറകൂടി പശ്ചാത്തലം വിലയിരുത്തിയാണ്​ കോടതിയുടെ അഭിപ്രായപ്രകടനം. അജിതി​െൻറ ഹരജിയിൽ സംസ്​ഥാന പൊലീസ്​ മേധാവിയെ കക്ഷിേചർക്കാൻ നിർദേശിച്ച കോടതി, ഒക്ടോബർ അഞ്ചിന് വീണ്ടും പരിഗണിക്കാൻ മാറ്റി. ഹരജിക്കാരന് സുരക്ഷ ഉറപ്പുവരുത്താനും നിർദേശം നൽകി.

ആലപ്പുഴ ക്രൈംബ്രാഞ്ച് ഡി.വൈ.എസ്.പി ആഗസ്​റ്റ്​ ഏഴിന് തന്നെ വിളിപ്പിക്കുകയും മൊഴി എടുക്കുകയും ചെയ്തെന്നും മോൻസണിനെതിരെ പത്തനംതിട്ടയിലെ ശ്രീവത്സം ഗ്രൂപ് ഉടമ രാജേന്ദ്രൻ പിള്ള നൽകിയ പരാതിയിൽ ഹൈകോടതി നിർദേശപ്രകാരം ക്രൈംബ്രാഞ്ച്​ നടത്തുന്ന അന്വേഷണത്തി​െൻറ ഭാഗമായാണ്​ മൊഴി എടുത്തതെന്നാണ്​​ കരുതുന്ന​െതന്നും അജിതി​െൻറ ഹരജിയിൽ പറയുന്നു. മൊഴി നൽകിയതിന് പിന്നാലെ, മോൻസണുമായി ബന്ധപ്പെട്ടവർ തന്നെ ക്രിമിനൽ കേസിൽ പ്രതിയാക്കി ജയിലിലാക്കുമെന്ന് ഭീഷണിപ്പെടുത്തിയിരുന്നു.

ചേർത്തല സി.ഐക്കും എറണാകുളം നോർത്ത്​​ പൊലീസ്​ ഇൻസ്പെക്​ടർക്കും മോൻസണുമായി അടുത്ത ബന്ധമുണ്ട്​. രണ്ട്​ സ്​റ്റേഷനിലും ഒരേ ദിവസം ഹാജരാകാൻ രണ്ടു പേരുടെ ഭാഗത്തുനിന്നും നിർദേശമുണ്ടായതും ഇതി​െൻറ ഭാഗമാണ്​. രണ്ട്​ സ്​റ്റേഷനിൽനിന്നും തനിക്ക്​ സമാന ഭീഷണിയാണുണ്ടായത്. ഇതിനെതിരെ എറണാകുളം പൊലീസ് കമീഷണർക്കും ആലപ്പുഴ ജില്ല പൊലീസ് മേധാവിക്കും പരാതി നൽകിയിട്ടും നടപടികളുണ്ടായില്ല.

ഇറക്കുമതി കാറുകളുടെ അറ്റകുറ്റപ്പണി നടത്തുന്ന വർക്ക്​ഷോപ്പിൽ ജോലിക്കാരനായിരിക്കെയാണ്​ അയാളുമായി പരിചയപ്പെട്ടത്​. 2009ൽ ഡ്രൈവറും മെക്കാനിക്കുമായി ചേരുകയും ചെയ്​തു. ഡോക്ടറാണെന്നാണ് പറഞ്ഞതെങ്കിലും അല്ലെന്ന്​ പിന്നീട്​ മനസ്സിലായി. പഴയ കാറുകൾ വാങ്ങി അറ്റകുറ്റപ്പണി നടത്തി പുതിയ മോഡലെന്ന പേരിൽ അവതരിപ്പിക്കുമായിരുന്നു. മോൻസണിന്​ 13 ഇറക്കുമതിക്കാറുകളുണ്ടായിരുന്നു. ഈ വർഷം ജനുവരിവരെ അയാൾക്കൊപ്പം ഉണ്ടായിരുന്നുവെന്നും ഹരജിയിൽ പറയുന്നു.

ജീവനക്കാരുടെ പേരിൽ അക്കൗണ്ട്​; ​വിലാസവും ​േഫാൺനമ്പറും മോൻസണി​േൻറത്​

തന്നോട്​ അടുപ്പമുള്ള ജീവനക്കാരുടെ പേരിൽ മോൻസൺ ബാങ്ക്​ അക്കൗണ്ടുകൾ തുറന്നിരുന്നതായ​ും അജിതി​െൻറ ഹരജിയിൽ വെളിപ്പെടുത്തുന്നു. എന്നാൽ, ബാങ്കിൽ അക്കൗണ്ട്​ ഉടമയു​ടെതായി സ്വന്തം വിലാസവും ഫോൺ നമ്പറുമാണ്​ അയാൾ നൽകിയിരുന്നത്​. അതിനാൽ,​ അക്കൗണ്ടിലൂടെ നടത്തുന്ന ഇടപാടുകളെക്കുറിച്ച്​ അക്കൗണ്ട്​ ഉടമകൾ അറിയാറില്ലായിരുന്നു. ത​െൻറ പേരിലും മോൻസണിന്​ അക്കൗണ്ടുണ്ടായിരുന്നതായി അജിത്​ പറയുന്നു.