ജസ്റ്റിസ് നവനീതി പ്രസാദ് സിങ് കേരള ചീഫ് ജസ്റ്റിസ് ആയേക്കും

ന്യൂഡല്‍ഹി: പട്ന ഹൈകോടതി ജഡ്ജി ജസ്റ്റിസ് നവനീതി പ്രസാദ് സിങ് കേരള ഹൈകോടതി ചീഫ് ജസ്റ്റിസായേക്കും. കേരള ഹൈകോടതി ജഡ്ജിയായ ജസ്റ്റിസ് തോട്ടത്തില്‍ ബി. രാധാകൃഷ്ണന്‍ ഛത്തിസ്ഗഡ് ഹൈകോടതി ചീഫ് ജസ്റ്റിസും ആയേക്കും. നിലവിലുള്ള കേരള ചീഫ് ജസ്റ്റിസ് മോഹന്‍ ശാന്തന ഗൗഡറെയും ഛത്തിസ്ഗഢ് ഹൈകോടതി ചീഫ് ജസ്റ്റിസ് ദീപക് ഗുപ്തയെയും സുപ്രീംകോടതി ജഡ്ജിമാരാക്കണമെന്ന സുപ്രീംകോടതി കൊളീജിയം ശിപാര്‍ശ കേന്ദ്ര സര്‍ക്കാര്‍ അംഗീകരിക്കുന്ന മുറക്കായിരിക്കും ഈ മാറ്റം.