പ്രവാസികൾക്ക്​ ആവശ്യമായ സുരക്ഷ നൽകും –ഖത്തറിലെ ഇന്ത്യൻ സ്ഥാനപതി

തിരൂർ: കോവിഡ് 19 വ്യാപനത്തിൽ ഇന്ത്യൻ പ്രവാസികള്‍ക്ക് ആവശ്യമായ സുരക്ഷ നല്‍കാൻ ശക്തമായ നടപടികൾ സ്വീകരിച്ച്​ വരു ന്നതായി ഖത്തറിലെ ഇന്ത്യൻ സ്ഥാനപതി പി. കുമരൻ എൻ. ഷംസുദ്ദീൻ എം.എൽ.എയെ അറിയിച്ചു.

പ്രവാസികൾ നേരിടുന്ന പ്രശ്‌നങ്ങളും ബുദ്ധിമുട്ടുകളും സംബന്ധിച്ച് പ്രധാനമന്ത്രി, വിദേശകാര്യ മന്ത്രി, വിവിധ ഗൾഫ്​ രാജ്യങ്ങളിലെ ഇന്ത്യൻ സ്ഥാനപതിമാർ തുടങ്ങിയവർക്ക്​ എം.എൽ.എ കത്ത് അയച്ചിരുന്നു. ഇതിന് നൽകിയ മറുപടി കത്തിലാണ് ഖത്തറിലെ ഇന്ത്യൻ അംബാസിഡർ ഇക്കാര്യം അറിയിച്ചത്.

മെഡിക്കൽ സംഘത്തി​​െൻറ സേവനം ആവശ്യമുള്ളവര്‍ക്ക് ഇന്ത്യന്‍ ഡോക്ടര്‍മാരുടെയും പാരാമെഡിക്കല്‍ സ്​റ്റാഫി​​െൻറയും സേവനം ലഭ്യമാണെന്നും ഇന്ത്യക്കാരെ നാട്ടിലേക്ക് മടക്കി കൊണ്ടുവരാനുള്ള ശ്രമങ്ങൾ എംബസിയുടെ ഭാഗത്തുനിന്നും നടത്തുകയാണെന്നും കത്തിൽ സൂചിപ്പിച്ചിട്ടുണ്ട്.