കേരള ഗ്രാമീൺ ബാങ്ക്​ ജീവനക്കാർ പ്രക്ഷോഭത്തിലേക്ക്​

തിരുവനന്തപുരം: കേരള ഗ്രാമീണ ബാങ്ക്​ ജീവനക്കാർ ജൂലൈ 30ന്​ പണിമുടക്കുമെന്ന്​ ജീവനക്കാരുടെ സംഘടനകളുടെ കോഒാഡിനേഷൻ കമ്മിറ്റി ഭാരവാഹികൾ വാർത്തസമ്മേളനത്തിൽ അറിയിച്ചു. 2500ൽ അധികം ജീവനക്കാരുടെ ഒഴിവുള്ള ബാങ്കിലേക്ക്​ നിയമാനുസൃതം ആവശ്യമായ ജീവനക്കാരെ നിയമിക്കുക, വർഷങ്ങളായി ജോലി ചെയ്യുന്ന താൽക്കാലിക ജീവനക്കാരെ സ്ഥിരപ്പെടുത്തുക, ബാങ്കി​ലെ ദയനീയമായ ഹാർഡ്​വെയർ, സോഫ്​റ്റ്​വെയർ പ്രശ്​നങ്ങൾക്ക്​ പരിഹാരം കാണുക തുടങ്ങിയ ആവശ്യങ്ങൾ ഉന്നയിച്ചാണ്​ സമരം.

ഏകദിന സമരത്തി​െൻറ മുന്നോടിയായി ജൂൺ 25ന്​ 'ഡിമാൻഡ്​ ഡേ' ആചരിച്ചു. ജൂലൈ എട്ടുമുതൽ 17 വരെ ദിവസങ്ങളിൽ മലപ്പുറത്തെ ബാങ്കി​െൻറ ആസ്ഥാനത്തിന്​ മുന്നിൽ ധർണ നടത്തും. ജൂലൈ എട്ട്​, 17 തീയതികളിൽ മേഖല ഒാഫിസുകൾക്ക്​ മുന്നിൽ ധർണ സംഘടിപ്പിക്കും.

2500ൽ അധികം ഒഴിവുകളുള്ള ബാങ്കിൽ 267 തസ്​തികകളിൽ മാത്രം നിയമനത്തിനാണ്​ വിജ്ഞാപനമിറക്കിയതെന്നും ജീവനക്കാരുടെ ക്ഷാമം രൂക്ഷമാണെന്നും കേരള ​ഗ്രാമീണ ബാങ്ക്​ എം​േപ്ലായീസ്​ യൂനിയൻ, കേരള ഗ്രാമീണ ബാങ്ക്​ ഒാഫിസേഴ്​സ്​ യൂനിയൻ എന്നിവയുടെ കോഒാഡിനേഷൻ കമ്മിറ്റി ഭാരവാഹികൾ പറഞ്ഞു. വാർത്തസമ്മേളത്തിൽ എ.ആർ. പത്മകുമാർ, എസ്​. ദിലീപ്​, ജി. പ്രശാന്ത്​, സി. ബൈജു, വിനയ്​ വിലാസ്​, വിനീത വിനോദ്​ എന്നിവർ പ​െങ്കടുത്തു.