നീറ്റ്: അന്വേഷണം ആവശ്യപ്പെട്ട്​ കേരളവും ഉന്നതവിദ്യാഭ്യാസ സെക്രട്ടറിക്ക്​ കത്തയച്ചു

തി​രു​വ​ന​ന്ത​പു​രം: കാ​ൽ​ക്കോ​ടി​യോ​ളം വി​ദ്യാ​ർ​ഥി​ക​ൾ എ​ഴു​തി​യ നീ​റ്റ് -യു.​ജി പ​രീ​ക്ഷ​യി​ൽ ആ​രോ​പി​ക്ക​പ്പെ​ടു​ന്ന ക്ര​മ​ക്കേ​ടും ചോ​ദ്യ​പേ​പ്പ​ർ ചോ​ർ​ച്ച​യും സ​മ​ഗ്ര​മാ​യി അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ കേ​ര​ള​വും. ഇ​തു​സം​ബ​ന്ധി​ച്ച്​ ഉ​ന്ന​ത​വി​ദ്യാ​ഭ്യാ​സ മ​ന്ത്രി ഡോ.​ആ​ർ. ബി​ന്ദു കേ​ന്ദ്ര ഉ​ന്ന​ത​വി​ദ്യാ​ഭ്യാ​സ സെ​ക്ര​ട്ട​റി​ക്ക് ക​ത്ത​യ​ച്ചു.

നീ​റ്റ് പ്ര​വേ​ശ​ന പ​രീ​ക്ഷ​യു​ടെ വി​ശ്വാ​സ്യ​ത വീ​ണ്ടെ​ടു​ക്കാ​നും ഭാ​വി​യി​ൽ ഇ​ത്ത​രം സം​ഭ​വം ആ​വ​ർ​ത്തി​ക്കാ​തി​രി​ക്കാ​നും ശ​ക്ത​മാ​യ ന​ട​പ​ടി​ക​ൾ വേ​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടി​ട്ടു​ണ്ട്.

പ​രീ​ക്ഷ​യു​ടെ ഫ​ല​പ്ര​ഖ്യാ​പ​നം വ​ന്ന​തി​നു പി​ന്നാ​ലെ ഒ​ട്ടേ​റെ വി​ദ്യാ​ർ​ഥി​ക​ളും ര​ക്ഷാ​ക​ർ​ത്താ​ക്ക​ളും പ​രീ​ക്ഷാ ന​ട​പ​ടി​യെ​പ്പ​റ്റി ആ​ശ​ങ്ക പ്ര​ക​ടി​പ്പി​ച്ച​താ​ണ്. ഒ​ന്നോ ര​ണ്ടോ പേ​ർ മാ​ത്രം മു​ഴു​വ​ൻ മാ​ർ​ക്കും നേ​ടി ഒ​ന്നാ​മ​തെ​ത്തു​ന്ന സ്ഥാ​ന​ത്ത് 67 പേ​ർ 720 സ്​​കോ​ർ നേ​ടി ഒ​ന്നാം റാ​ങ്കു​കാ​രാ​യ​താ​ണ് പ്ര​ധാ​ന​മാ​യും ആ​ശ​ങ്ക​യു​ണ​രാ​ൻ കാ​ര​ണ​മാ​യ​ത്. പ​രീ​ക്ഷാ ന​ട​ത്തി​പ്പി​ലെ ന്യാ​യ​വും സു​താ​ര്യ​ത​യും സം​ബ​ന്ധി​ച്ച് ഇ​തു സം​ശ​യ​ങ്ങ​ളു​ണ​ർ​ത്തി. ആ​ക്ഷേ​പ​ങ്ങ​ൾ പ​രി​ഗ​ണി​ച്ച് പ​രീ​ക്ഷാ ന​ട​ത്തി​പ്പ് ഏ​ജ​ൻ​സി​യാ​യ എ​ൻ.​ടി.​എ പ​രാ​തി പ​രി​ഹാ​ര സ​മി​തി​യെ നി​യോ​ഗി​ക്കാ​ൻ തീ​രു​മാ​നി​ച്ച​ത് ന​ന്നാ​യെ​ങ്കി​ലും വി​ദ്യാ​ർ​ഥി​ക​ളും ര​ക്ഷാ​ക​ർ​ത്താ​ക്ക​ളും ഉ​ന്ന​യി​ച്ച ആ​രോ​പ​ണ​ങ്ങ​ൾ അ​ടി​യ​ന്ത​ര​വും സ​മ​ഗ്ര​വു​മാ​യ അ​ന്വേ​ഷ​ണം ആ​വ​ശ്യ​പ്പെ​ടു​ന്ന​വ​യാ​ണെ​ന്നും പ​രീ​ക്ഷ​യു​ടെ വി​ശ്വാ​സ്യ​ത വീ​ണ്ടെ​ടു​ക്ക​ണ​മെ​ന്നും ക​ത്തി​ൽ ആ​വ​ശ്യ​പ്പെ​ടു​ന്നു.