മഴ: മരണം 17; 6.34 കോടി കൃഷിനാശം

തിരുവനന്തപുരം: കനത്ത മഴയിൽ മരണം 17. പ്രാഥമിക റിപ്പോർട്ടനുസരിച്ച്​ 188.41 ​ഹെക്​ടറിൽ 6.34 കോടി രൂപയുടെ കൃഷി നശിച്ചതായും മന്ത്രി ഇ. ചന്ദ്രശേഖരൻ നിയമസഭയെ അറിയിച്ചു. മൂന്നുപേർക്ക്​ പരിക്കേൽക്കുകയും രണ്ടു​പേരെ കാണാതാവുകയും ചെയ്​തു. 63 വീട്​ പൂർണമായും 1109 വീട്​ ഭാഗികമായും തകർന്നു. 2784 കർഷകരെയാണ്​ കെടുതി ബാധിച്ചത്​.

കൃഷി നാശത്തിന് ഒരു ഹെക്ടറിന് പരമാവധി 18,000 രൂപ വരെ സഹായം നല്‍കും. പുറമെ സംസ്ഥാന സര്‍ക്കാറും സഹായം നല്‍കും. മരിച്ചവരുടെ ആശ്രിതർക്ക്​ ദുരന്ത പ്രതികരണനിധിയിൽനിന്ന്​ നാലുലക്ഷം രൂപ നൽകുന്നുണ്ടെന്ന്​ പ്രതിപക്ഷ നേതാവ്​ രമേശ്​ ചെന്നിത്തലയുടെ സബ്​മിഷന്​ മന്ത്രി മറുപടി നൽകി.

പൂർണമായും തകർന്ന വീടുകൾക്ക്​ മലയോര മേഖലയിൽ 1,01,900 രൂപയും സമതലങ്ങളിൽ 95,100 രൂപയും സഹായം നൽകും. കടൽക്ഷോഭത്തിൽ തകർന്ന വീടുകൾ​ തീരത്തുനിന്ന്​ 50 മീറ്ററിനുള്ളിലാണെങ്കിൽ നാലുലക്ഷം രൂപ വീടിനും 50 മീറ്ററിന്​ പുറത്ത്​ മാറി താമസിക്കാമെന്ന വ്യവസ്ഥയിൽ സ്ഥലം വാങ്ങാൻ ആറുലക്ഷം രൂപവരെയും നൽകും. ഭാഗികമായി തകർന്ന വീടുകൾക്കും സഹായം നൽകും. അടിയന്തര സാഹചര്യം ​േനരിടാൻ തീരദേശ ജില്ലകൾക്ക്​ 50 ലക്ഷം രൂപയും മറ്റ്​ ജില്ലകൾക്ക്​ ആവശ്യപ്പെട്ടതനുസരിച്ച തുകയും മുൻകൂറായി നൽകി.  

ഇടുക്കി ഉടുമ്പൻചോല രാജാക്കാട്​ കള്ളിമാലി വ്യൂ പോയൻറ്​ ഭാഗത്ത്​ മണ്ണൊലിച്ച്​ ഒരേക്കർ കൃഷി ഒലിച്ചുപോയി. കൊച്ചി ധനുഷ്​ക്കോടി ദേശീയപാതയിൽ അടിമാലി മൂന്നാർ റോഡിൽ വടയാർ ഭാഗത്ത്​ മണ്ണിടിഞ്ഞ്​ ഗതാഗതം തടസ്സ​െപ്പട്ടു. മണ്ണിടിയാൻ സാധ്യതയുള്ളതിനാൽ ഗതാഗതം ആനച്ചാൽ വഴി തിരിച്ചുവി​െട്ടന്നും മന്ത്രി പറഞ്ഞു.