ബി.ബി.സി ഡോക്യുമെന്‍ററിക്കെതിരെ കേരള ഗവർണർ; ഭിന്നിപ്പ് ഉണ്ടാക്കാനുള്ള നീക്കമാണെന്ന് വിമർശനം

തിരുവനന്തപുരം: ഗു​ജ​റാ​ത്ത് വം​ശ​ഹ​ത്യ​യെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യോ​ട് നേ​രി​ട്ട് ബ​ന്ധ​പ്പെ​ടു​ത്തു​ന്ന ബി.​ബി.​സി ഡോ​ക്യു​മെ​ന്റ​റിക്കെതിരെ (‘ഇന്ത്യ: ദി മോദി ക്വസ്റ്റ്യൻ’) ഗവർണർ ആരിഫ് മുഹമ്മദ് ഖാൻ. സുപ്രീംകോടതി വിധിയെക്കാൾ ബി.സി.സിയുടെ അഭിപ്രായങ്ങളെ മാനിക്കുന്നവർക്ക് അതാകാമെന്ന് ആരിഫ് മുഹമ്മദ് ഖാൻ മാധ്യമങ്ങളോട് പറഞ്ഞു.

ലോക നേതാവായി ഇന്ത്യ മാറുമ്പോൾ നിരാശയുണ്ടാകാം. ഡോക്യുമെന്‍ററിക്ക് പിന്നിൽ ഭിന്നിപ്പ് ഉണ്ടാക്കാനുള്ള നീക്കമാണ്. എന്തു കൊണ്ടാണ് ഈ സമയത്ത് ഡോക്യുമെന്‍ററി പുറത്തുവിടുന്നത് എന്ന് ആലോചിക്കണം. ജി20 അധ്യക്ഷ സ്ഥാനം ഇന്ത്യ ഏറ്റെടുത്തതിനുള്ള രോഷമാണിതെന്നും ഗവർണർ ചൂണ്ടിക്കാട്ടി.