പ്രവാസികൾക്ക്​ വരാൻ പി.പി.ഇ കിറ്റ്​ മതിയെന്ന തീരുമാനം സർക്കാറി​െൻറ മുഖംരക്ഷിക്കാൻ -ചെന്നിത്തല

തിരുവനന്തപുരം: ജനങ്ങളുടെ രോഷത്തിൽനിന്ന്​ മുഖംരക്ഷിക്കാനാണ് പ്രവാസികൾക്ക്​ മടങ്ങിവരാൻ​ പി.പി.ഇ കിറ്റ്​ മതി എന്ന തീരുമാനത്തിൽ സംസ്​ഥാന സർക്കാർ എത്തിച്ചേർന്നതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല പറഞ്ഞു​. പ്രവാസികൾ വരരുത്​ എന്ന മനോഭാവത്തോടെയാണ്​ സർക്കാർ ആദ്യംമുതലേ പ്രവർത്തിച്ചത്​. ഇ​തിനെതിരായ പ്രതിപക്ഷത്തി​െൻറ ശക്​തമായ സമരവും പ്രവാസിലോകത്തെ പ്രതിഷേധവുമാണ്​ ഇപ്പോൾ മന്ത്രിസഭ പുതിയ തീരുമാനം എടുക്കാൻ കാരണം​.

സംസ്​ഥാന സർക്കാറി​െൻറ ഇന്നത്തെ മന്ത്രിസഭ തീരുമാനം അവർ നേരത്തെ പറഞ്ഞെതെല്ലാം തെറ്റാണെന്ന്​ തെളിയിക്കുന്നതാണ്​. തീരുമാനങ്ങൾ എടുക്കു​േമ്പാൾ സ്വീകരിക്കേണ്ട ജാഗ്രത പ്രവാസികളുടെ കാര്യത്തിൽ സ്വീകരിച്ചില്ല. കോവിഡ്​ ടെസ്​റ്റ്​ നടത്തണമെന്ന ​ആവശ്യത്തിനെതിരെ പ്രതിഷേധമുയർന്നപ്പോഴാണ്​ ട്രൂനാറ്റ്​ പരിശോധന മതി എന്ന നിർദേശം വെച്ചത്​. പക്ഷെ, അത്​ കേന്ദ്ര സർക്കാർ നിരാകരിച്ചു. കോവിഡ്​ രോഗികളെ മാത്രമായി പ്രത്യേക വിമാനത്തിൽ കൊണ്ടുവരണമെന്ന ആവശ്യവും കേന്ദ്രം വിസമ്മതിച്ചു.

ഓരോ രാജ്യങ്ങളിലും ഓരോ നിയമങ്ങളാണ്​ നിലനിൽ​ക്കുന്നതെന്നും അതിനനസരിച്ച്​ വേണം കാര്യങ്ങൾ തീരുമേനി​ക്കേണ്ടതെന്നും പ്രതിപക്ഷം ആവ​ശ്യപ്പെട്ടതാണ്​. അതൊന്നും ചെവികൊള്ളാതെയാണ് കോവിഡ്​ നെഗറ്റീവ്​ സർട്ടിഫിക്കറ്റ്​, ട്രൂനാറ്റ്​ സംവിധാനം പോലുള്ള തീരുമാനങ്ങളിൽ സർക്കാർ എത്തിയത്​.

എന്തുകൊണ്ട്​ സർക്കാറി​െൻറയും നോർക്കയുടെയും ലോക കേരള സഭയുടെയുമെല്ലാം നേതൃത്വത്തിൽ വിമാനം ചാർട്ട്​ ചെയ്​ത്​ പ്രവാസികളെ കൊണ്ടുവരുന്നില്ലെന്ന്​ ചെന്നിത്തല ചോദിച്ചു. കേന്ദ്ര സർക്കാറിനോട്​ വന്ദേഭാരത്​ മിഷൻ വഴി കൂടുതൽ വിമാനങ്ങൾ ആവശ്യപ്പെടണം. ജംബോ ജെറ്റ്​ വിമാനങ്ങൾ കൂടുതൽ ഓടിച്ച്​ കൂടുതൽ പേരെ കൊണ്ടുവരാനും ശ്രമിക്കണം.

കേന്ദ്ര-സംസ്​ഥാന സർക്കാറുകളുടെ പ്രവാസിവിരുദ്ധ നടപടികൾക്കെതിരെയാണ്​ പ്രതിപക്ഷം സമരം ചെയ്യുന്നത്​. വ്യാഴാഴ്​ച സംസ്​ഥാനത്തെ 140 മണ്ഡലങ്ങളിലും രണ്ടാംഘട്ട സമരം തുടങ്ങുമെന്നും ചെന്നിത്തല പറഞ്ഞു.