സർക്കാർ ഓഫിസുകളിൽ ഉച്ചഭക്ഷണ ഇടവേള 15 മിനിറ്റ് കുറച്ചു

തൃശൂർ: സർക്കാർ ഓഫിസുകളിലെ ഉച്ചഭക്ഷണ ഇടവേള 15 മിനിറ്റ്​ കുറച്ചു. സെക്ര​ട്ടേറിയറ്റിലും അഞ്ച്​ നഗരങ്ങളിലെ ഒാഫിസു കളിലും പ്രവൃത്തി സമയത്തിലും മാറ്റം വരുത്തി. ഇതു സംബന്ധിച്ച്​ ഉദ്യോഗസ്ഥ ഭരണ പരിഷ്​കാര വകുപ്പ്​ ഉത്തരവിറക്കി. ഉച്ചഭക്ഷണ സമയം ഇനി 15 മിനിറ്റ്​ വൈകി 1.15നാണ്​ തുടങ്ങുക. പഴയതുപോലെ രണ്ട്​ വരെയാണ്​ സമയം. നിലവിൽ ഒന്ന്​ മുതൽ രണ്ട്​ വരെയാണ്​. സർക്കാർ ഓഫിസുകളിലെ പ്രവൃത്തി സമയം 10 മുതൽ അഞ്ച്​ വരെയാണെങ്കിലും സെക്ര​ട്ടേറിയറ്റിലെയും തിരുവനന്തപുരം, കോട്ടയം, എറണാകുളം, തൃശൂർ, കോഴിക്കോട്​ നഗര പരിധിയിലെയും ഓഫിസുകളുടെ സമയം 10.15 മുതൽ 5.15 വരെയായിരിക്കും. ചില പ്രത്യേക തസ്​തികകൾക്ക്​ പഴയ വ്യവസ്ഥയാണ്​ ബാധകം.

പ്രവൃത്തി സമയം സംബന്ധിച്ച്​ നേരത്തെ ഉത്തരവ്​ ഇറക്കിയതാ​െണങ്കിലും സെക്ര​ട്ടേറിയറ്റ്​ ഒഴികെ മറ്റെല്ലാ സർക്കാർ ഓഫിസുകളിലും സമയം 10 മുതൽ അഞ്ച്​ വരെയാണ്​ നിർദേശിച്ചത്​. ​െസക്ര​ട്ടേറിയറ്റിൽ മാത്രം 10.15 മുതൽ 5.15 വരെ എന്നായിരുന്നു. ഇത്തരത്തിൽ വ്യത്യസ്​ത നിർദേശം നിലനിൽക്കുന്നത്​ പരിഹരിക്കണമെന്നാവശ്യപ്പെട്ട്​ പരാതികളും നിവേദനങ്ങളും ലഭിച്ചതി​​െൻറ അടിസ്ഥാനത്തിലാണ്​ പുതുക്കിയ ഉത്തരവ്​.

സർക്കാർ ഓഫിസുകൾക്ക്​ ‘മാന്വൽ ഓഫ്​ ഓഫിസ്​ പ്രൊസീജറും’ സെക്ര​ട്ടേറിയറ്റിന്​ ‘കേരള സെക്ര​ട്ടേറിയറ്റ്​ ഓഫിസ്​ മാന്വലും’ അനുസരിച്ചുള്ള സമയക്രമമാണ്​ പാലിക്കുന്നത്​. എന്നാൽ, ചില ജില്ലകളിലെ നഗര പ്രദേശങ്ങളിലെ ഓഫിസ്​ സമയക്രമത്തിൽ പ്രദേശങ്ങളുടെ പ്രത്യേക സാഹചര്യം പരിഗണിച്ച്​ അനുവദിച്ച ഇളവ്​ തുടരേണ്ടതുണ്ടെന്ന്​ ഉത്തരവിൽ പറയുന്നു. ഈ പശ്ചാത്തലത്തിലാണ്​ സെ​ക്ര​ട്ടേറിയറ്റിലെ പ്രവൃത്തി സമയം അഞ്ച്​ നഗരങ്ങളിലെ ഓഫിസുകൾക്കുകൂടി ബാധകമാക്കിയത്​.