ജീവനക്കാർക്ക് 'വിലങ്ങിട്ട്' സർക്കാർ; പരാതികൾ മേലുദ്യോഗസ്ഥരെ മാത്രം അറിയിക്കണം

തൃ​ശൂ​ർ: പ​രാ​തി​ക​ൾ, നി​ർ​ദേ​ശ​ങ്ങ​ൾ, നി​വേ​ദ​ന​ങ്ങ​ൾ എ​ന്നി​വ ഗ​വ​ർ​ണ​ർ, മു​ഖ്യ​മ​ന്ത്രി, മ​ന്ത്രി​മാ​ർ, വ​കു​പ്പ് മേ​ധാ​വി​ക​​ൾ എ​ന്നി​വ​രെ നേ​രി​ട്ട​റി​യി​ക്കു​ന്ന​ത് അ​ച്ച​ട​ക്ക​ലം​ഘ​ന​മാ​യി ക​ണ​ക്കാ​ക്കി ശി​ക്ഷ​ന​ട​പ​ടി​ക​ൾ​ക്ക് വി​ധേ​യ​മാ​ക്കു​മെ​ന്ന്​ സ​ർ​ക്കാ​ർ ഉ​ത്ത​ര​വ്. സ്വ​ന്തം ഓ​ഫി​സ് മേ​ധാ​വി​ക​ൾ​ക്ക് മാ​ത്ര​മേ പ​രാ​തി​ക​ളോ, നി​വേ​ദ​ന​ങ്ങ​ളോ ന​ൽ​കാ​വൂ​വെ​ന്ന് വ്യ​ക്ത​മാ​ക്കി ജീ​വ​ന​ക്കാ​ർ​ക്ക് പെ​രു​മാ​റ്റ​ച്ച​ട്ട​മി​റ​ങ്ങി.

ക​ഴി​ഞ്ഞ ഭ​ര​ണ​കാ​ല​ത്ത് സ​ർ​ക്കാ​ർ രേ​ഖ​ക​ളു​ൾ​പ്പെ​ടെ പു​റ​ത്തു​വ​ന്ന​ത് പ്ര​തി​സ​ന്ധി​യി​ലാ​ക്കി​യ സാ​ഹ​ച​ര്യ​ത്തി​ൽ ക​രു​ത​ലെ​ടു​ക്കു​ക​യാ​ണ് ല​ക്ഷ്യ​മെ​ന്നാ​ണ് വി​വ​രം. സേ​വ​ന വേ​ത​ന​വു​മാ​യി ബ​ന്ധ​പ്പെ​ട്ട​തും വ്യ​ക്തി​ഗ​ത​മാ​യ​തു​മാ​യ പ​രാ​തി​ക​ളും നി​വേ​ദ​ന​ങ്ങ​ളും ച​ട്ട​ങ്ങ​ൾ പാ​ലി​ച്ച് മേ​ലു​ദ്യോ​ഗ​സ്ഥ​ന് അ​ല്ലെ​ങ്കി​ൽ നി​യ​മ​നാ​ധി​കാ​രി​ക്കോ, പ​രാ​തി പ​രി​ഹ​രി​ക്കേ​ണ്ട ത​ല​ത്തി​ലെ ഉ​ദ്യോ​ഗ​സ്ഥ​നോ സ​മ​ർ​പ്പി​ക്കാ​മെ​ന്നാ​യി​രു​ന്നു ച​ട്ടം. എ​ന്നാ​ൽ, ഗ​വ​ർ​ണ​ർ മു​ത​ൽ മു​ഖ്യ​മ​ന്ത്രി, മ​ന്ത്രി​മാ​ർ, വ​കു​പ്പ് മേ​ധാ​വി​മാ​ർ ഇ​ത​ര വ​കു​പ്പി​ലു​ള്ള​വ​ർ എ​ന്നി​വ​ർ​ക്ക്​ പൊ​തു​ജ​ന പ​രി​ഹാ​ര സെ​ല്ലി​ലൂ​ടെ​യും ത​പാ​ൽ മാ​ർ​ഗ​വും പ​രാ​തി​ക​ൾ അ​യ​ക്കാ​റു​ണ്ട്.

ജീ​വ​ന​ക്കാ​രു​ടെ സം​ഘ​ട​ന​കളും നി​വേ​ദ​ന​ങ്ങ​ളും പ​രാ​തി​ക​ളും സ​മ​ർ​പ്പി​ക്കാ​റു​ണ്ട്. എ​ന്നാ​ൽ, ഇ​ത് ശി​ക്ഷാ​ർ​ഹ​മാ​ണെ​ന്നും ക​ടു​ത്ത അ​ച്ച​ട​ക്ക ന​ട​പ​ടി​ക്ക് കാ​ര​ണ​മാ​യ​താ​ണെ​ന്നും ഉ​ത്ത​ര​വി​ലുണ്ട്​. പൊ​തു​ജ​ന പ​രാ​തി പ​രി​ഹാ​ര സെ​ൽ പൊ​തു​ജ​ന​ങ്ങ​ളു​ടെ പ​രാ​തി​ക​ൾ​ക്ക് അ​ടി​യ​ന്ത​ര പ്രാ​ധാ​ന്യ​ത്തോ​ടെ പ​രി​ഹാ​രം കാ​ണു​ക​യെ​ന്ന ല​ക്ഷ്യ​ത്തോ​ടെ​യു​ള്ള​താ​ണ്. ജീ​വ​ന​ക്കാ​രു​ടെ പ​രാ​തി​ക​ൾ​ക്ക് പ​രി​ഹാ​രം കാ​ണാ​ൻ ച​ട്ട​പ്ര​കാ​ര​മു​ള്ള വ്യ​വ​സ്ഥാ​പി​ത മാ​ർ​ഗ​ങ്ങ​ൾ ഉ​ള്ള​പ്പോ​ൾ അ​ത്​ അ​വ​ഗ​ണി​ച്ചും ച​ട്ട​ം ലം​ഘി​ച്ചും സ​ർ​ക്കാ​റി​ന്​നി​വേ​ദ​ന​ങ്ങ​ൾ ന​ൽ​കു​ന്ന​ത് പെ​രു​മാ​റ്റ​ച്ച​ട്ടം 1960 റൂ​ൾ 94ന് ​വി​രു​ദ്ധ​മാ​ണെ​ന്ന് ഉ​ത്ത​ര​വി​ൽ പ​റ​യു​ന്നു.