കെട്ടിടങ്ങൾ മോടിപിടിപ്പിക്കില്ല, പുതിയ വാഹനങ്ങളും വാങ്ങില്ല; ചെലവ്​ ചുരുക്കാൻ സർക്കാർ

തി​രു​വ​ന​ന്ത​പു​രം: സം​സ്ഥാ​ന സ​ർ​ക്കാ​ർ ക​ർ​ശ​ന ചെ​ല​വ്​ ചു​രു​ക്ക​ൽ ന​ട​പ​ടി​ക​ൾ പ്ര​ഖ്യാ​പി​ച്ചു. ഒ​രു വ​ര്‍ഷ​ത്തേ​ക്ക് സ​ര്‍ക്കാ​ര്‍ കെ​ട്ടി​ട​ങ്ങ​ളു​ടെ മോ​ടി​പി​ടി​പ്പി​ക്ക​ല്‍, സ​ര്‍ക്കാ​ര്‍ സ്ഥാ​പ​ന​ങ്ങ​ളി​ലും ഓ​ഫി​സു​ക​ളി​ലും ഫ​ര്‍ണി​ച്ച​ര്‍ വാ​ങ്ങ​ല്‍, വാ​ഹ​ന​ങ്ങ​ള്‍ വാ​ങ്ങ​ല്‍ എ​ന്നി​വ അ​നു​വ​ദി​ക്കി​ല്ല. വീ​ണ്ടും സാ​ല​റി ക​ട്ട്, ലീ​വ്​ സ​റ​ണ്ട​ർ പി.​എ​ഫി​ൽ ല​യി​പ്പി​ക്ക​ൽ, സ്​​കൂ​ളു​ക​ളി​ലും കോ​ള​ജു​ക​ളി​ലും ത​സ്​​തി​ക സൃ​ഷ്​​ടി​ക്ക​ലി​ന്​ നി​യ​ന്ത്ര​ണം അ​ട​ക്കം ന​ട​പ്പാ​ക്കും.

വ​രു​മാ​ന​വ​ർ​ധ​ന​ക്കും ന​ട​പ​ടി​യു​ണ്ട്. മു​ന്‍ ചീ​ഫ് സെ​ക്ര​ട്ട​റി ഡോ. ​കെ.​എം. എ​ബ്ര​ഹാം, സെൻറ​ര്‍ ഫോ​ര്‍ ഡെ​വ​ല​പ്മെൻറ്​ സ്​​റ്റ​ഡീ​സ് ഡ​യ​റ​ക്ട​ര്‍ പ്ര​ഫ. സു​നി​ല്‍ മാ​ണി എ​ന്നി​വ​ർ അ​ധ്യ​ക്ഷ​രാ​യ ര​ണ്ട്​ വി​ദ​ഗ്​​ധ​സ​മി​തി​ക​ളു​ടെ ശി​പാ​ർ​ശ പ​രി​ഗ​ണി​ച്ചാ​ണ്​ മ​ന്ത്രി​സ​ഭ ക​ടു​ത്ത ന​ട​പ​ടി​ക​ൾ തീ​രു​മാ​നി​ച്ച​ത്.

● ജീ​വ​ന​ക്കാ​ർ​ക്ക്​ 20 വ​ര്‍ഷം ശൂ​ന്യ​വേ​ത​ന അ​വ​ധി എ​ന്ന​ത്​ അ​ഞ്ചു​വ​ര്‍ഷ​മാ​യി ചു​രു​ക്കും. അ​ഞ്ച്​ വ​ര്‍ഷ​ത്തി​നു​ശേ​ഷം ജോ​ലി​ക്ക് ഹാ​ജ​രാ​കാ​തി​രു​ന്നാ​ല്‍ ക​ല്‍പി​ത രാ​ജി​യാ​യി പ​രി​ഗ​ണി​ക്കും. നി​ല​വി​ല്‍ അ​വ​ധി ദീ​ര്‍ഘി​പ്പി​ച്ച് ഉ​ത്ത​ര​വ് ല​ഭി​ച്ച​വ​ർ​ക്ക്​ ബാ​ധ​ക​മ​ല്ല. ഇ​പ്പോ​ള്‍ പ​രി​ഗ​ണ​ന​യി​ലി​രി​ക്കു​ന്ന അ​ഞ്ച്​ വ​ര്‍ഷ​ത്തി​നു​ശേ​ഷ​മു​ള്ള അ​വ​ധി അ​പേ​ക്ഷ​ക​ള്‍ ദീ​ര്‍ഘി​പ്പി​ച്ച് ന​ല്‍കു​ന്ന കാ​ര്യം പ​രി​ഗ​ണി​ക്കു​മ്പോ​ള്‍ ക​രാ​ര്‍ വ്യ​വ​സ്ഥ നി​ല​നി​ല്‍ക്കു​ന്ന കേ​സു​ക​ളി​ല്‍ അ​ക്കാ​ര്യ​വും പ​രി​ഗ​ണി​ച്ച് ഉ​ത്ത​ര​വി​റ​ക്കും.

● ഒ​രു ഉ​ദ്യോ​ഗ​സ്ഥ​ന്‍ 90 ദി​വ​സം അ​വ​ധി​യെ​ടു​ത്താ​ല്‍ പ്ര​മോ​ഷ​ന്‍ ന​ല്‍കി ഒ​ഴി​വ്​ റി​പ്പോ​ര്‍ട്ട് ചെ​യ്യു​ന്ന സ​മ്പ്ര​ദാ​യം ഒ​ഴി​വാ​ക്കും. അ​ധി​ക ചു​മ​ത​ല ന​ല്‍കി കൃ​ത്യ​നി​ർ​വ​ഹ​ണം ന​ട​ത്തു​ന്ന​തി​ന് ക്ര​മീ​ക​ര​ണ​മു​ണ്ടാ​ക്കും.

● കേ​ന്ദ്രാ​വി​ഷ്കൃ​ത പ​ദ്ധ​തി​ക​ളു​ള്‍പ്പെ​ടെ പ​ദ്ധ​തി​ക​ൾ പ്ര​വ​ര്‍ത്ത​നം അ​വ​സാ​നി​പ്പി​ച്ചി​ട്ടും അ​വി​ടെ തു​ട​രു​ന്ന​വ​രി​ൽ അ​ധി​ക ജീ​വ​ന​ക്കാ​രെ ആ​വ​ശ്യ​മു​ള്ള വ​കു​പ്പു​ക​ളി​ലേ​ക്ക്​ വി​ന്യ​സി​ക്കും. തു​ട​ര്‍ ന​ട​പ​ടി​ക​ള​ട​ങ്ങി​യ ക​ര​ട് കു​റി​പ്പു​ക​ള്‍ അ​വ​യു​ടെ നി​ർ​വ​ഹ​ണ ക​ല​ണ്ട​ര്‍ ഉ​ള്‍പ്പെ​ടെ ഉ​ദ്യോ​ഗ​സ്ഥ ഭ​ര​ണ പ​രി​ഷ്കാ​ര​വ​കു​പ്പും ബ​ന്ധ​പ്പെ​ട്ട വ​കു​പ്പു​ക​ളു​മാ​യി കൂ​ടി​യാ​ലോ​ചി​ച്ച് ഒ​രു മാ​സ​ത്തി​നു​ള്ളി​ല്‍ ത​യാ​റാ​ക്കും.

● ഫ​യ​ലു​ക​ള്‍ കൈ​കാ​ര്യം ചെ​യ്യു​ന്ന​തി​ന് ഇ-​ഓ​ഫി​സ് സോ​ഫ്റ്റ്​​വെ​യ​ര്‍, ക​മ്പ്യൂ​ട്ട​ര്‍ സൗ​ക​ര്യ​ങ്ങ​ള്‍ ഉ​പ​യോ​ഗി​ക്കു​ന്ന ഓ​ഫി​സു​ക​ളി​ല്‍ അ​ധി​ക​മാ​യ ടൈ​പ്പി​സ്​​റ്റ്​ ത​സ്തി​ക​ക​ള്‍ മ​റ്റ്​ ത​സ്തി​ക​ക​ളി​ലേ​ക്ക് പു​ന​ര്‍വി​ന്യാ​സി​ക്കും. ഓ​ഫി​സ് അ​റ്റ​ന്‍ഡ​ൻ​റ്​ ത​സ്തി​ക​ക​ള്‍ ത​ദ്ദേ​ശ​സ്ഥാ​പ​ന​ങ്ങ​ളി​ലേ​ക്ക് മാ​റ്റും.

● പൊ​തു​മ​രാ​മ​ത്ത്, ജ​ല​വി​ഭ​വ വ​കു​പ്പു​ക​ള്‍, വാ​ട്ട​ര്‍ അ​തോ​റി​റ്റി തു​ട​ങ്ങി​യ വി​വി​ധ സാ​ങ്കേ​തി​ക വ​കു​പ്പു​ക​ളി​ലും സാ​ങ്കേ​തി​ക​വി​ഭാ​ഗം ജീ​വ​ന​ക്കാ​ര്‍ക്ക് ചെ​യ്യാ​വു​ന്ന കാ​ര്യ​ങ്ങ​ള്‍ത​ന്നെ ചെ​യ്തു​വ​രു​ന്ന ടൈ​പ്പി​സ്​​റ്റ്​ തു​ട​ങ്ങി​യ ക്ല​റി​ക്ക​ല്‍ സ്​​റ്റാ​ഫി‍െൻറ എ​ണ്ണം ക​ണ്ടെ​ത്തി മ​റ്റു വ​കു​പ്പു​ക​ളി​ലേ​ക്കോ സ്ഥാ​പ​ങ്ങ​ളി​ലേ​ക്കോ ഒ​രു​മാ​സ​ത്തി​നു​ള്ളി​ല്‍ നി​യോ​ഗി​ക്കും.

● ക്ഷേ​മ​നി​ധി​ക​ള്‍, ക​മീ​ഷ​നു​ക​ള്‍, അ​തോ​റി​റ്റി​ക​ള്‍, സൊ​സൈ​റ്റി​ക​ളാ​യി രൂ​പ​വ​ത്​​ക​രി​ച്ച വി​വി​ധ സ്ഥാ​പ​ന​ങ്ങ​ള്‍ തു​ട​ങ്ങി ഒ​രേ മേ​ഖ​ല​യി​ല്‍ പൊ​തു​വാ​യി ഒ​രേ​ത​ര​ത്തി​ലു​ള്ള വി​ക​സ​ന സേ​വ​ന ഉ​ദ്ദേ​ശ്യ​ങ്ങ​ള്‍ക്കാ​യി പ്ര​വ​ര്‍ത്തി​ക്കു​ന്ന സ്ഥാ​പ​ന​ങ്ങ​ളെ ഒ​റ്റ ഭ​ര​ണ​സം​വി​ധാ​ന​ങ്ങ​ളാ​ക്കി മാ​റ്റും. സാ​ങ്കേ​തി​ക​മാ​യി പു​നഃ​സം​ഘ​ടി​പ്പി​ച്ച് ഭ​ര​ണ-​സേ​വ​ന പ്ര​വ​ര്‍ത്ത​ന​ങ്ങ​ളി​ലെ ഇ​ര​ട്ടി​പ്പ് ഒ​ഴി​വാ​ക്കും.

●സ്​​റ്റാ​റ്റ്യൂ​ട്ട​റി അ​ല്ലാ​ത്ത വി​വി​ധ ജു​ഡീ​ഷ്യ​ല്‍ ക​മീ​ഷ​നു​ക​ളു​ടെ പ്ര​വ​ര്‍ത്ത​ന​ത്തി​ന് ഏ​കോ​പി​ത ഓ​ഫി​സ് സം​വി​ധാ​നം മ​തി​യാ​കും.

● എ​ല്ലാ സ​ര്‍ക്കാ​ര്‍ വ​കു​പ്പു​ക​ള്‍ക്കും വി​വി​ധ സ്ഥാ​പ​ന​ങ്ങ​ള്‍ക്കും സ്വ​ന്ത​മാ​യ​തും വാ​ട​ക​ക്ക് ഉ​പ​യോ​ഗി​ക്കു​ന്ന​തു​മാ​യ വാ​ഹ​ന​ങ്ങ​ൾ സം​ബ​ന്ധി​ച്ച വി​വ​ര​ങ്ങ​ള്‍ ധ​ന​വ​കു​പ്പി‍െൻറ വെ​ബ്സൈ​റ്റി​ലെ 'വീ​ല്‍സ്' എ​ന്ന വെ​ബ് അ​ധി​ഷ്ഠി​ത വെ​ഹി​ക്കി​ള്‍ മാ​നേ​ജ്മെൻറ്​ സി​സ്​​റ്റ​ത്തി​ല്‍ രേ​ഖ​പ്പെ​ടു​ത്തും.

ഇ​നി​മു​ത​ല്‍ സ​ര്‍ക്കാ​ര്‍ വാ​ഹ​ന​ങ്ങ​ളു​ടെ വാ​ങ്ങ​ല്‍, പ​രി​പാ​ല​നം, വി​ൽ​പ​ന, അ​വ​ക്കാ​വ​ശ്യ​മാ​യ ജീ​വ​ന​ക്കാ​രു​ടെ നി​യ​മ​നം, ത​സ്തി​ക സൃ​ഷ്​​ടി​ക്ക​ല്‍ എ​ന്നി​വ ഇ​തി​െൻറ അ​ടി​സ്ഥാ​ന​ത്തി​ലാ​ക്കും.

●ഔ​ദ്യോ​ഗി​ക ച​ര്‍ച്ച​ക​ള്‍, യോ​ഗ​ങ്ങ​ള്‍, പ​രി​ശീ​ല​ന​ങ്ങ​ള്‍, ശി​ൽ​പ​ശാ​ല​ക​ള്‍, സം​വാ​ദ​ങ്ങ​ള്‍ തു​ട​ങ്ങി​യ പ​രി​പാ​ടി​ക​ളെ​ല്ലാം പ​ര​മാ​വ​ധി ഓ​ണ്‍ലൈ​നാ​ക്കും.

● ഔ​ദ്യോ​ഗി​ക യാ​ത്രാ​ചെ​ല​വു​ക​ളു​ടെ വി​വ​ര​ങ്ങ​ള്‍ സ​മ​ര്‍പ്പി​ക്കു​ന്ന​തി​നും പ​രി​ശോ​ധി​ച്ച്​ പ​ണം ന​ല്‍കു​ന്ന​തി​നും ഏ​കീ​കൃ​ത ഓ​ണ്‍ലൈ​ന്‍ സം​വി​ധാ​നം. സ്പാ​ര്‍ക്കി‍െൻറ ഭാ​ഗ​മാ​യി ര​ണ്ടു മാ​സ​ത്തി​ന​കം ഇ​തി​ന്​ ഏ​ര്‍പ്പെ​ടു​ത്തും.

● ഓ​ഫി​സു​ക​ളു​ടെ​യും സ്ഥാ​പ​ന​ങ്ങ​ളു​ടെ​യും കെ​ട്ടി​ട​ങ്ങ​ളി​ല്‍ ഉ​പ​യോ​ഗി​ക്കാ​ത്ത​ സ്ഥ​ലം ക​ണ്ടെ​ത്തി വാ​ട​ക​ക്കെ​ട്ടി​ട​ങ്ങ​ളി​ല്‍ പ്ര​വ​ര്‍ത്തി​ക്കു​ന്ന​വ​യെ അ​വി​ടേ​ക്ക്​ മാ​റ്റും.

● സ​ര്‍ക്കാ​ര്‍ ഭൂ​മി​യു​ടെ പാ​ട്ട​ത്തു​ക അ​ടി​യ​ന്ത​ര​മാ​യി പി​രി​ച്ചെ​ടു​ക്കാ​ന്‍ മി​ഷ​ന്‍ മോ​ഡി​ല്‍ ടാ​സ്ക്ഫോ​ഴ്സ് രൂ​പ​വ​ത്​​ക​രി​ക്കും. ഭൂ​മി​യു​ടെ ക​മ്പോ​ള​വി​ല അ​നു​സ​രി​ച്ച് പാ​ട്ട​ത്തു​ക ക​ണ​ക്കാ​ക്കാ​നും പൊ​തു​മേ​ഖ​ലാ സ്ഥാ​പ​ന​ങ്ങ​ളും സ​ര്‍ക്കാ​ര്‍ സ്ഥാ​പ​ന​ങ്ങ​ളും ഉ​പ​യോ​ഗ​ശൂ​ന്യ​മാ​യി​ട്ടി​രി​ക്കു​ന്ന ഭൂ​മി തി​രി​ച്ചു​പി​ടി​ക്കാ​നും ന​ട​പ​ടി.

● നി​ല​വി​െ​ല മ​റ്റെ​ല്ലാ ചെ​ല​വു ചു​രു​ക്ക​ല്‍ ന​ട​പ​ടി​ക​ളും തു​ട​രും.

● ഓ​രോ സ​ര്‍ക്കാ​ര്‍ ഓ​ഫി​സി​ലെ​യും സ്ഥാ​പ​ന​ങ്ങ​ളി​ലെ​യും ഈ ​സാ​മ്പ​ത്തി​ക​വ​ര്‍ഷ​ത്തി​ല്‍ ശേ​ഷി​ക്കു​ന്ന മാ​സ​ങ്ങ​ളി​ലെ പ​ദ്ധ​തി, പ​ദ്ധ​തി​യേ​ത​ര ചെ​ല​വ് എ​ന്നി​വ ചു​രു​ക്കും.

● ഓ​ഫി​സു​ക​ളി​ലും സ്ഥാ​പ​ന​ങ്ങ​ളി​ലും ഇ​നി​യും സൂ​ക്ഷി​ക്കേ​ണ്ട​തി​ല്ലെ​ന്നും പു​ന​രു​പ​യോ​ഗി​ക്കാ​ന്‍ ക​ഴി​യി​ല്ലെ​ന്നും ഉ​റ​പ്പു​വ​രു​ത്തി​യ സാ​ധ​ന​ങ്ങ​ള്‍ മൂ​ന്നു​മാ​സ​ത്തി​നു​ള്ളി​ല്‍ ഓ​ണ്‍ലൈ​നി​ലൂ​ടെ ലേ​ലം ചെ​യ്യും.

● ചെ​ല​വ്​ ചു​രു​ക്ക​ല്‍ തീ​രു​മാ​ന​ങ്ങ​ളും എ​ല്ലാ വ​കു​പ്പി​ലും അ​വ​യു​ടെ നി​യ​ന്ത്ര​ണ​ത്തി​ലെ സ്ഥാ​പ​ന​ങ്ങ​ളി​ലും ന​ട​പ്പാ​ക്ക​ൽ നി​രീ​ക്ഷി​ക്കാ​നും ഓ​ണ്‍ലൈ​നാ​യി റി​പ്പോ​ര്‍ട്ട് ന​ല്‍കു​ന്ന​തി​നും ഓ​രോ വ​കു​പ്പി​ലും കു​റ​ഞ്ഞ​ത് ഒ​രു വ​ര്‍ഷ​ത്തെ​യെ​ങ്കി​ലും സേ​വ​ന​പ​രി​ച​യ​മു​ള്ള ഉ​ദ്യോ​ഗ​സ്ഥ​നെ ചു​മ​ത​ല​പ്പെ​ടു​ത്തും.

● വ​കു​പ്പു​ക​ളു​ടെ​യും ത​ദ്ദേ​ശ​വ​കു​പ്പി‍െൻറ പ്ര​വൃ​ത്തി​യു​ടെ​യും സ​പ്ല​യ​റു​ടെ​യും ബി​ല്ലു​ക​ള്‍ ന​വം​ബ​ര്‍ ഒ​ന്നു​മു​ത​ല്‍ ബി​ല്‍ ഡി​സ്കൗ​ണ്ടി​ങ് സം​വി​ധാ​ന​ത്തി​ലേ​ക്ക് മാ​റ്റും.

● അ​ധി​ക വാ​യ്പ​ക്കു​ള്ള നി​ബ​ന്ധ​ന​ക​ള്‍ എ​ത്ര​യും പെ​ട്ടെ​ന്ന് പാ​ലി​ക്കാ​ന്‍ എ​ല്ലാ വ​കു​പ്പു​ക​ള്‍ക്കും അ​ടി​യ​ന്ത​ര നി​ര്‍ദേ​ശം ന​ല്‍കും.