എ. ഷാജഹാൻ സംസ്ഥാന തെരഞ്ഞെടുപ്പ്​ കമീഷണറായി ചുമതലയേറ്റു

തിരുവനന്തപുരം: പൊതുവിദ്യാഭ്യാസ സെക്രട്ടറി എ. ഷാജഹാൻ സംസ്ഥാന തെരഞ്ഞെടുപ്പ്​ കമീഷണറായി ചുമതലയേറ്റു. ഷാജഹാനെ നിയമിക്കാൻ മന്ത്രിസഭ യോഗം നേരത്തേ തീരുമാനിച്ചിരുന്നു. നിലവിലെ കമീഷണർ വി. ഭാസ്​കര​െൻറ കാലാവധി മാർച്ച്​ 31ന്​ അവസാനിച്ചിരുന്നു. അഞ്ചുവർഷമാണ്​ കാലാവധി.

ജൂലൈയിൽ സർവിസിൽനിന്ന്​ വിരമിക്കേണ്ട മുതിർന്ന െഎ.എ.എസ്​ ഉദ്യോഗസ്ഥനായ എ. ഷാജഹാൻ നിരവധി സുപ്രധാന തസ്​തികകൾ കൈകാര്യം ചെയ്​തിരുന്നു. നിലവിൽ പൊതുവിദ്യാഭ്യാസത്തിനു പുറമെ വഖഫ്, ന്യൂനപക്ഷക്ഷേമം, കായിക-യുവജനക്ഷേമം വകുപ്പുകളുടെയും സെക്രട്ടറിയാണ്​. ഉന്നത വിദ്യാഭ്യാസം, സാമൂഹിക നീതി, തദ്ദേശ സ്വയംഭരണ വകുപ്പുകളുടെ സെക്രട്ടറി, പൊതുവിദ്യാഭ്യാസം, ലോട്ടറി, ഐ.ടി മിഷന്‍ തുടങ്ങിയവയുടെ ഡയറക്ടർ എന്നീ സ്​ഥാനങ്ങളും വഹിച്ചു. മൂന്നുവര്‍ഷം കൊല്ലം ജില്ല കലക്ടര്‍ ആയിരുന്നു. രാജ്യാന്തര ചലച്ചിത്രോത്സവം കോഓഡിനേറ്റർ, പഞ്ചായത്ത്, നഗരകാര്യ ഡയറക്ടര്‍, ഗ്രാമവികസന കമീഷണര്‍ ച​ുമതലകളിലുമുണ്ടായിരുന്നു. തദ്ദേശ സെക്രട്ടറിയായിരിക്കെ, തദ്ദേശ ​െതരഞ്ഞെടുപ്പ്​ ചുമതല വഹിച്ചിട്ടുണ്ട്. 17 ​െതരഞ്ഞെടുപ്പുകളില്‍ കേന്ദ്ര ​നിരീക്ഷകനായും പ്രവര്‍ത്തിച്ചു.

മാധ്യമപ്രവർത്തകനായി ഒൗദ്യോഗിക ജീവിതം ആരംഭിച്ച ഷാജഹാൻ തിരുവനന്തപുരം സ്വദേശിയാണ്​. ജേണലിസം -ആൻഡ്​ കമ്യൂണിക്കേഷനിലും മാനേജ്മെൻറിലും ബിരുദാനന്തര ബിരുദമുണ്ട്. ഭാര്യ: എ. നജ്മ, മക്കള്‍: എസ്. അനീസ്, ഡോ. സിബ. മരുമക്കൾ: ഡോ. എം.ടി. നിസാര്‍, ഡോ. ആല്‍ഫ.