പ്രളയത്തില്‍ അമ്പ​േതാളം പേര്‍ക്ക് പാമ്പുകടിയേറ്റു

അങ്കമാലി: പ്രളയത്തില്‍ അങ്കമാലിയിലെയും പരിസരങ്ങളിലെയും വീടുകളില്‍ കടന്നുകൂടിയ പാമ്പുകളുടെ കടിയേറ്റ് അമ്പ​േതാളംപേര്‍ ചികിത്സയില്‍. ഏതാനുംപേരുടെ നില ഗുരുതരമാണ്. വീടുകള്‍ ശുചീകരിക്കാ​െനത്തിയവര്‍ക്കാണ് കൂടുതലായും പാമ്പുകടിയേറ്റത്​. രണ്ടുദിവസമായി അങ്കമാലി എല്‍.എഫ് ആശുപത്രിയില്‍ പ്രവേശിപ്പിച്ചിരുന്ന ഇവരില്‍ ചിലര്‍ പ്രാഥമിക ചികിത്സക്കുശേഷം മടങ്ങി.

മറ്റ് ചിലര്‍ വിദഗ്ധ ചികിത്സ തേടിപ്പോയി. അങ്കമാലി, ആലുവ, കുന്നത്തുനാട്, പറവൂര്‍, കളമശ്ശേരി, പെരുമ്പാവൂര്‍ നിയോജക മണ്ഡലം പരിധികളിലുള്ളവരാണ് കൂടുതലും. പാമ്പുകളുടെയും​ മറ്റ് ക്ഷുദ്രജീവികളുടെയും ശല്യം കണക്കിലെടുത്ത് വീടുകളില്‍നിന്ന് പൂര്‍ണമായും വെള്ളം ഇറങ്ങിയശേഷമേ ശുചീകരിക്കാവൂ എന്ന് അധികൃതര്‍ മുന്നറിയിപ്പ് നല്‍കിയിരിക്കുകയാണ്.