Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപ്രളയം: ജുഡീഷ്യൽ...

പ്രളയം: ജുഡീഷ്യൽ കമീഷനെ നിയമിക്കാൻ രമേശ്​ ചെന്നിത്തലയുടെ ഹരജി

text_fields
bookmark_border
പ്രളയം: ജുഡീഷ്യൽ കമീഷനെ നിയമിക്കാൻ രമേശ്​ ചെന്നിത്തലയുടെ ഹരജി
cancel

കൊച്ചി: പ്രളയകാരണം അന്വേഷിക്കണമെന്നും ജുഡീഷ്യൽ കമീഷനെ നിയമിക്കണമെന്നും ആവശ്യപ്പെട്ട്​ പ്രതിപക്ഷ നേതാവ്​ രമേശ്​ ചെന്നിത്തല ഹൈകോടതിയിൽ. കനത്ത മഴ പെയ്തപ്പോൾ ഡാമുകളിൽ ജലനിരപ്പ് സുരക്ഷിതമായ സ്ഥിതിയിൽ നിലനിർത്തുന്നതിൽ അധികൃതർക്ക് വീഴ്ചയുണ്ടായതാണ്​ പ്രളയകാരണ​െമന്ന്​​ ഹരജിയിൽ ആരോപിച്ചു. വിശദപഠനവും പരിശോധനയും അനിവാര്യമായതിനാൽ ഹൈ​േകാടതി സിറ്റിങ്​ ജഡ്‌ജി ഉൾപ്പെടുന്ന വിദഗ്​ധ സമിതിയെ നിയോഗിക്കണമെന്നാണ്​ ആവശ്യം.

ദുരന്തത്തിനിരയായവർക്ക് മതിയായ നഷ്​ടപരിഹാരം നൽകണമെന്നും അത്​ നിശ്ചയിക്കുന്നതിനും വിതരണം ചെയ്യുന്നതിനും പ്രത്യേക ട്രൈബ്യൂണൽ രൂപവത്​കരിക്കണമെന്നും ഹരജിയിൽ ആവശ്യപ്പെടുന്നു. കേരള ഫ്ലഡ് ഡിസാസ്​റ്റർ വിക്ടിംസ് കോമ്പൻസേഷൻ (പ്രോസസിങ്​ ആൻഡ് അഡ്‌ജുഡിക്കേഷൻ ഒാഫ് ക്ലെയിംസ്) ട്രൈബ്യൂണൽ സ്കീം-2018 എന്ന പേരിൽ ഒരു പദ്ധതിയുടെ മാതൃകയും ഹരജി​ക്കൊപ്പം ഹാജരാക്കി. പ്രളയദുരന്തം നേരിടാൻ ദുരിതാശ്വാസ നിധിയിലേക്ക് നൽകുന്ന തുക പ്രത്യേക അക്കൗണ്ടിൽ സൂക്ഷിക്കണമെന്നും ഹരജിയിൽ ആവശ്യപ്പെട്ടിട്ടുണ്ട്.

ദുരിതബാധിതർക്കുള്ള അടിയന്തര ദുരിതാശ്വാസമായി 10,000 വീതം നൽകിയതി​​​െൻറ വിശദാംശങ്ങൾ കോടതി വിളിച്ചുവരുത്തണമെന്നും ഹരജി തീർപ്പാകുംവരെ പ്രളയദുരിതാശ്വാസത്തിന്​ നൽകുന്ന തുക പ്രത്യേക അക്കൗണ്ടിലേക്ക്​ മാറ്റാൻ നിർദേശം നൽകണമെന്നുമാണ്​ ഇടക്കാല ആവശ്യങ്ങൾ. സമാന ആവശ്യങ്ങളുന്നയിക്കുന്ന ഹരജികൾക്കൊപ്പം ഇത്​ പരിഗണിക്കാൻ സെപ്റ്റംബർ 19ലേക്ക്​ മാറ്റി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ramesh chennithalahighcourtkerala newskerala floodmalayalam news
News Summary - Kerala Flood: Ramesh Chennithala Filed Petition in Highcourt -Kerala News
Next Story