കേരളത്തിലേക്ക്​ വരാനുള്ള പാസ്​ വിതരണം നിർത്തി

തിരുവനന്തപുരം: മറ്റ്​ സംസ്ഥാനങ്ങളിൽ നിന്ന്​ കേരളത്തിലെത്താൻ നൽകുന്ന പാസ്​ വിതരണം നിർത്തി. നിലവിൽ കേരളത്തിലെത്തിയവരുടെ പരിശോധനകൾ പൂർത്തിയായതിന്​ ശേഷം മാത്രമേ പുതുതായി പാസ്​ നൽകു. 

നേരത്തെ റെഡ്​സോൺ ജില്ലകളിൽ നിന്ന്​ എത്തുന്നവർക്ക്​ സർക്കാർ ക്വാറൻറീൻ നിർബന്ധമാക്കി കേന്ദ്ര ആഭ്യന്തര മന്ത്രാലയം ഉത്തരവിറക്കിയിരുന്നു. ഇതിന്​ പിന്നാലെയാണ്​ പാസ്​ വിതരണം നിർത്തി നിലവിൽ കേരളത്തിലെത്തിയവരുടെ വിവരശേഖരണം സർക്കാർ ആരംഭിച്ചത്​. രണ്ട്​ മൂന്ന്​ ദിവസത്തിന്​ ശേഷമാവും ഇനി പാസ്​ വിതരണം ആരംഭിക്കുകയെന്നാണ്​ റിപ്പോർട്ടുകൾ.