എസ്​.എസ്​.എൽ.സി മൂല്യനിർണയം: ആദ്യദിനം എത്തിയത്​ 46.6 ശതമാനം അധ്യാപകർ

തി​രു​വ​ന​ന്ത​പു​രം: എ​സ്.​എ​സ്.​എ​ൽ.​സി ഉ​ത്ത​ര​ക്ക​ട​ലാ​സു​ക​ളു​ടെ മൂ​ല്യ​നി​ർ​ണ​യം സം​സ്​​ഥാ​ന​ത്തെ 35 കേ​ന്ദ്ര​ങ്ങ​ളി​ൽ ആ​രം​ഭി​ച്ചു. ഡ്യൂ​ട്ടി​ക്ക്​ നി​യോ​ഗി​ക്ക​പ്പെ​ട്ട അ​ധ്യാ​പ​ക​രി​ൽ 46.6 ശ​ത​മാ​നം പേ​രാ​ണ്​ ലോ​ക്​​ഡൗ​ൺ കാ​ര​ണം ആ​ദ്യ​ദി​നം ക്യാ​മ്പു​ക​ളി​ൽ ഹാ​ജ​രാ​യ​ത്. മൂ​ല്യ​നി​ർ​ണ​യ ഡ്യൂ​ട്ടി​യു​ണ്ടാ​യി​രു​ന്ന 6000 പേ​രി​ൽ 2800ഒാ​ളം പേ​രാ​ണ്​ എ​ത്തി​യ​ത്. വ​യ​നാ​ട്, ക​ണ്ണൂ​ർ ജി​ല്ല​ക​ളി​ലാ​ണ്​ ഏ​റ്റ​വും കു​റ​വ്​ അ​ധ്യാ​പ​ക​ർ ക്യാ​മ്പു​ക​ളി​ൽ എ​ത്തി​യ​ത്. 

വ​യ​നാ​ട്ടി​ൽ 22 ശ​ത​മാ​ന​വും ക​ണ്ണൂ​രി​ൽ 24 ശ​ത​മാ​ന​വും. പാ​ല​ക്കാ​ട്​ ചി​റ്റൂ​ർ ഗ​വ. ഹൈ​സ്​​കൂ​ളി​ലെ ക്യാ​മ്പി​ൽ 86 ശ​ത​മാ​നം പേ​ർ ഹാ​ജ​രാ​യി. കൂ​ടു​ത​ൽ ക്യാ​മ്പു​ക​ളി​ലും 50-60 ശ​ത​മാ​നം അ​ധ്യാ​പ​ക​ർ എ​ത്തി. ആ​ദ്യ​ദി​വ​സ​ത്തെ ആ​ശ​യ​ക്കു​ഴ​പ്പം കാ​ര​ണ​മാ​ണ്​ ചി​ല ക്യാ​മ്പു​ക​ളി​ൽ അ​ധ്യാ​പ​ക​രു​ടെ എ​ണ്ണം കു​റ​യാ​ൻ കാ​ര​ണ​മെ​ന്നാ​ണ്​ പൊ​തു​വി​ദ്യാ​ഭ്യാ​സ വ​കു​പ്പി​​െൻറ വി​ല​യി​രു​ത്ത​ൽ. 

അ​ടു​ത്ത ദി​വ​സ​ങ്ങ​ളി​ൽ ഹാ​ജ​ർ​നി​ല ഉ​യ​രു​മെ​ന്നാ​ണ്​ പ്ര​തീ​ക്ഷ. മൊ​ത്തം 54 ക്യാ​മ്പു​ക​ളി​ൽ 36 എ​ണ്ണ​മാ​ണ്​ തി​ങ്ക​ളാ​ഴ്​​ച തു​ട​ങ്ങാ​നി​രു​ന്ന​ത്. ഇ​തി​ൽ കൊ​ല്ലം പാ​രി​പ്പ​ള്ളി അ​മൃ​ത സ്​​കൂ​ളി​ലെ ക്യാ​മ്പ്​ പ്ര​ദേ​ശം ഹോ​ട്​​സ്​​പോ​ട്ട്​ പ​ട്ടി​ക​യി​ൽ ഉ​ൾ​പ്പെ​ട്ട​തോ​ടെ ര​ണ്ടാം ഘ​ട്ട​ത്തി​ലേ​ക്ക്​ മാ​റ്റി.  പ​രീ​ക്ഷ പൂ​ർ​ത്തി​യാ​കാ​നു​ള്ള ഗ​ണി​തം, ഫി​സി​ക്​​സ്, കെ​മി​സ്​​ട്രി, പൂ​ർ​ത്തി​യാ​യ അ​റ​ബി​ക്, ഉ​ർ​ദു, സം​സ്​​കൃ​തം എ​ന്നീ വി​ഷ​യ​ങ്ങ​ളു​ടെ ഒ​ഴി​കെ​യു​ള്ള ക്യാ​മ്പു​ക​ളാ​ണ് തി​ങ്ക​ളാ​ഴ്​​ച ആ​രം​ഭി​ച്ച​ത്. ഒ​ന്നാം ഘ​ട്ട ക്യാ​മ്പ്​ 22ന്​ ​അ​വ​സാ​നി​ക്കും.