Top
Begin typing your search above and press return to search.
exit_to_app
exit_to_app
ഇ.ഐ.എയിൽ മാറ്റം വേണം; എതിർപ്പുമായി കേരളം
cancel
Homechevron_rightNewschevron_rightKeralachevron_rightഇ.ഐ.എയിൽ മാറ്റം വേണം;...

ഇ.ഐ.എയിൽ മാറ്റം വേണം; എതിർപ്പുമായി കേരളം

text_fields
bookmark_border

തിരുവനന്തപുരം: പരിസ്​ഥിതി ആഘാത വിലയിരുത്തൽ (ഇ.ഐ.എ) വിജ്ഞാപനത്തിൽ എതിർപ്പുമായി കേരളം. പരിസ്ഥിതി ആഘാത വിജ്ഞാപനത്തി​െൻറ കരട്​ ദൂരവ്യാപക പ്രത്യാഘാതങ്ങൾക്ക്​ ഇടയാക്കും. പല നിർദേശങ്ങളോടും സംസ്​ഥാനത്തിന്​ യോജിക്കാനാവില്ലെന്നും മുഖ്യമന്ത്രി പിണറായി വിജയൻ വാർത്തസമ്മേളനത്തിൽ അറിയിച്ചു.

ബദ്ധപ്പെട്ട എല്ലാ വിഭാഗങ്ങളോടും കൂടുതൽ ചർച്ച നടത്തിമാത്രമേ അന്തിമ തീരുമാനമെടുക്കാവൂ. സംസ്​ഥാനത്തി​െൻറ സാഹച​ര്യം പരിഗണിച്ച്​ ചില കാര്യങ്ങളിൽ മാറ്റം ആവശ്യമാണ്​. പ്രധാനമായും ഖനനാനുമതിയുമായി ബന്ധപ്പെട്ട കാര്യത്തിലെ ഭേദഗതി സംസ്​ഥാനം ചൂണ്ടിക്കാണിക്കുന്നു.

ഇടത്തരം വിഭാഗത്തിലെ കാറ്റഗറി ബി വണ്ണിൽ അഞ്ച്​ ഹെക്​ടറിൽ കൂടുതൽ നൂറുഹെക്​ടർ വരെ എന്ന വ്യവസ്​ഥയാണ്​ അനുമതി നൽകുന്നതുമായി ബന്ധപ്പെട്ട്​ നിൽക്കുന്നത്​. അഞ്ച്​ ഹെക്​ടറിനും നൂറു ഹെക്​ടറിനുമിടയിൽ ഖനനങ്ങൾക്ക്​ അനുമതി നൽകു​േമ്പാൾ പരിസ്​ഥിതി ക്ലിയറൻസ്​ ആവശ്യമാകും. ഇതിൽ അഞ്ചു ഹെക്​ടർ എന്നത്​ രണ്ടു ഹെക്​ടറാക്കി ഭേദഗതി ചെയ്യണമെന്നാണ്​ സംസ്​ഥാനത്തി​െൻറ ആവശ്യം. രണ്ടു ഹെക്​ടറിന്​ മുകളിൽ ഖനന പ്രവർത്തനങ്ങൾക്ക്​ അനുമതി നൽകു​േമ്പാൾ പരിസ്​ഥിതി ക്ലിയറൻസ്​ ആവശ്യമായിവരും. രണ്ടു ഹെക്​ടറിന്​ താഴെയുള്ള ചെറുകിട ആവശ്യങ്ങൾക്ക് നിലവിലെ ആനുകൂല്യം തുടരും.

പദ്ധതികളുടെ അനുമതിക്ക്​ പബ്ലിക്​ ക്ലിയറൻസിന്​ മുമ്പ്​ നിലവിൽ അനുവദിച്ച സമയം പുതിയ കരട്​ വിജ്ഞാപനത്തിൽ 20 ദിവസമായി ചുരുക്കി. എന്നാൽ ഇത്​ 30 ദിവസം തന്നെയായി നിലനിർത്തണം. ഇത്രയും കുറഞ്ഞ സമയം പല മേഖലകളിലും പര്യാപ്​തമല്ല. ചെറുകിട പദ്ധതികൾക്ക്​ അനുമതി നൽകുന്നതിന്​ മുമ്പ്​ വിശദ പരിശോധന നടത്തുന്ന സംവിധാനമായിരുന്നു ജില്ല പാരിസ്​ഥിതിക ആഘാത പഠന സമിതികൾ. ഇതിനുപുറമെ, സംസ്​ഥാനതലത്തിൽ കൈകാര്യം ചെയ്യേണ്ട അപേക്ഷകളിൽ ജില്ലാതല സമിതികൾക്ക്​ നിർണായക പങ്കുണ്ട്​. ഈ സമിതി​കളെ കരട്​ വിജ്ഞാപനത്തിൽനിന്ന്​ ഒഴിവാക്കി. ജില്ലാതല സമിതിക​െള നിലനിർത്തണമെന്നാണ്​ സംസ്​ഥാനത്തി​െൻറ ആവശ്യമെന്നും മുഖ്യമ​​ന്ത്രി പറഞ്ഞു.

Show Full Article
TAGS:EIA EIA Kerala eia draft 2020 Environmental impact assessment 
Next Story