കേരളത്തിൽ 83 പേർക്ക്​ കൂടി കോവിഡ്​; 62 പേർക്ക്​ രോഗമുക്​തി

തിരുവനന്തപുരം: സംസ്​ഥാനത്ത്​ ഇന്ന്​ 83 പേർക്ക്​ കൂടി കോവിഡ്​ ബാധ സ്​ഥിരീകരിച്ചു. 62 പേർ രോഗ മുക്​തി നേടിയതായും മുഖ്യമന്ത്രി പിണറായി വിജയൻ വാർത്ത സമ്മേളനത്തിൽ അറിയിച്ചു.  

സംസ്​ഥാനത്ത്​ ആകെ കോവിഡ്​ ബാധിതരുടെ എണ്ണം 2244 ആയി. ഇതിൽ 1258 പേർ ഇപ്പോൾ ചികിത്സയിലുണ്ട്​. 2,18,949 പേരാണ്​ നിലവിൽ നിരീക്ഷണത്തിലുള്ളത്​. ഇതിൽ 1922 പേർ ആശുപത്രിയിലാണ്​.  ഇന്ന്​ മാത്രം 231 പേരെ കോവിഡ്​ ലക്ഷണങ്ങളോടെ ആശുപത്രിയിൽ പ്രവേശിപ്പിച്ചു. 

ഇന്ന്​ 5044 പേരുടെ സാമ്പിൾ പരിശോധിച്ചു. ഇതുവരെ 1,03,157 പേരുടെ സാമ്പിളാണ്​ സംസ്​ഥാനത്ത്​ പരിശോധിച്ചത്​.  
 

വിദേശത്തുനിന്നുള്ളവർ 27, മറ്റുസംസ്​ഥാനത്തുനിന്ന്​ 37, സമ്പർക്കം 14, ആരോഗ്യ പ്രവർത്തകർ 5 എന്നിങ്ങനെയാണ്​ ഇന്നത്തെ രോഗബാധിതരുടെ എണ്ണം. തൃശൂരിൽ സമ്പർക്കം മൂലം കോർപ്പറേഷനിലെ 4 ശുചീകരണത്തൊഴിലാളികൾക്കും നാല്​ ​ചുമട്ടു തൊഴിലാളികൾക്കും രോഗം ബാധിച്ചു.

മറ്റുസംസ്​ഥാനങ്ങളിൽനിന്ന്​ വന്ന രോഗബാധിതരുടെ എണ്ണം: മഹാരാഷ്​ട്ര 20, ഡൽഹി 7, തമിഴ്​നാട്,  കർണാടക 4 വീതം, ബംഗാൾ, മധ്യപ്രദേശ്​ ഒന്നുവീതം. 

കോവിഡ്​ ബാധിച്ച്​ മരിച്ച കണ്ണൂർ ഇരിട്ടി സ്വദേശി പി.കെ. മുഹമ്മദിൻെറ വിയോഗത്തിൽ മുഖ്യമന്ത്രി അനുശോചിച്ചു.

അഞ്ചുദിവസത്തെ ഇടവേളക്കുശേഷമാണ്​ മുഖ്യമന്ത്രി ഇന്ന്​ മാധ്യമങ്ങളെ കണ്ടത്​. കഴിഞ്ഞ വെള്ളിയാഴ്​ചയായിരുന്നു ​ അവസാന പ്രതിദിന വാർത്താ​സമ്മേളനം. അതിന്​ ശേഷം തുടർച്ചയായി മൂന്നുദിവസം രോഗബാധിതരുടെ എണ്ണം 100ന്​ മുകളിൽ കടന്നിരുന്നു. 

ഇന്ന്​ രോഗം സ്ഥിരീകരിച്ചത്​:

തൃശൂർ 25 ,
കൊല്ലം 8 ,
കോട്ടയം 2 , 
​പത്തനംതിട്ട 5, 
എറണാകുളം 2 , 
മലപ്പുറം 10, 
പാലക്കാട് 13 ​,
കോഴിക്കോട് 1​,
കണ്ണൂർ 7 ,
കാസർകോട്​ 10

ഇന്ന്​ രോഗമുക്​തി നേടിയവർ: 

തിരുവനന്തപുരം 16, 
കൊല്ലം 2 ,
എറണാകുളം 6 , 
തൃശൂർ 7 ,
മലപ്പുറം 2 , 
പാലക്കാട്​ 13 ,
കോഴിക്കോട്​ 3 ,
കണ്ണൂർ 8 ,
കാസർകോട്​ 5