സംസ്ഥാനത്ത്​ ഇന്ന്​ അഞ്ച്​പേർക്ക്​ കോവിഡ്​ 

തിരുവനന്തപുരം. സംസ്ഥാനത്ത്​ ഇന്ന്​ അഞ്ച്​ പേർക്ക്​ കോവിഡ്​ പോസിറ്റീവ്​ സ്ഥിരീകരിച്ചുവെന്ന്​ മുഖ്യമന്ത്രി പിണറായി വിജയൻ വാർത്ത സമ്മേളനത്തിൽ അറിയിച്ചു. രോഗബാധിതരിൽ മൂന്നുപേർ ഗൾഫിൽ നിന്നും വന്നവരാണ്​. മലപ്പുറത്ത്​ മൂന്ന്​പേർക്കും പത്തനംതിട്ട, കോട്ടയം എന്നിവിടങ്ങളിൽ ഓരോപേർക്കുമാണ്​ ​േകാവിഡ്​ സ്ഥിരീകരിച്ചത്​. ഇതിൽ ഒരാൾ ചെന്നൈയിൽ നിന്നും വന്നതാണ്​. കോട്ടയത്ത്​ കോവിഡ്​ സ്ഥിരീകരിച്ചത്​ രണ്ടുവയസ്സുകാരനാണ്​. കുട്ടിയും അമ്മയും കുവൈത്തിൽ നിന്നും എത്തിയവരാണ്​. 

സംസ്ഥാനത്ത്​ 32കോവിഡ്​ ബാധിതരാണ്​ നിലവിലുള്ളത്​.  ഇതിൽ 23​േ​പർക്കും കോവിഡ്​ ബാധിച്ചത് വിദേശത്ത്​​ നിന്നാണ്​​. കോവിഡ്​ പ്രതിരോധത്തി​​​​​​െൻറ പുതിയ ഘട്ടത്തിലേക്കാണ്​ സംസ്ഥാനം കടക്കുന്നത്​. സമൂഹ വ്യാപനമെന്ന ഭീഷണിയെ തടുത്തുനിർത്തുകയെന്ന ദൗത്യമാണ്​ നമുക്കുള്ളത്​.

വിദേശത്ത്​ നിന്ന്​ വരുന്നവർക്ക്​ ആൻറിബോഡി ടെസ്​റ്റ്​ ഉറപ്പാക്കണം. വിദേശത്ത്​ നിന്ന്​ വന്നവർ വീടുകളിൽ തുടരുന്നുവെന്ന്​ ഉറപ്പാക്കുന്നതിനായി ​പൊലീസി​നെ ചുമതലപ്പെടുത്തും. ലോകമാകെ പ്രകീർത്തിക്കപ്പെടുന്ന കേരളത്തി​​െൻറ കോവിഡ്​ പ്രതിരോധത്തി​​െൻറ വലിയ പങ്കും നഴ്​സുമാർക്ക്​ അവകാശപ്പെട്ടതാണ്​. ഈ ദുരിത നാളുകളിലും കേരളത്തി​​െൻറ അംബാസഡർമാരായി മികച്ച പ്രവർത്തനമാണ്​ നഴ്​സുമാർ കാഴ്​ചവെക്കുന്നത്​. നഴ്​സുമാരുടെ പ്രവർത്തനങ്ങൾക്ക്​ ലോകവും കേരളവും കടപ്പെട്ടിരിക്കുന്നു. 

വിമാനത്താവളങ്ങളിലേതുപോലെ റെയിൽവേ സ്​റ്റേഷനുകളിലും വിപുലമായ പരിശോധന ഉറപ്പാക്കും. തിരുവനന്തപുരത്തേക്ക്​ വരുന്ന ട്രെയിനുകൾക്ക്​ കൊച്ചി, കോഴിക്കോട്​ എന്നിവിടങ്ങളിൽ മാത്രമാണ്​ സ്​റ്റോപ്പുകളുള്ളത്​ എന്നാണ്​ റെയിൽവേ അറിയിച്ചിരിക്കുന്നത്​. ഇങ്ങനെയായാൽ കാസർകോട്ടും കണ്ണൂരി​​െൻറ വടക്കൻ പ്രദേശങ്ങളിലും ഉള്ളവർക്ക് അടുത്തുള്ള സ്​റ്റേഷനായ​ മംഗലാപുരത്ത്​ ഇറങ്ങേണ്ടിവരും. ഇത്​ വലിയ പ്രയാസം സൃഷ്​ടിക്കുമെന്നതിനാൽ രാജധാനിക്ക്​​ സ്​റ്റോപ്പുള്ള ഇടങ്ങളിലെല്ലാം ട്രെയിൻ നിർത്താനായി സംസ്ഥാനം ആവശ്യപ്പെട​ുമെന്നും മുഖ്യമന്ത്രി കൂട്ട​ിച്ചേർത്തു.