Top
Begin typing your search above and press return to search.
exit_to_app
exit_to_app
സംസ്ഥാനത്ത്​ ഏഴുപേർക്ക്​ കൂടി കോവിഡ്​
cancel

തിരുവനന്തപുരം: സംസ്ഥാനത്ത്​ ഏഴുപേർക്ക്​ കൂടി കോവിഡ്​ സ്ഥിരീകരിച്ചു. കോട്ടയം, കൊല്ലം ജില്ലകളിൽ മൂന്ന്​ ​വ ീതം പേർക്കും കണ്ണൂർ ജില്ലയിൽ ഒരാൾക്കുമാണ്​ രോഗം സ്ഥിരീകരിച്ചത്​. 21044പേരാണ്​ നിലവിൽ സംസ്ഥാനത്ത്​ നിരീക്ഷണത്ത ിലുള്ളത്​. ഇന്ന്​ ഏഴുപേരാണ് രോഗമുക്തരായത്​.

കൊല്ലത്ത്​ കോവിഡ്​ സ്ഥിരീകരിച്ചവരിൽ ഒരാൾ ആരോഗ്യ പ്രവർത് തകയാണ്​. സംസ്ഥാനത്തിൻെറ ഇടപെടലുകളിൽ കേന്ദ്രത്തിന്​ സംതൃപ്​തി ഉള്ളതായും മുഖ്യമന്ത്രി പിണറായി വിജയൻ അറിയിച്ചു.

തീ​വ്ര ബാധിത പ്രദേശങ്ങൾ ഒഴികെയുള്ളിടങ്ങളിലെ കടകൾ തുറക്കാൻ അനുമതിയുണ്ട്​. സുരക്ഷ മുൻകരുതലുകൾ സ്വീകരിച്ചാണ്​ കടകൾ തുറക്കേണ്ടത്​. തുറക്കുന്നതിന്​ മുമ്പ്​ കടകൾ അണുവിമുക്തമാക്കുന്നത്​ ഉറപ്പാക്കണം.

സംസ്ഥാനങ്ങളുമായി അതിർത്തി പങ്കിടുന്ന ജില്ലകളിൽ വലിയ പ്രശ്​നങ്ങൾ അനുഭവപ്പെടുന്നു. ഇവിടങ്ങളിലെ ജില്ല ഭരണകൂടം ഒരു വിട്ടുവീഴ്​ചയും കാണിക്കരുത്​. അനധികൃതമായി വരുന്നത്​ ആരായാലും തടയണം.

ക്ഷേമനിധി പെൻഷൻ ആനുകൂല്യം ലഭിക്കാത്ത ബി.പി.എൽ കുടുംബങ്ങൾക്ക്​ ആയിരം രൂപ നൽകും.

മാധ്യമങ്ങൾ രൂക്ഷമായ പ്രതിസന്ധി അഭിമുഖീകരിക്കുന്നു. ഫീൽഡിലുള്ള മാധ്യമപ്രവർത്തകർക്ക്​ രോഗഭീഷണിയുണ്ട്​. അവർക്ക്​​ പരിശോധന ഉറപ്പാക്കും. മാധ്യമസ്ഥാപനങ്ങൾ പിരിച്ചുവിടലിനും ശമ്പള നിഷേധത്തിനും തയ്യാറാകരുത്​. രോഗഭീഷണിക്കിടയിലും വാർത്തശേഖരണം നടത്തുന്ന പ്രാദേശിക ലേഖകരു​ടെ സേവനം സ്​തുത്യർഹമാണ്​. അവരുടെ സേവനം തടസ്സപ്പെടാതിരിക്കാൻ പൊലീസിന്​ നിർദേശം നൽകിയിട്ടുണ്ട്​. മാധ്യമങ്ങളു​ടെ പരസ്യകുടിശിക നൽകാനായി പി.ആർ.ഡി വകുപ്പ്​ നടപടികൾ ആരംഭിച്ചിട്ടുണ്ട്​.

കുട്ടികളടക്കമുള്ളവർ പോലും ദുരിതാശ്വാസ നിധിയിലേക്ക്​ പണം നൽകുന്ന കാലത്ത്​ സർക്കാർ ഉദ്യോഗസ്ഥരിൽ ചിലരുടെ ഭാഗത്തുനിന്ന്​ നിസ്സഹകരണം ശ്രദ്ധയിൽ പെട്ടിട്ടുണ്ട്​. സാലറികട്ട്​ ഉത്തരവ്​ ചിലർ കത്തിച്ച്​ പ്രതിഷേധിച്ചത്​ മോശം സമീപനമാണ്​. തിരുവനന്തപുരം ആർ.സി.സിയിൽ കാൻസർ ചികിത്സക്ക്​ മുമ്പ്​ കോവിഡ്​ പരിശോധന ഉറപ്പാക്കുമെന്നും മുഖ്യമന്ത്രി കൂട്ടിച്ചേർത്തു.

Show Full Article
TAGS:covid 19 pinarayi vijayan kerala news 
News Summary - kerala covid news updates malayalam news
Next Story