സംസ്​ഥാനത്ത്​ 58 പേർക്ക്​ കൂടി കോവിഡ്​; 10 പേർക്ക്​ രോഗമുക്തി

തിരുവനന്തപു​രം: സംസ്​ഥാനത്ത്​ 58 പേർക്ക്​ കൂടി ശനിയാഴ്​ച കോവിഡ്​ സ്​ഥിരീകരിച്ചു. 10 പേർക്ക്​ രോഗം ഭേദമായി. തൃശൂരിൽ 10പേർക്കും പാലക്കാട്​ ഒമ്പത്​, കണ്ണൂർ എട്ട്​, കൊല്ലം ഇടുക്കി, എറണാകുളം, കോഴിക്കോട്​ നാലുപേർക്ക്​ വീതവും കാസർകോട്​ മൂന്നുപേർക്കും ആലപ്പുഴ, തിരുവനന്തപുരം രണ്ടുവീതവും കോട്ടയത്ത്​ ഒരാൾക്കുമാണ്​ രോഗം സ്​ഥിരീകരിച്ചത്​. കൂടാതെ ഏഴ്​ എയര്‍ ഇന്ത്യ ജീവനക്കാര്‍ക്കും രോഗം സ്ഥിരീകരിച്ചു. ഇതില്‍ ആലപ്പുഴയില്‍ കരള്‍ രോഗബാധയെ തുടര്‍ന്ന് ചികിത്സയിലായിരിക്കെ ഇന്നലെ മരണമടഞ്ഞ വ്യക്തിയുടെ പരിശോധനാഫലവും ഉള്‍പെടുന്നുണ്ട്​. 

17 പേര്‍ വിദേശത്ത് നിന്നും (കുവൈറ്റ് -ആറ്​, യു.എ.ഇ -ആറ്​, ഒമാന്‍ -രണ്ട്​, സൗദി അറേബ്യ, ഖത്തര്‍​, ഇറ്റലി -ഒന്നുവീതം​) 31 പേര്‍ മറ്റ് സംസ്ഥാനങ്ങളില്‍ (മഹാരാഷ്ട്ര-19, തമിഴ്‌നാട്-9, തെലുങ്കാന, ഡല്‍ഹി, കര്‍ണാടക -ഒന്നുവീതം) നിന്ന്​ വന്നതാണ്. പാലക്കാട് ഒരു ആരോഗ്യ പ്രവര്‍ത്തകക്കും കൊല്ലത്തും പാലക്കാടും രണ്ടുപേര്‍ക്ക് സമ്പര്‍ക്കത്തിലൂടെയും രോഗം ബാധിച്ചു.

മലപ്പുറം ജില്ലയില്‍ നിന്നുള്ള നാലുപേരുടെയും (ഒരു പാലക്കാട് സ്വദേശി) തൃശൂര്‍ ജില്ലയില്‍ നിന്നുള്ള മൂന്നു പേരുടെയും തിരുവനന്തപുരം, കോട്ടയം, കണ്ണൂര്‍ ജില്ലകളില്‍ നിന്നുള്ള ഓരോരുത്തരുടെ വീതവും പരിശോധനഫലമാണ് നെഗറ്റീവ് ആയത്. 624 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 575 പേര്‍ കോവിഡ് മുക്തരായി.

വിമാനത്താവളം വഴി 17,720 പേരും സീപോര്‍ട്ട് വഴി 1621 പേരും ചെക്ക് പോസ്റ്റ് വഴി 97,952 പേരും റെയില്‍വേ വഴി 9796 പേരും ഉള്‍പ്പെടെ സംസ്ഥാനത്ത് ആകെ 1,27,089 പേരാണ് എത്തിയത്.

സംസ്ഥാനത്തെ വിവിധ ജില്ലകളിലായി 1,30,157 പേര്‍ നിരീക്ഷണത്തിലാണ്. ഇവരില്‍ 1,28,953 പേര്‍ വീട്/ഇൻസ്​റ്റിറ്റ്യൂഷനല്‍ ക്വാറൻറീനിലും 1204 പേര്‍ ആശുപത്രികളിലും നിരീക്ഷണത്തിലാണ്. 243 പേരെയാണ് ശനിയാഴ​്​ച ആശുപത്രിയില്‍ പ്രവേശിപ്പിച്ചത്.

കഴിഞ്ഞ 24 മണിക്കൂറിനിടെ 3206 സാമ്പിളുകള്‍ പരിശോധനക്ക്​ അയച്ചു. ഇതുവരെ 65,002 വ്യക്തികളുടെ (ഓഗ്‌മ​​​െൻറഡ് സാമ്പിള്‍ ഉള്‍പ്പെടെ) സാമ്പിള്‍ പരിശോധനക്ക്​ അയക്കുകയും ചെയ്​തു. ഇതില്‍ ലഭ്യമായ 62,543 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സ​​​െൻറിനല്‍ സര്‍വൈലന്‍സി​​​​​െൻറ ഭാഗമായി ആരോഗ്യ പ്രവര്‍ത്തകര്‍, അന്തർ സംസ്​ഥാന തൊഴിലാളികള്‍, സാമൂഹിക സമ്പര്‍ക്കം കൂടുതലുള്ള വ്യക്തികള്‍ മുതലായ മുന്‍ഗണന ഗ്രൂപ്പുകളില്‍ നിന്ന് 12,255 സാമ്പിളുകള്‍ ശേഖരിച്ചതില്‍ 11,232 സാമ്പിളുകള്‍ നെഗറ്റീവ് ആയി.

ശനിയാഴ്​ച അഞ്ച്​ പ്രദേശങ്ങളെ കൂടി ഹോട്ട് സ്‌പോട്ടുകളാക്കി. തിരുവനന്തപുരം ജില്ലയിലെ മാണിക്കല്‍, പാലക്കാട് ജില്ലയിലെ പാലക്കാട് മുന്‍സിപ്പാലിറ്റി, തച്ചമ്പാറ, പട്ടാമ്പി, കോട്ടയം ജില്ലയിലെ മാടപ്പള്ളി എന്നിവയാണ് പുതിയ ഹോട്ട് സ്‌പോട്ടുകള്‍. നിലവില്‍ ആകെ 106 ഹോട്ട് സ്‌പോട്ടുകളാണ് ഉള്ളത്.

രോഗമുക്ത നിരക്കിൽ കേരളം മുന്നിൽതന്നെ
തി​രു​വ​ന​ന്ത​പു​രം: കോ​വി​ഡ്​ കേ​സു​ക​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ്​ നാ​ലാം​ഘ​ട്ട ലോ​ക്​​ഡൗ​ൺ അ​വ​സാ​നി​ക്കു​ന്ന​ത്. ഹോ​ട്​​​സ്​​പോ​ട്ടു​ക​ളി​ൽ നി​ന്ന​ട​ക്കം മ​ട​ങ്ങി​യെ​ത്തി​യ​വ​ർ​ക്കാ​ണ്​ രോ​ഗം സ്​​ഥി​രീ​ക​രി​ക്കു​ന്ന​തെ​ങ്കി​ലും ക​ർ​ശ​ന നി​രീ​ക്ഷ​ണ​ത്തോ​ടെ ​​സ​മ്പ​ർ​ക്ക​പ്പ​ട​ർ​ച്ച​യെ പി​ടി​ച്ചു​നി​ർ​ത്താ​നാ​യി എ​ന്ന​താ​ണ്​ നേ​ട്ടം. രോ​ഗ​മു​ക്ത നി​ര​ക്കി​ലും, കു​റ​ഞ്ഞ മ​ര​ണ​നി​ര​ക്കി​ലും കേ​ര​ളം രാ​ജ്യ ശ​രാ​ശ​രി​യെ​ക്കാ​ൾ മു​ന്നി​ലാണ്. 
കേ​ര​ള​ത്തി​ൽ കോ​വി​ഡ് ബാ​ധി​ച്ച​ത്​ 1208 പേ​ർ​ക്കാ​ണ്. ഇ​തി​ൽ ചു​രു​ങ്ങി​യ കാ​ല​യ​ള​വി​നകം ഇ​ത്ര​യ​ധി​കം കേ​സു​ക​ൾ റി​പ്പോ​ർ​ട്ട്​ ചെ​യ്​​ത​ത്​ നാ​ലാം ലോ​ക്​​ഡൗ​ൺ കാ​ല​യ​ള​വി​ലാ​ണ്. സ​മാ​ന സാ​ഹ​ച​ര്യ​മാ​ണെ​ങ്കി​ൽ ഇ​നി​യും രോ​ഗ​ബാ​ധ കു​തി​ച്ചു​യ​​രു​മെ​ന്നാ​ണ്​ ക​ണ​ക്കാ​ക്കു​ന്ന​ത്. നി​ല​വി​ലെ രീ​തി​യി​ല്‍ ഉ​യ​രു​ക​യാ​ണെ​ങ്കി​ല്‍ ഒ​രു​മാ​സ​ത്തി​ന​കം 2000-3000 ആ​യേക്കും.
കോ​വി​ഡ്​ കേ​സു​ക​ൾ ഉ​യ​രു​ന്നു​ണ്ടെ​ങ്കി​ലും ഇ​ള​വു​ക​ളി​ൽ​നി​ന്ന്​ പി​ന്നോ​ട്ട്​ പോ​കേ​​െണ്ട​ന്നാ​ണ്​ സ​ർ​ക്കാ​ർ നി​ല​പാ​ട്. നി​ല​വി​ലെ കേ​സു​ക​ൾ കോ​വി​ഡി​​െൻറ കേ​ര​ള​ത്തി​െ​ല മൂ​ന്നാം വ​ര​വാ​ണെ​ന്ന്​ ആ​രോ​ഗ്യ​വ​കു​പ്പ്​ സ്​​ഥി​രീ​ക​രി​ച്ചി​ട്ടു​ണ്ട്. ജി​ല്ല​ക്കു​ള്ളി​ൽ നി​യ​ന്ത്ര​ണ​ങ്ങ​ളോ​ടെ പൊ​തു​ഗ​താ​ഗ​തം പു​ന​രാ​രം​ഭി​ച്ച​ത്​ നാ​ലാം​ഘ​ട്ട​ത്തി​ലാ​ണ്. കെ.​എ​സ്.​ആ​ർ.​ടി.​സി ബ​സു​ക​ൾ ഭാ​ഗി​ക​മാ​യി നി​ര​ത്തി​ലി​റ​ങ്ങി​യ​തും ഇ​ക്കാ​ല​യ​ള​വി​ൽ. സ​മീ​പ ജി​ല്ല​ക​ളി​ലേ​ക്കു​ള്ള യാ​ത്ര​ക്ക്​ ഏ​ർ​പ്പെ​ടു​ത്തി​യി​രു​ന്ന പാ​സ്​ ഒ​ഴി​വാ​ക്കി​യ​തും യാ​ത്ര​ക​ൾ​ക്ക്​ കൂ​ടു​ത​ൽ അ​നു​മ​തി ന​ൽ​കി​യ​തും ഇൗ ​ഘ​ട്ട​ത്തി​ലാ​ണ്. സ്​​പെ​ഷ​ൽ ട്രെ​യി​നു​ക​ൾ കൂ​ടു​ത​ലാ​യി എ​ത്തി​യ​തോ​ടെ ഇ​ത​ര സം​സ്​​ഥാ​ന​ങ്ങ​ളി​ൽ കൂ​ടു​ത​ൽ പേ​ർ​ക്ക്​ നാ​ട​ണ​യാ​നാ​യി.