മനുഷ്യത്വം കൊണ്ട്​ കെട്ടിപ്പടുത്ത നന്മയുടെ അസ്​തിവാരം... മലയാളത്തിന്‍റെ സ്​നേഹസാക്ഷ്യമായി ഈ കുരുന്നിനോടുള്ള കരുതൽ...

കോഴിക്കോട്​: 'എന്‍റെ കാര്യം നോക്കേണ്ട, അനിയനെ നോക്കണം. അവന് മരുന്ന് എത്തിക്കണം' എന്ന അഫ്രയുടെ നൊമ്പരമൂറുന്ന വാക്കുകൾ മലയാളികൾ കരുണയും കരുതലും ചാലിച്ച്​ ഹൃദയത്തിലേറ്റെടുത്തു. ഒരാഴ്ച കൊണ്ട്​ 18 കോടി രൂപ മുഹമ്മദ്​ എന്ന കുരുന്നിന്‍റെ ചികിത്സക്കായി ആ അക്കൗണ്ടിലേക്ക്​ ഒഴുകിയെത്തിയത്​ അതിന്‍റെ സാക്ഷ്യമായിരുന്നു. മനുഷ്യത്വവും സാഹോദര്യവും ദയാവായ്​പും കൊണ്ട്​ കെട്ടിപ്പടുത്ത മലയാളത്തിന്‍റെ അസ്​തിവാരത്തിന്​ നന്മയുടെ ഇളകാത്ത ഉറപ്പുണ്ടെന്ന്​ ലോകത്തെ ബോധ്യപ്പെടുത്തിയ ഏഴുദിനങ്ങൾ കൂടിയായിരുന്നു ഇത്​.

മഹാമാരിയിൽ വൻ പ്രതിസന്ധിയുടെ നടുക്കയത്തിൽ നിൽക്കു​േമ്പാഴും ആ ഒന്നര വയസ്സുകാരന്​ ചികിത്സക്ക്​ വേണ്ട 18 കോടി രൂപക്കായി കേരളം ഒരുമനസ്സാലെ കൈകോർക്കുകയായിരുന്നു. മകന്‍റെ ചികിത്സക്കായി എന്തു ചെയ്യണമെന്നറിയാതെ കണ്ണീർ വാർക്കുകയായിരുന്ന റ​ഫീ​ഖിനും മ​റി​യു​മ്മ​ക്കും കരുത്തായി മുഹമ്മദിനോടുള്ള വാത്സല്യവും കരുണയും കേരളം നെഞ്ചേറ്റിയപ്പോൾ പിറന്നത്​ മാനവികതയുടെ മഹത്തായ പാഠം.

ഇത്രയും വലിയൊരു തുക ഏതു രീതിയിൽ സമാഹരിക്കുമെന്ന്​ ആശങ്കപ്പെട്ടുനിന്ന സാമൂഹിക പ്രവർത്തകരടക്കം മലയാളിയുടെ മനുഷ്യത്വത്തിനുമുന്നിൽ അതിശയം കൂറുകയാണ്​. കൈ​യി​ലു​ള്ള​തെ​ല്ലാം വി​റ്റും ക​ടം വാ​ങ്ങി​യും ചി​കി​ത്സ ന​ട​ത്തി​യ കു​ടും​ബ​ം, കുഞ്ഞുമകന്‍റെ ദൈന്യതക്കുമുമ്പിൽ കരുണയുടെ ആയിരക്കണക്കിന്​ കരങ്ങൾ നീട്ടിയ നാടിനോടുള്ള നന്ദി പറഞ്ഞറിയിക്കാനാവുന്നതല്ലെന്ന്​ ആശ്വാസത്തോടെ പ്രതികരിക്കുന്നു. ഒരു രൂപ മു​തൽ ലക്ഷക്കണക്കിന്​ രൂപ വരെ ഈ കുരുന്നിന്‍റെ ചികിത്സക്ക്​ സംഭാവന നൽകിയവരുണ്ട്​.

മാ​ട്ടൂ​ൽ ഗ്രാ​മ​വാ​സി​ക​ൾ ജ​ന​കീ​യ ക​മ്മി​റ്റി രൂ​പ​വ​ത്​​ക​രി​ച്ചാണ്​​ ധ​ന​സ​മാ​ഹ​ര​ണം ആരംഭിച്ചത്​. ചികിത്സക്കായി 14 കോടി രൂപ അക്കൗണ്ടിലെത്തിയെന്ന്​ തിങ്കളാഴ്ച ഉച്ചയോടെ റി​േപ്പാർട്ടുകൾ വന്ന്​ കേവലം നാലു മണിക്കൂറിനകമാണ്​ ബാക്കി നാലുകോടി രൂപ കൂടി ഒഴുകിയെത്തിയത്​. അനിയന്​ മരുന്ന് എത്തിക്കാനുള്ള അഫ്രയുടെ നൊമ്പരമൂറുന്ന അപേക്ഷ മലയാളികൾ ഹൃദയത്തിലേറ്റുകയായിരുന്നു.

18 കോ​ടി രൂ​പ​ വിലയുള്ള ലോ​ക​ത്തി​ലെ ഏ​റ്റ​വും വി​ല​കൂ​ടി​യ മ​രു​ന്നാണ്​ മുഹമ്മദിന്‍റെ ചികിത്സക്ക്​ വേണ്ടത്​. അ​മേ​രി​ക്ക​യി​ല്‍നി​ന്നാണ്​ മരുന്ന്​ ഇ​റ​ക്കു​മ​തി ചെ​യ്യേണ്ടത്​. അപൂർവ ജ​നി​ത​ക ​വൈ​ക​ല്യം​മൂ​ലം ഉ​ണ്ടാ​കു​ന്ന സ്‌​പൈ​ന​ല്‍ മ​സ്‌​കു​ലാ​ര്‍ അ​ട്രോ​ഫി​യെ​ന്ന രോ​ഗം ബാ​ധി​ച്ച്​ ന​ട​ക്കാ​നാ​വാ​ത്ത സ്ഥി​തി​യി​ലാ​ണ്​ കു​ഞ്ഞ്. മു​ഹ​മ്മ​ദി​ന്‍റെ സ​ഹോ​ദ​രി 15 വ​യ​സ്സു​കാ​രി അ​ഫ്ര​ക്ക്​ നേ​ര​ത്തെ ഈ ​അ​സു​ഖം സ്ഥി​രീ​ക​രി​ച്ച​തി​ന്​ പി​ന്നാ​ലെ​യാ​ണ്​ ഈ ​കു​ടും​ബ​ത്തെ ഇ​രു​ട്ടി​ലാ​ക്കി രോ​ഗം വി​ധി​യു​ടെ രൂ​പ​ത്തി​ൽ വീ​ണ്ടു​മെ​ത്തി​യ​ത്. ര​ണ്ട്​ വ​യ​സ്സി​നു​ള്ളി​ൽ മ​രു​ന്ന്​ ന​ൽ​കി​യാ​ൽ മാ​ത്ര​മേ അ​സു​ഖം ഭേ​ദ​മാ​വു​ക​യു​ള്ളൂ.

ഏ​റെ​നാ​ള​ത്തെ ചി​കി​ത്സ​ക്കു ​ശേ​ഷം നാ​ലാ​​മ​ത്തെ വ​യ​സ്സി​ലാ​ണ്​ മൂ​ത്ത​മ​ക​ൾ അ​ഫ്ര​ക്ക് സ്‌​പൈ​ന​ല്‍ മ​സ്‌​കു​ലാ​ര്‍ അ​ട്രോ​ഫി​യാ​ണെ​ന്ന്​ തി​രി​ച്ച​റി​ഞ്ഞ​ത്. അ​പ്പോ​ഴേ​ക്കും ഒ​ന്നും ചെ​യ്യാ​നാ​വാ​ത്ത അ​വ​സ്ഥ​യി​ലാ​യി​രു​ന്നു. തുടർചികിത്സ മാത്രമാണ് ഇനി അഫ്രയ്ക്ക് നൽകാൻ കഴിയുക. എങ്കിലും അഫ്രയ്ക്കുള്ള ചികിത്സയും ഏറ്റെടുക്കുകയാണ്​ നാട്​. അഫ്രയുടെ ഓപറേഷനും നടത്തുമെന്ന് കമ്മിറ്റി വ്യക്തമാക്കി. ഇതിനുള്ള പണം കൂടി കണ്ടെത്തി ചികിത്സ ഉറപ്പുവരുത്തുമെന്നും ജനകീയ കമ്മിറ്റി വ്യക്​തമാക്കുന്നു.

മ​രു​ന്ന്​ ന​ൽ​കി​യാ​ൽ മുഹമ്മദ്​ ര​ക്ഷ​പ്പെ​ടു​മെ​ന്ന്​​ ​കു​ട്ടി​യെ ചി​കി​ത്സി​ക്കു​ന്ന ഡോ​ക്​​ട​ർ​മാ​ർ ഉ​റ​പ്പു​ന​ൽ​കി​യി​ട്ടു​ണ്ട്​. ഗ​ൾ​ഫി​ൽ എ.​സി ടെ​ക്​​നീ​ഷ്യ​നാ​യ റ​ഫീ​ഖ്​ ലോ​ക്​​ഡൗ​ണി​നെ​ തു​ട​ർ​ന്ന്​ നാ​ട്ടി​ൽ കു​ടു​ങ്ങി​യി​രി​ക്കു​ക​യാ​ണ്. ഇനി പ്രതീക്ഷയും പ്രാർഥനകളുമാണ്​. ചികിത്സ ഫലവത്തായി മുഹമ്മദ്​ സുഖം പ്രാപിക്കുന്ന നല്ല നാളുകളിലേക്കാണ്​ കേരളക്കര ഉറ്റുനോക്കുന്നത്​.