സ്​പ്രിങ്ക്​​ളർ: ഒഴിഞ്ഞുമാറി മുഖ്യമന്ത്രി

തിരുവനന്തപുരം: സംസ്ഥാനത്തെ​ കോവിഡുമായി ബന്ധപ്പെട്ട​ വിവരങ്ങൾ സ്വകാര്യ വെബ്​സൈറ്റായ സ്​പ്രിങ്ക്​ളറിന്​ നൽ കുന്നതുമായി ബന്ധപ്പെട്ട്​ മാധ്യമ പ്രവർത്തകർ ഉയർത്തിയ ചോദ്യത്തിൽ നിന്നും മുഖ്യമന്ത്രി ഒഴിഞ്ഞുമാറി.

സ്​ പ്രിങ്ക്​​ളറുമായി ബന്ധപ്പെട്ട വിവരങ്ങൾ ഐ.ടി വകുപ്പിനോട്​ ചോദിക്കണം. ഞാൻ പറയുന്നതല്ല ശരി. തനിക്കതിന്​ പിറകെ പോകാൻ സമയമില്ല. അതൊക്കെ ആദ്യ​മേയുള്ള തീരുമാനത്തി​​​​െൻറ ഭാഗമായുള്ളതാണ്​. ഇക്കാര്യത്തിൽ മറ്റു സംശയങ്ങൾക്ക്​ അടിസ്ഥാനമില്ലെന്നും മുഖ്യമ​ന്ത്രി കൂട്ടിച്ചേർത്തു.

കോവിഡുമായി ബന്ധപ്പെട്ട​ വിവരങ്ങൾ സ്വകാര്യ വെബ്​സൈറ്റായ സ്​പ്രിങ്ക്​ളറിന്​​ നൽകേണ്ടെന്ന് പഞ്ചായത്ത്​ ഡയറക്​ടർ നിർദേശം നൽകിയതായി വാർത്ത പുറത്തുവന്നിരുന്നു. എന്നാൽ നിർദേശത്തിനുശേഷവും വിവരങ്ങൾ ​പ്രസ്​തുത വെബ്​സൈറ്റിലേക്കാണ്​ കയറു​ന്നതെന്ന്​ ആരോപണമുണ്ട്​.

ഇടപാടിലെ സുപ്രധാന വിവരങ്ങള്‍ മുഖ്യമന്ത്രി മറച്ചു​െവക്കുന്നതായും തെറ്റിദ്ധാരണ പരത്താന്‍ ശ്രമിക്കുന്നതായും നേരത്തെ പ്രതിപക്ഷനേതാവ് രമേശ് ചെന്നിത്തല ആരോപിച്ചിരുന്നു.