കൊല്ലം അജിത്തിന്‍റെ നിര്യാണം: മുഖ്യമന്ത്രി അനുശോചിച്ചു

തിരുവനന്തപുരം: സിനിമ-സീരിയൽ നടൻ കൊല്ലം അജിത്തിന്‍റെ നിര്യാണത്തിൽ മുഖ്യമന്ത്രി പിണറായി വിജയന്‍ അനുശോചിച്ചു. തൊണ്ണൂറുകളിൽ വില്ലൻ വേഷങ്ങളിലൂടെ മലയാള സിനിമയിൽ ശ്രദ്ധ നേടിയ അദ്ദേഹം മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളിലായി 500ഓളം സിനിമകളിൽ അഭിനയപാടവം കാഴ്ചവെച്ചു. പരുക്കൻ ഭാവ പ്രകടനങ്ങളിലുടെ അഭ്രപാളിയിൽ വൈവിധ്യമാർന്ന കഥാപാത്രങ്ങൾ അവതരിപ്പിച്ച അജിത്തിന് ആദരാഞ്ജലികൾ അർപ്പിക്കുന്നതായും അനുശോചന സന്ദേശത്തിൽ പറ‍യുന്നു.